Hadei di dom bruk  ngak suan gian lận điểm thi, mintri pato megru hu panuac tacei dom tỉnh pasang iek veik  điểm thi dalam negar. Dalam tuk pasang iek, meyah  mboh bruk ngak suan, samar khan ka mintri pato megru thau song  iek tui bruk bo meda hu panuac caong gah  công an pambuak bruk pasang iek song ngak brei cambaih laih bruk di kapul nyaom, menuac urang hu pambuak tal bruk nan piah langyah njauk tui Quy chế song adat hukun. Min, ni jeng lac tuk vak dom thí sinh dalam negar dok ramik veik hatai khin palih ruah đại học. Kayua yau nan ye rilo  thí sinh dok duh hatai lac bruk pasang iek salih điểm thi meda ảnh hưởng tal bruk palih ruah  đại học thun ni .Kadha vak ala ni di  Nguyễn Trang angaok harak mbao diện tử VOV.Vn hu dong ka mik va thau piah pacadu bruk duh hatai ni:

          Ndom nyai song VOV.VN, ong Trần Anh Tuấn, Phó Vụ trưởng Vụ pato megru  Đại học (Bộ GD-ĐT) brei thau : “Khol hulin mboh lac, bruk chấm thẩm định song  cập nhật veik điểm (meyah hu ) di dom  thí sinh oh ảnh hưởng tal bruk palih ruah dalam negar. Urak ni, dom  Sở pato megru  dok peih bruk chấm phúc khảo tui panuac ieu di  thí sinh. Hadei di tuk  hu  kết quả phúc khảo, dom sở pato megru hu ba  điểm pakacah tagok hệ thống. Kayua yau nan ye, bruk brei thau veik  điểm angaok hệ thống oh  ảnh hưởng hagait tal bruk palih ruah”.

          Ong Tuấn jeng hu panuac kakei lac,thí sinh njauk duah thau cambaih laih piah palih ruah  bruk bo drei takre, lagaih song điểm. Tapen di nan, thí sinh njauk tui iek khau tin angaok hệ thống hadei di tuk ramik veik hatai khin meng bruk đăng nhập tame hệ thống meng tài khoản hu jao brei. Meyah mboh dom salih karei oh njauk, thí sinh njauk khan veik chip ka urang jakar  kỹ thuật di dom labik taduan hồ sơ piah langyah chip .

Lambaok  Vụ pato megru  Đại học jeng brei thau, Urak ni mintri pato megru dok pambuak bruk  song mintri Công an piah duah thau dom bruk ngak suan dalam pakacah .  Dalam quy chế pakacah song tuyển sinh jeng tacei lac dom bruk bleik saleik dalam pakacah ye hu jalan kỷ luật pambuak haong dom adat urak ini piah langyah .

          Meyah dom sinh viên dok bac di dom sang bac  đại học mboh lac gian lận điểm thi yau di  Hà Giang jeng njauk xử lý kỷ luật, glong di abih lac brei padeih bac 

Ngan song dom  thí sinh patuah tame hu dom sang bac Đại học , ong Trần Anh Tuấn ndom lac điểm trúng tuyển tame dom ngành lac kadha camereip dalam bruk pato pakai. Dom sang bac palih ruah song điểm biar, hu  makna lac oh palih ruah hu dom sinh viên hu ginup điều kiện piah bac megru kayua tuk vak pato pakai lac tukvak  patak patom ilamu gam gam di urang bac. Lingiu di nan, dom sang bac urak ni dok kham merat salih bahrau danak dak, padang  chuẩn đầu ra piah pabak  hatai khin di drak pasa urang ngak. Kayua Yau nan ye tapa tuk vak pato pakai, nyu sàng lọc, đào thải dom sinh viên oh ginup pren khang piah tui bac

Anak dom bruk ngak suan ka điểm pakacah di  Hà Giang, Sơn La, rilo panuac tangi sua hu ba tabiak lac, dom sang bac đại học hu peih bruk pasang iek  đầu vào ngan song dom  thí sinh medhi hu  điểm pakacah  bất thường? PGS.TS Mai Văn Trinh, Cục trưởng Cục khik ramik chất lượng (mintri pato megru ) brei thau , tui jalan tự chủ di dom sang bac, yau nan ye dom sang bac hu quyền pok panuac likau song peih ngak. Meyah dom sang bac hu panuac likau, mintri halan hatain dong ka dom sang bac  ./.