Pathau mik va song tong abih gauk:  Uranaih “tuổi teen” njauk klauk ginup atau klauk  veik dom janih  văcxin pacang  viêm gan B, bạch hầu - ho gà - uốn ván, sởi - quai bị - rubella...umo meng 11tal 18 thun lac umo mbuan si njom rilo janih ruak njom mbak . Ni jeng lac umo bo miễn dịch hu  kayua danak dak klauk jru peih prong dahlau di nan nyu daok patrun atau trun biak rilo, ngak brei tagok bruk njom ruak. 

Hadei di ni lac dom văcxin quan trọng uranaih njauk klauk tui panuac kakei pandar  văcxin ka yaok umo di Việt Nam:

1 Viêm gan B

Njauk klauk văcxin viêm gan B ka dom uranaih oh ka klauk ginup atau klauk sa mbang  veik meyah klauk ginup bloh tui tacei pato di bác sĩ piah caga njom virus.

2 Văcxin sởi, quai bị, rubella

Njauk klauk atau klauk gilac veik tui quy định. Mbang klauk veik meda patagok miễn dịch ka urang kamei tuk yam tame umo ndih tapui,  truyền kháng thể ka anek. Ruak rubella meyah rah tabiak dalam tuk metain, abih di nyu nan lac dalam 3 bilan akaok meda ngak brei labuh atau dom dị tật bẩm sinh ka anek kama dalam tian.

3 Văcxin bạch hầu, ho gà, uốn ván

Amaik ame njauk klauk atau klauk  veik  tui  quy định piah pacang caga ruak kayua miễn dịch hu meng tuk uranaih lavan lavaih. Langiu di nan, mbang klauk veik meda patagok miễn dịch ka urang kamei tuk yam tame umo ndik tapui, truyền kháng thể ka anek kama tuk bahrau menek.

4 Thủy đậu

Uranaih njauk klauk ginup tui lịch cơ bản atau klauk veik tui  quy định piah pacang caga ruak. Langiu di nan, dok patagok miễn dịch ka urang kamei, tuk yam tame umo ndik tapui,  truyền kháng thể ka anek.

5 Văcxin HPV

Văcxin ni hu 3 mbang klauk  ka uranaih kamei song ka urang uranaih umo thun (meng umo 10tal 25thun  atau 9-26 thun). Văcxin daong pacang caga virus HPV ruak ung thư cổ tử cung song dom ruak pagam tal HPV yau laka hậu môn sinh dục.

6 Văcxin cúm mùa

Uranaih njauk klauk văcxin cúm yaok thun dahlau di bilan dịch piah pacang caga cúm kayua dom virus cúm mùa tuýp A, B. Ni lac ruak bhian mboh di yaok umo thun song meda jhak tal anek kama  meyah urang kamei njom  cúm dalam tuk metain, abih di nyu nan lac 3 bilan akaok di urang kamei metain.

7 Văcxin viêm não mô cầu

Njauk klauk atau klauk veik tui quy định di umo 11-12 meyah mboh lac mbuan si njom vi khuẩn màng não mô cầu Meningococus. Ni lac jalan meda ba tal dom ruak viêm màng não, viêm phổi, metai lihik rilo song caik veik rilo di chứng./.