Pathau mikva saong taong abih gauk!  Uh pandiak atau la-an meyah ngak njauk nyu daong patrun pandik, patrun barah biak samar, dui katut tukvak iek ruak. Tui labik pandik atau barah saong tui tukvak bo uh pandiak atau la-an. Kadha “urang iek ruak” adit ini, kol dahlak hu kadha vak di Bác sĩ Nguyễn Xuân Anh, tacei bruk uh pandiak atau li-an piah patrun pandik hu siam.

Njauk uh la-an tuk pandik cấp tính atau barah, viêm chấn thương bahrau. Pagap yau  bong gân, pandik phần mềm, chấn thương thể thao, pandik ka-ing hadei di tuk ndoa, naong trak atau pandik ka-ing kayua daok la oh njauk ngak brei giãn cơ... Bruk uh la-an njauk ngak dalam 48 tuk kuhria meng tuk njauk chấn thương atau pandik kayua viêm cấp. 

Njauk uh pandiak tuk pandik mãn tính atau chấn thương hadei di 48 tuk, pagap yau pandik kuk  kieng kayua viêm gân, hội chứng tennis elbow (lac hội chứng pandik kuk kieng), pandik ndol laiy kayua viêm gân…

Tuk uh pandiak piah patrun pandik, njauk caik hatai:

Pandiak ngak brei thư giãn. Tuk cơ bắp ngak bruk rilo, njauk uh pandiak. Pandiak nyu ngak brei nduac darah, daong co thắt saong ngak patrun pandik cơ bắp.

Tuk uh li-an piah patrun pandik, njauk caik hatai:

Ia patau hu pandar piah daong ngak ka siam vết thương. Tuk rup pabhap njauk tổn thương, dom mô labik tổn thương nan nyu barah tagok. Tapa nan nyu ngak brei pandik, barah atau bhong meriah. Patau la-an nyu ngak tê chấn thương. La-an ngak brei co rak darah saong patrun lưu lượng darah.

Jalan uh pandiak 

- Klaok ia pandiak.

- Kadung uh pandiak.

- Vòi xịt ia pandiak.

Jalan uh la-an

-Sa kadung ia patau.

- Sa blah khan pasah hu caik dalam tu la-an dalam 15 minit.

- Sa paok gel la-an.

- Sa kadung njam patam baoh kraoh caik la-an.

Meda uh la-an hadei di tuk chấn thương atau căng thẳng, pasram thể dục rilo. Oh uh tapak ia patau bo papaok tapa blah khan piah uh. Njauk uh pandiak dahlau di tuk pasram, daong ka darah nduac, giãn gân cơ. Oh uh pandiak hadei di tuk pasram, nyu ngak brei pandik cambaoh rilo jang. Hadei di tuk pasram, njauk uh la-an nyu daong patrun barah, patrun pandik./.