Di sang bac  Mầm non Phước Kháng, huyện Thuận Bắc - tỉnh Ninh Thuận, anai gru Đào Thị Thương, hiệu trưởng sang bac taduan hu bruk anit ranam, iek prong di abih menuac urang kayua duik rai biak gheih mekre, song abih hatai anit ranam anek kamuan di mik va urang bangsa  Raglai. Anai Thương dok lac sa urang jakar sami samar, hadah krah hu rilo jak jeng dalam bruk pato pakai, hu pok meyaom di Nyaom Roya pakacah gauk anit ranam taneh ia  tỉnh Ninh Thuận thun  2018. Dalam kadha “ Kreih camin palei negar ” adit ni , khol hulin hu kadha vak di urang pambuak bruk Thanh Thắng-Văn Cảnh ndom tal kreih camin urang gru pato naih gheih ni.

Hadei di tuk bac tamat  trung cấp sư phạm khoa mầm non thun 2002, anai Đào Thị Thương hu brei bruk di sang bac   mầm non Phước Chiến, huyện Thuận Bắc, tỉnh Ninh Thuận. Tuk vak nan dok rilo kan kandah, tal bac lac sang taik tahak, sang bac oh hu điện, bilan thu kurang ia pandar… Kan kandah di abih lac bruk jak ba anek saih nao bac, kayua amaik ame oh iek prong bruk bac daa di anek bhik di drei. Gru pato di tuk harei, melam mai nao tal dom boh sang jak ba uranaih nao bac. Lac yau nan, min meng hatai anit uranaih, ranam ka bruk pato, anai Thương kham merat yam tapa taong abih piah ngak siam bruk di drei. 

          Thun 2009, anai  Đào Thị Thương salih mai sang bac  mầm non Phước Kháng song hu pok ngak Hiệu trưởng. Abih hatung hatai song bruk ngak, dalam bruk ngak bahrau, anai  Đào Thị Thương khang hatai padang ngak sang bac patagok khang kajap. Anai tuk halei jeng pachreih ba urang jakar, gru pato, nhân viên sang bac paglong bruk jum pataom gauk, sahneng duah, oh padeih bac megru patagok ilamu  ngak bruk, eng drei ngak pandap pandar, pandap main dong ka uranaih pachreih hatai tame bruk ngak, peih ngak siam lagaih danak dak, bruk pato pakai. Anai Trần Thị Anh Tú – gru pato sang bac Mầm non Phước Kháng ndom lac:

          “Dalam tuk ngak bruk ye anai langyah bruk  biak gheih,  anai abih hatai dong dom gru pato dalam bruk  chuyên môn  saong pachreih  adei saai dalam dom bruk ngak, dom sarak di anek saih ye anai ngak ginup song sangka tal bruk pathau khan, iek glang pato pakai uranaih tal amaik ame  anek saih .”

          Lingiu di bruk sangka paglaong paglaong patagok chất lượng pato pakai , anai Đào Thị Thương dok tham mưu song pakat angaok ka dom sarak ka anek saih song  quyền lợi di gru pato, piah khik ka gru pato hu ginup  quyền lợi tuk ngak bruk di bhum biak kan kandah song anek saih bangsa bhum ceik:

 “Dom adei lac anek di sang  jiak si kan kathaot, ye amaik ame takik hu bruk sangka , kayua oh hu dong  gah sarak  ka boh sang jiak si kan kathaot. Kan kandah ka sang bac tra  lac akaok thun bac, turanaihlavang lavaih biak  ralo. Jalan pasiam  veik di sang bac  lac tham mưu ka dom pakat ủy đảng jang yau  pakat angaok  piah sangka rilo jang , pamong tal bruk lac sang bac mek tanut  chuẩn ka  kiểm định chất lượng atau glong jang lac sang bac mek hu tanut   chuẩn pakat negar”

Lingiu di bruk sangka paglaong bruk pato pakai, anai Thương  dok ba akaok nao dahlau dalam bruk pasram megru song pandar công nghệ thông tin dalam bruk pato pakai ka rup drei song ka gru pato di sang bac. Meng nan, nyu daong ka dom tiết học hu chreih chrai, mbuan thau, ngak brei dom adei mboh takre. Meng dom kham merat nan, anai mek hu giải 3 dalam Harei pataom pakacah  urang jakar  khik ramik naih joi pakat  mầm non di tỉnh, thun bac 2017 - 2018.

Meng hatai anit bruk ngak, ranam anek saih yau dom urang anek di drei, anai  gru  Đào Thị Thương hu rik dong song dom gru pato di sang bac ngak ka uranaih bangsa  Raglai di labik ni mboh lac yaok harei hu nao tal sang bac lac sa bruk bui sambai./.