Pathau mik va song tong abih gauk! Di kreih Sài Gòn, meng rilo thun ni mai, hu yaok pluh pasa, , siêu thị pablei dom janih pandap hu blei meng negar  Nga mai mboh biak pachreih, biak mekre meta …Tuk nao tal dom labik pablei salih ni, dom urang Nga, jeng yau urang Việt Nam- dom urang halei oh KA nao tal negar Nga atau hu nao tal negar Nga bloh, jeng mong mboh hu thaot binguk di sa negar Nga  tapa dom pandap panda  di  Nga yau: búp bê kayau, lật đật, khan aow bilan liar… Thúy Linh – urang vak di rayo sap ndom Việt Nam  daok di ban raya  Hồ Chí Minh hu kadha vak khan tal dom darak pasa Nga di ban raya HCM:

 Khol hulin hu nao tal pasa Nga (Russian Market ) dok di jalan Võ Văn Kiệt, dalam quận 1, ban raya  HCM song mboh  không khí di negar  Nga biak cambaih meng di langiu pambah mbang pasa. Dom thaot binguk hu  trang trí di danieng biak gheih mekre song jalan tame pasa hu padang sa tòa lâu đài hu  hình chóp, ngak tui kiến trúc meng saman Sa Hoàng.

Yam tame pasa ye mboh hu bruk pablei salih di labik ni biak chreih chrai song dom gian hàng sap Việt – Nga. Tapa duah thau khol hulin thau lac, pasa Nga padang ngak meng bilan  4/2009, song mblang taneh prong labaih 2000 m2, hu 3 tal.  Dalam Darak pasa hu 200 gian hàng, pablei salih yaok rituh janih pandap, rilo meng lac pandap jhik, khan aow, tagaok dép, kadung bak, pandap gia dụng …Dom janih pandap di labik ni Yaom oh glong jang hadom dut song darak pasa. Sa blah aow jacket atau sa kadung bak meng klik hu yaom (labaih) dom rituh ribau đồng, MIN sahaneng hatai ka chất lượng, abih di nyu nan lac aow liar. Taphia di nan, tong abih dom janih pandap jeng hu tual yaom nan ye biak mbuan blei. Kayua yau nan ye, hu biak rilo tuai Nga duah tal labik ni piah blei pandap. 
Tui saai Lưu Thị Nga –sa urang pablei salih labaih 8 thun di pasa Nga: Bruk pablei salih pandap panda di pasa Nga dut song dom harei camereip dak tagok, langiu di tuai Nga tal pasa piah blei dom khan aow liar drei takre. Dom urang ranaih umo dok di Nga jeng hu nyim gauk gar meng VN blei pandap panda payua tapa Nga piah pablei duah liba.. Saai Nga brei thau

Băng:”  Pandap panda urang Nga takre di abih lac pandap bilan liar. Pandap bilan hè ye khol hulin Jeng hu pablei Ka urang Nga, min tuk  vak pablei takik jang. Kayua lac di Nga bilan liar hu tal 6 bilan, bilan thu 3 bilan, song bilan hè tok hu 3 bilan.  .” 

Tui saai  Vũ Ánh Dương, Akaok ban khik ramik pasa Nga (Russian Market): Dom  urang pablei salih di labik ni rilo meng lac dom urang hu bac megru song ngak bruk di liên xô klak. Tapa sa tuk vak peih tabiak, pasa Nga hu rilo menuac jang, bui sambai chreih chrai jang, hu rilo janih pandap jang saong hu rilo tuai damuai. Urak ni, langiu di tuai Nga, dok hu tuai urang Malaysia, Nhật, Hàn Quốc, Anh, Mỹ mai tal pasa piah duah blei pandap … Urang Việt  khin nao du lịch tal palei liar atau urang ngak caga ka mbang nao ngak bruk di negar langiu  jeng duah tal ni blei pandap. Saai Dương brei thau:

Băng:” Urang pablei salih dom pandap khan aow bilan liar ka tuai  Liên Xô klak song dom  negar  đông Âu. Langiu di nan, pasa dok hu dom labik pablei salih dom janih pandap blei  meng Nga mai yau: pandap mbang menyum, pandap  lưu niệm piah duh ka urang Việt dahlau daih hu tuk dok di Nga, jang yau tuai  Nga dok di Việt Nam. Meda ndom lac, pasa Nga lac labik pablei salih pandap panda di Nga song VN di ban raya HCM.  

Likau drei tabiak truh pasa Nga, khol hulin nao tal Russia Shop – cửa hàng pablei  pandap mbang Nga (di tập đoàn Nguyễn Hồng group) labik 183 jalan Võ Văn Tần, phường 5 quận 3– labik ni jeng hu mong lac sa labik biak ranam ka tuai Nga di ban raya Hồ Chí Minh.

Yaom lac, (taneh di) cửa hàng oh prong, min pandap pablei hu biak rilo janih ndung bak hương vị Nga yau: pandap lưu niệm, dom kỹ vật meng saman  Liên Xô cũ klak: Búp bê kayau Matrioshka, lật đật nhựa; pandap mbang that bingi (phomai hun khói, Pate gan Hame, bánh mì jhuk  mbang song boh ikan  hồi…song dom pandap mbang khik caga pren yava yau:  te thảo mộc, te jhuk, te nấm Chaga, tinh dầu thông SIBERICA). Tui saai Lê thị Thu Hương – cửa hàng trưởng -cửa hàng thực phẩm brei thau: di labik ni pablei rilo janih pandap di Nga, nan ye hu biak rilo tuai Nga takre. Dom urang Nga daok di ban raya HCM atau tuai du lịch Nga bhian duah tal piah blei pandap mbang. lingiu di nan daok hu rilo tuai payua mail, ieu phone blei pandap piah ba nao mbang. Saai Hương lac:
Băng: “ Pandap panda rilo meng lac blei pandap mbang bo urang randap mbang, oh blei di labik karei yau ia sốt piah ngak sốt song sà lách, bloh rilaow paaop , giò ikan basa atau dom thanh sôcôla. Dom janih ni yau hu mặc định bloh”

 Oh lac hu pasa Nga, cửa hàng thực phẩm Nga Russia Shop, urak ni di ban raya  Hồ Chí Minh dok hu yaok pluh siêu thị pablei salih dom janih pandap xuất, nhập khẩu meng Nga duh ka tuai Nga song dom negar Đông Âu. Meda mboh dalam rilo dom pasa, Pasak pablei salih di ban raya  HCM ye dom labik pablei salih dom pandap meng negar Nga tuk halei jeng hu pren dui pachreih saong bruk biak karei di palei  Nga bo oh labik halei meluh hu. Darak pasa Nga oh lac labik pablei salih pandap DI Việt Nam song Nga song dom negar  Đông Âu klak, bo dok lac labik taom gaok  di bhap bini urang Nga dok di ban raya  HCM./.