Pathau mik va song tong abih gauk! Bingu hồng lac sa janih bingu hu biak rilo menuac takre kayua nyu mekre saong pahe. Pala bingu  hồng yaom lac oh kan, min rilo menuac brei thau phun bingu hồng bhian jaruh hala dalam bilan hajan ngak ka phun suai praong, takik bingu, atau thu, layau blaoh metai. Kadha Urang ngak hamu cong thau adit ni, khol hulin likau khan ka bruk pacang saong pasiam ruak jaruh hala di bingu  hồng dalam bilan hajan.

 Bruk jaruh hala di phun bingu hồng dalam bilan hajan lac bruk bhian mboh. Makna lac kayua bilan hajan, dom mbang hajan gam gam, dui atah, ngak ka bein nyu pasah, rup song hala hồng pasah dalam rilo harei gam, biak mbuan njom dom janih bimao ruak palai pajoa.

Hu 2 kadha ba tal jaruh hala  :

Ka sa lac:  Phun bingu hồng mbuan njom ruak  đốm jhuk, kayua hajan gam oh mboh song oh pruh hu jru pacang caga.

Ka 2 lac: Kayua ia dauh lavik harei.

Meyah pala dalam sang meon ni-lon min daok rah tabiak bruk jaruh hala, yaom lac hala jaruh takik jang dut song oh pandar, makna lac kayua rilo kadha karei karei.

Piah patrun patakik bruk jaruh hala bingu  hồng, bruk njauk ngak ka bein hồng anak bilan hajan, mik va njauk sangka dom jalan ngak yau ni:

- Bein, ro pala bingu hồng brei ngak glaong, tathuak ia siam. 

- Jaik tal bilan hajan, njauk ngak ka taneh pasoh. Khik ka taneh di gha phun bingu hồng nyu pasoh. Njauk pruh dom janih jru pametai bimao, piah pacang caga dom janih ruak palai pajoa, dalam nan hu ruak đốm jhuk.

- Kaoh, cakak pasiam phun hala dahlau di tuk tame bilan hajan ka phun nyu lanieng lahei. Buh pabak khak tổng hợp ka phun bingu  hồng piah tamuh siam song hu pren pacang caga ruak ka phun./.