Ninh Thuận urak ini hu labaih 1.200 ha nho

Tui pathau khan di Tổng cục Thủy sản, Mentri Ngak nong saong patagok palei pala brei mboh, labaih 1 ribau gilai ikan di dom tỉnh meng Quảng Ngãi tal Cà Mau dalam bhum taneh meda gaok kan kandah kayua áp thấp daok di kreh tasik Biển Đông, saong 886 ribau 307 ha taneh danao raong kaya ikan di tasik, tapen tasik; jaik 81 ribau ha taneh raong dalam kraong saong 221 ribau 600 lồng bè. Piah pacang áp thấp, Mban tacei jalan pacang caga bala meng langik tasik saong Duah daong urang gaok bala dom tỉnh meng Quảng Ngãi tal Cà Mau brei manuac khik, tui iek tani tanat dom khau tin ka labik áp thấp, caga dahlau hajan, hangin gaving, takala taong, piah  pacang caga.

30 urangngak siam bruk kak je dalam negar  hu Tổng cục thuế pok meyaom dalam tuk pahadar  30 thun patagok  gah je  song bilan doanh nhân Việt Nam. Dom urang kak je hu pok brei angan dalam mbang ni tui dom tanut lac: doanh nghiệp hu angan dalam bruk ngak, di labik ngak; Doanh nghiệp hu rik dong rilo ka bruk  patagok kinh tế xã hội taneh ia. Jeng dalam mbang ni, Tổng cục thuế hu ba tabiak pandar “bruk daong ngak harak gar je điện tử” dalam  negar meng harei  6.10.

Ninh Thuận urak ini hu labaih 1.200 ha nho, dalam nan hu dua pajaih nho mbang baoh that hu ba tame pala praong, lac nho bhong pajaih Red Cardinal hu labaih 80% taneh pala nho di urak ini saong nho hijao NH 01-48. Piah paglaong asar siam, paglong bruk meriak gauk di nho Ninh Thuận di darak pasar, rilo baoh sang pala nho dalam tỉnh daok jhul khang bruk pala praong dom pajaih nho mbang baoh, nho oh hu asar yau nho Black Queen, nho Hạ đen... brei rilo baoh, praong siam, sambo mekre piah pabak hatai urang blei di darak pasar.

Mban khik ramik danak dak  padang ngak dom bruk jalan mbak nao mai ban raya  HCM  brei thau, hadei di labaih 4 thun padang ngak, bilai njuk ia Đồng Diều, quận 8 (mbang ka  2), hu ngak salah bloh, tagok công suất bilai  njuk   meng 192.000m³/sa harei tagok 640.000m³/sa harei. Ni lac bilac jnuk hu pren njuk  ia prong abih di ban raya HCM kuhria tal tuk vak ni. Bilai  njuk ni pataom mek tong abih ia nerak meng pandar blaoh di bhap bini di kênh Tàu Hủ - kênh Bến Nghé, kênh Đôi song  kênh Tẻ piah ba mai sang mac langyah ia nerak di Bình Hưng, quận 8. Bilai njuk   ngak bruk hu  dong pasiam veik bruk nerak tasuak alam  môi trường, rik dong pasiam jalan tathuak ia hajan song dong patrun ia dauh ka labik prong labaih 2.510ha di dom quận 4, 5, 6, 8, 10 song  11, labik hu labaih  2 triệu menuac dok.

Dalam dom harei tapa, kayua hajan praong gam gam, urang nong di Bhum taneran kraong Cuu Long gaok rilo kan kandah dalam tuk yuak padai thu Đông. Rilo taneh ngak padai jaleih meng 10 -50%, langiu di bruk khat lahik ye yaom pah mac yuak tagok glaong. Tui nan, jien apah yuak padai dang labaih 280 .000 đồng sa công hamu, urak ini tagok tal 330.000 đồng sa công.

Thủ tướng bahrau di Japon Yoshihide Suga dok njauk rilo menuac brei panuac oh njauk hatai kayua oh brei  6  urang ilamu tame dalam kapul Khoa học Japon (SCJ), sa bruk hu menuac ndom lac ngak suan jalan tự do học thuật di hukum negar . 6 urang nan dok dalam  105 urang ilamu hu pok angan piah pilih ruah tame SCJ, kapul hu padang tagok hadei di kalin kan dunya mbang ka II, hu  abih  tih 210 urang.

Hadei di tuk tabiak truh sang iek ruak hadei di 3 harei iek ruak Covid-19 di Pasak iek ruak bol lin Walter Reed, Tổng thống Mỹ Donald Trump hu puac harak thau dhar phol dom urang y tế saong payua panuac tal bhap bini Mỹ. Ong ndom lac: “ Dom bác sĩ, y tá saong dahlak bac hu biak rilo ka vi-rút SARS CoV-2. Sa kadha jia lac: juai caik ka nyu ngak having havang drei, juai huac nyu, drei meda taong parah nyu”. Jeng tui hatai sahaneng di urang pan akaok negar Mỹ, ong meda pacang hu Covid-19.

Bilan 9, bilan 10 yaok thun hu mong lac tuk vak klauk jru pacang caga cúm siam abih di  Trung Quốc. Dom thun dahlau bruk klauk  vắc xin cúm di negar ni biak bier, tok  hu labaih  2%. Min, thun ni, kayua huac 2 janih ruak cúm mùa song Covid-19, biak rilo bhap bini Trung Quốc hu tut angan biak aval piah klauk jru  pacang caga. Bruk klauk jru tagok samar ngak brei rilo tỉnh ban laik tame bruk kurang  vắc xin cúm biak rilo. Kayua hatai khin di bhap bini tagok glong, yaom  vắc xin cúm di  Trung Quốc jeng tagok havil akaok./.

Urang lang: Ái Nghiêm – Hani Pha – 06/09 15:42:02