Phaok giáo sư, tiến sĩ Nguyễn Khoa Diệu Vân, Akaok Khoa Nội tiết Me-ik saradang, sang iek ruak Bạch Mai (Hà Nội), tacei tabiak dom kadha suan bo urang ruak bhian gaok. Kadha “Urang iek ruak” harei ini hu kadha vak tacei pato ka urang ruak 4 kadha suan bo urang ruak bhian gaok.

Oh mbang taong abih janih saradang, tapung

Hu ralo urang ruak me-ik saradang bhian saneng lac oh mbang taong abih janih saradang, tapung jeng daong kiểm soát hu saradang dalam darah. Bruk nan oh njauk abih. Sa van mbang di urang ruak me-ik saradang njauk hu ginup dom janih, hu tapung, protein, lipit… Ma-in pathram padhih jeng pambak prong tal bruk điều trị saong kiểm soát hu saradang dalam darah di urang ruak.

Saneng lac meda iek abih ruak

Ralo urang saneng lac meng sa đơn jru di bác sĩ meda abih ruak saong oh cang nao tái khám. Me-ik saradang lac ruak mãn tính, njauk điều trị luac rai. Meyah padeih jru, chỉ số saradang dalam darah meda tagok glaong. Meyah ruak oh hu kiểm soát, urang ruak meda gaok dom biến chứng.

Oh pasang iek siam dom ruak karei nao gam

Ralo urang ruak me-ik saradang tuýp 2 lac urang prong thun bhian hu dom  ruak karei yau tagok darah, tim mạch, rối loạn chuyển hóa limek darah… Yau nan min, urang ruak tok sangka pasang iek saradang dalam darah, bo klaak wan dua kadha praong lac tagok darah saong rối loạn lipit darah. Nyu jeng lac yếu tố tác động nao mai, pambak tal dom biến chứng di urang ruak.

Pandar đơn jru di urang ruak karei

Urak ini, hu biak ralo urang ruak me-ik saradang pandar đơn jru di urang karei. Biak di nyu yaok urang ruak hu janih jru menyum karei di gauk saong hu jalan iek ruak karei di gauk. Nan ye, oh pandar đơn jru di urang ini brei ka urang diah hu. Bác sĩ Vân kakei lac, yaok urang ruak njauk nao taom gaok bác sĩ chuyên khoa piah hu jalan iek ruak karei ka rup drei (pandar dom janih jru karei di gauk). Taphia di nan kanar hadhar pasang iek saradang dalam darah gam haong pasang iek limek dalam darah, bruk tagok darah, tim mạch. Urang ruak njauk bhian ma-in padhih,tui njauk chế độ mbang, pasang iek saradang dalam darah định kỳ piah thau rup babhap drei daok di mức độ halei./.

Jasi lang tapa sap Cam