Tinh Kon Tum daok jhul catang bruk cakrok bruk pala phun jru di bhum mikva urang bangsa takik daong ka mikva patagok jien mek tame piah patrun kathaot khang kajap. Tal urak ini tỉnh Kom Tum pala hu jaik 11.300 hec ta phun jru, dalam nan, taeng di mblang taneh pala sam Ngọc Linh praong labaih 2.400 hecta. Jien mek tame meng bruk pala phun jru daong ka rabau baoh sang mikva urang Bangsa takik pak dom huyen yau: Tu Mơ Rông, Kon Plông daong Đắk Glei yam tagok tabiak truh kan kathaot, rik tame jhul patagok kinh te - xa hoi di bhum atah biyah dalam tỉnh. Urak ni, tinh Kon Tum daok roh duah, padang ngak dom sarak piah daong ka mikva ka phun pajaih, ilamo pala, jalan ngak, ngak jieng kaya pandar…piah gam peih praong mblang taneh pala gam patagok dom yaom glaong di phun jru.

Harei pok brei angan saong pok meyaom dom pandap panda gah ngak kong palei pala angan je dalam thun bahrau hu tinh Binh Thuan peih ngak, hu 50 pandap panda meng 26 labik ngak hu mbaok tame pilih ruah. Dalam nan, dom janih pandap panda meng kaya nong, kaya glai, kaya tasik saong pandap mbang hu 90%. Bruk pilih ruah piah pok meyaom dom pandap kaya siam, hu kein lagaih piah cakrok patagok. Tinh Binh Thuan meda daong ka bruk pathau khan, yaih khan, pato bruk ngak saong patagok angan je pandap panha, rik tame jhul patagok bruk cakrok pandap panda gah ngak kong palei pala.

Tinh Tien Giang hu mblang taneh pala bein phun thanh long praong abih di Bhum Taneran Kraong Cuu Long, ba jien mek tame ralo ka po bein. Labaih 70% baoh thanh long di tinh Tien Giang hu pablei tapa darak pasar Trung Quoc. Min, ralo bein thanh long taha caong hu padang ngak pasiam veik. Kayua yau nan ye, bruk ngak psiam veik bein thanh long caong hu po bein jang yau dom jabat ilimo, abih nan lac gah pabak pajaih siam gheih, hu năng suất glaong, takik ruak; tui nan gah ilimo njauk pahlaong bruk pato tacei jalan pala thanh long ka mikva.

Harei kabroi, Huyen doan Gò Dầu, tinh Tay Ninh hu peih ngak danak dak “Pato ilamo khik uranaih angaok mang” di Sang bac THCS Thạnh Đức, dui pachreih hu labaih 300 anek saih hu mbaok tame. Danak dak piah paglaong ilamo saong caga ilamo pandar mang xa hoi salamat, duah jalan ngak bahrau. Anek saih hu khan brei thau ka dom bruk jhak ngak kan kandah di angaok mang saong bruk pacang khik rup drei pleih nyaik dom bruk ngak ka kandah, rampeik rapai. Harei ini, Huyen doan Gò Dầu jeng alin hadiah 10 paok pandap hu abih tih yaom jaik 2 trieu dong ka anek saih gaok kan kandah.

Piah patagok bruk ma-in caoh bilaong likei dalam dom bhum mikva urang bangsa takik di Tay Nguyen, bier harei kabroi, di Mblang praong tinh Kon Tum hu peih tabiak Harei pakak Caoh bilaong ka dam dara urang Bangsa takik dom tinh Tay Nguyen. Peih ma-in dalam 5 harei, Pakacah caoh bilaong dam dara Bangsa takik dom tinh Tay Nguyen hu labaih 60 urang di 4 kapul di 4 tinh: Kon Tum, Gia Lai, Dak Lak saong Lam Dong. Dom mbang pakacah hu pandar hukum pakacah caoh bilaong 7 urang saong pakacah gaving vil kuhria tanut. Dalam mbang pakacah di anak harei pakak, kapul tinh Gia Lai hu jayah tapa kapul tinh Lam Dong hu takak 3-2.

Gilang pariak Patagok Asia khan brei thau ka bruk sanya ka paok jien mesraiy 500 trieu do la piah daong ka Philippines dalam dom bruk kham merat pacang caga haong dom kanjak jhak di bruk langik salih karei dalam negar ini. Tui panuac khan brei thau, paok jien mesraiy bahrau ini daong jhul samar dom jalan ngak salih bahrau, daong gah ngak nong, kaya langik tasik, nang luong saong jalan mbak pacang caga siam haong bruk langik salih karei di Philippines lac sa dalam dom negar daok mbuan gaok bala abih dalam dunya. Rilo rahra mbuan gaok khat lahik glaong abih kayua megei taneh, angin rabuk, ia sua ia dauk…

Trunng Quoc khan lac hu ngak tabiak siam makre danak dak talei kap akaok mati angaok dunya hu prein pambuak haong labik dalam abih di ala tasik piah daong pabak ka bruk roh duah jalan tasik. Danak dak bahrau, daok ieu lac Hoa Vĩ GD11000, hu prein trun dalam 11.000 mét, tapa 5 mbang dut haong ky luc trun ia dalam dahlau nan hu Kaong ti Prysmian di Italia. Hoa Vĩ GD 11000 hu ralo lagaih nan pajieng trak 15 tan, nduac samar yaom 120 mét sa minit, lagaih haong dom bruk pasang iek di bhum tasik dalam haong bhum akaok baoh taneh.        

Karja ban ine Seoul di Han Quoc bahrau peih ngak yitvu radaih buyt oh hu menuac peih, nduac hu nduac meng mon 3h30 page, duh ka urang nao ngak meng aval. Yitvu hu peih nduac meng harei Som tal harei Suk, peih nduac meng pasak Dobongsan saong tuai damuai tok tagok radaih mayah radaih daok labaih kik daok piah khik kajap bruk pakaro. Seoul meda brei parilo radaih buyt oh hu menuac peih nduac dalam hadah page piah hu kein lagaih ka bruk nao mai saong langyah bruk kurang urang peih nduac radaih urak ini.