Ong Y Mok Hra, bo mik va bhian ieu anit ranam lac Ma Hiêm, bangsa M^’Nông lac urang hu angan je di palei  Đrang Phôk, xã Krông Na, huyện Buôn Đôn, tỉnh Đắc Lắc – palei dok dalam bhum taneh di bein pakat negar Yôk Đôn. Rilo thun tapa, ong ngak siam bruk pathau khan adat hukum dalam palei, dong ka mik va paglong hatai sahaneng siam jang ka  an ninh biên giới, ka taneh ia palei negar, ka bruk khik ramik song tagok glai, ong jeng hu jak ba mik va khan brei karja thau kol tội phạm ma túy, pablei salih menuac, truyền đạo suan hukum … Ông Y Mok Hra khan lac

Hulin kham merat jak ba bhap bini khik caga an ninh chính trị, trật tự xã hội, khik caga palei negar, cột mốc niên giới di puk palei drei.. Langiu di nan dok pambuak bruk song gah  Bộ đội Biên phòng pasang iek  tạm trú, tạm vắng dalam palei.

Taha palei  Thạnh Phú, xã Lộc Thạnh, huyện Lộc Ninh, tỉnh Bình Phước nan lac ong Điểu Pêm, urang bangsa S’tiêng brei thau: Urak ni taong abih boh sang dalam palei song dom kapul, nyaom hu mboah tangin sinya khik ramik jalan tapen negar. Dalam tỉnh oh rah tabiak bruk pablei salih urang kamei, uranaih. Dom adat hukum yau: Hukum pacang cag jru pheil, Luật biên giới …hu pathau khan tal mikva. Rik dong tame bruk jak jeng nan hu pren yava di urang jakra, urang lin   Đồn Biên phòng Chiu Riu. Ong Điểu Pêm brei thau: Mik va tuk hlaei jeng iek urang jakar, urang lin Đồn Biên phòng Chiu Riu yau anek kamuan dalam sang.

 (Bộ đội Biên phòng hu hatung hatai biak siam, biak  anit ranam mikva. Yaom lac bruk ngak biak trak damak min adei saai  Bộ đội Biên phòng kham merat  abih drei piah ngak siam bruk di drei gam saong mik va khik caga biên giới taneh ia.)

          Meng bhum krong ribaong Cửu Long, ong Ngô Văn Nguyễn, urang dang akaok Tổ tự quản đường biên, mốc giới palei Tân Hòa, xã Tân Hội, ban sit Hồng Ngự, tỉnh Đồng Tháp brei thau: Tổ urak ni hu 35 urang, 10 thun tapa tổ hu khan brei Đồn Biên phòng Bình Thạnh song dom gah  chức năng  thau labaih 250 bruk  ngak suan quy chế biên giới, pataom gauk ngak srau kadau an ninh trật tự công cộng, dom tệ nạn xã hội, urang di labik karei mai daok dalam palei…., saong dom bruk suh sah di bhap bini , dong ka Đồn song karja palei samar langyah dom bruk rah tabiak.

 (Tổ đường biên cột mốc haong Bộ đội Biên phòng – hu pambuak bruk biak  kajap, piah khan brei gauk thau dom bruk gah đường biên, cột mốc. Dalam palei hu bruk hagait ye khol lin hu  khan brei Biên phòng thau. Dom bruk  di gah langiu ye Biên phòng khan veik ka  tổ thau piah jak ba mik va peih ngak siam bruk nao mai di bhum tapen negar.) 

Akaok  Ban Trị sự Phật giáo Hòa Hảo palei  3, xã Vĩnh Xương, ban sit  Tân Châu, tỉnh An Giang, ong Đoàn Văn Hổ lac urang hu rilo rik dong dalam bruk ngak pahla di labik ni. Tuk vak tapa, pambuak bruk  song  Đồn Biên phòng pabah mbang nregar pakat dunya Sông Tiền, bhap bini dalam xã hu dong jien, harei ngak  piah padang ngak song ramik pasiam veik labaih 135 boh sang anit ranam, sang jum pataom ka urang kan kathaot, yaom labaih  4 tỷ 50 triệu đồng. Langiu di nan, Đồn biên phòng song bhap bini dok hu dong 8.000 tapuk siphau, 60 tấn brah ka anek saih, urang kan kathaot, song rilo bruk ngak pahla karei karei yaom labaih 6 tỷ đồng. Ong Hổ brei thau, bhap bini song Bộ đội Biên phòng dok hu alin brei 550 pok pandap ka bhap bini  Campuchia gaok kan kandah:

 (Bhap bini 2 negar nao mai ye khik hu talei jum pataom gauk,khik kajap jalan tapen negar, oh hu thei lih tame, oh ngak brei lihik bruk jum pataom. Abih di nyu nan lac  thun 2017, Ban chỉ huy Bộ đội Biên phòng pambuak bruk song  Ban trị sự Phật giáo Hòa Hảo brei pandap ka bhap bini  xã Am-xà-no. Abih tih lac 550 pok pandap, bhap bini dalam  xã biak uan tabuan) 

Og Hầu A Lềnh, Phó Chủ tịch – Tổng Thư ký Uỷ ban Trung ương MTTQ Việt Nam ndom lac: Jiak  4.000 kreih camin hadah krah dalam bhap bini lac urang hu angan je, taha palei, akaok palei, akaok dom but pajaih hu dong padang jalan tapen negar siam mekre, jum pataom gauk di Việt Nam song Campuchia:

 Dalam jiak  4.000 urang hu angan je ye hu biak rilo kreih camin hadah dalam dom bruk yau : pathau khan jak ba, mesruh pacang khol tội phạm, khik ramik đường biên mốc giới, padang talei jum pataom bhap bini 2 taneh ia, patagok  KT-XH, patruh eik patrun kathaot… Tapa nan, mbaok meta palei pala bhum ceik dalam bhap bini bangsa takik dak harei dak hu salih bahrau, daok tagok siam.

Khik caga chủ quyền taneh ia, an ninh palei negar lac bruk praong di tong abih bangsa. Dalam nan bruk padang song patagok labik dang di urang hu angan je dalam bruk  “Tong abih bhap bini tame khikcaga chủ quyền taneh ia, an ninh palei negar” lac ngak tui panuac kakei di  Chủ tịch Hồ Chí Minh: “Tuk bhap bini dong drei rilo ye jak jeng rilo, dong drei takik ye jak jeng takik, dong drei taong abih ye jayah taong abih./.