Hadar veik dahlau deih, taneh Bình Xuân lac bhum taneh njom mbak luac thun, rai duik di bhap bini pagam pambak tame sa vụ padai, tok mek hu 1,5 tấn yaok ha. Rilo bhap bini njauk nao labik karei piah ngak mbang pah duah jien. Meng thun 2008  mbiah tal ni, tuk dự án Ngọt hóa Gò Công hu siam lagaih,  cống pacang hu ia mbak, khik hu ia taba, pala drak patagok, rai duik di bhap bini hu tagok glaong. Dalam  xã urak ni hu labaih 1.300 ha padai ngak hu  3 vụ/sa thun, mek hu năng suất 7 tấn/ha; 130 ha hamu padai salih tapa rong hadang sú, hadang thẻ takai patih tui jalan  công nghiệp, jiak 20 ha bein pala phun  thanh long tai meriah brei kein laba glong; 90% jalan palei hu tuh bê tông, tuh menyek; taong abih sang hu pandar ia hacih; dom sang bac  meng Mầm non, Tiểu học, Trung học cở sở jeng hu padang ngak siam mekre, pabak hu bruk bac daa di anek saih. Ong Trần Công Mười, urang nong daok di palei  2, xã Bình Xuân  brei thau

- Bhum palei ni dahlau deih lac ia mbak, urak ni lac bhum ia taba ngak hamu song rong glang. Bhap bini di labik ni ngak hamu hu 3 vụ padai, ngak  kinh tế dak harei dak tagok. Hu bruk sangka di Đảngsong karja, sangka tal rai duik bhap bini, peih bruk pacang mbak, pacang ia ndik, jalan mbak nao mai biak mbuan lagaih.

Dut song pren di drei ye dom jak jeng gah kinh tế- xã hội di xã Bình Xuân biak njauk pok meyaom. Bruk ngak mbang pablei salih patagok, di  xã Bình Xuân urak ini hu rilo tỷ phú. Pagap yau  mô hình di ong  Trần Văn Út, dok di palei  2 gam pablei salih khak, jru khik caga phun pala, pandap ngak nong gam rong chim yến. Atau ong Trương Văn Ân urak ni lac Bí thư Đảng ủy xã jeng lac urang ngak mbang naih joi. Meng 2 ha danao rong hadang công nghiệp, yaok thun sang ong duah hu labaih  1 tỷ đồng.

Dalam xã hu jiak  4.000 boh sang, urak ni tok hu 13% boh sang kan (tui tanut bahrau ). Nao gam song bruk patagok kinh tế, Đảng bộ, karja xã Bình Xuân biak sangka dong ka boh sang sarak karja, urang hu buh pren yava ka cách mạng. Tal urak ni, xã jak ba kadung jien padang ngak hu labaih  200 boh sang anit ranam, piah jao ka sang sarak karja, oh dok urang halei buh pren yava ka taneh ia gaok kan kandah ka sang daok, rai duik di dom boh sang sarak karja hu samu song glong jang rai duik di labik dân cư.

 Đảng bộ xã Bình Xuân hu 198 urang đảng, sinh hoạt dalam 19 chi bộ di  9 palei song dom jabat. Thun bloh, Đảng bộ xã dang akaok hala doh pakacah naih gheih di ban sit Gò Công. Rilo thun gam  Bình Xuân khik kajap angan " Đảng bộ hacih saat, khang kajap". Ong Trương Văn Ân, Bí Thư Đảng ủy xã Bình Xuân, ban sit Gò Công brei thau:

Đảng bộ anak tal daok patagok ilamu xã anh hùng, jalan ngak cách mạng di dom saai, dom cei dahlau deih. Harei ni, khol hulin njauk kuhria tal bruk patagok  kinh tế. Langiu di phun padai, rong glang, pala drak ye langiu ar rong kaya ikan. Dalam jalan ngak palagaih haong bruk biến đổi khí hậu, Đảng ủy-Ubbhap bini xã hu ba tabiak bruk salih dom labik bhain dauk ia mbak, năng suất padai oh glong  ye salih tapa pala phun mbang boh, njam patam yau thanh long, tangei atau dom janih phun karei piah hu năng suất glong jang

Meng bruk hào hùng dahlau daih di bhum palei cách mạng, dom jak jeng mek hu di urak ni song dom bruk kham merat anak tal, jia lac xã Bình Xuân, ban sit  Gò Công, tỉnh Tiền Giang dak harei dak tagok, piah patagok rai duik di bhap bini, njauk lac xã Anh hùng tapon nyaom bol pan phao krong bo Đảng- karja hu pok brei./.