Pathau mik va song tong abih gauk ! Vệ sinh kém mbuan ba tal ruak saong dok ngak kan tal talei  pambuak bruk xã hội di yaok anek menuac. Biak di nyu jeng hu, dom urang hacih saat di abih jeng oh ka ngak njauk bruk vệ sinh  cá nhân. Kadha “ Urang iek ruak “ adit ni, khol drei duah thau ka 4  bruk ngak suan dalam vệ sinh cá nhân bo  rilo urang daok gaok njauk. 

# Juak takhaok oh cuk harum

Juak takhaok oh cuk harum lac sa palih ruah thời trang min gaok mai nyu hu dom bruk oh lagaih. Kuhria rah tapa, palak takai khol drei nyu tabiak meteh lit ia hauk yaok harei. Ia hauk tathuak tabiak tapak tame dalam takhaok ngak mbau takai, saong daok ngak brei takai mbuan si tagok boh ia song njom bimao. Kayua yau nan ye, jhui juak takhaok saoh bo njauk cuk gam harum. 

Oh ngak hacih cọ trang điểm

Thur mur, tế bào klik metai song vi khuẩn meda pataom veik di angaok cọ trang điểm. Bruk ni oh lac ngak ka bruk trang điểm gaok kan kandah, bo dok ngak ka klik mbaok mbuan tagok mun  trứng cá  song  nhiễm trùng klik.  Trak jang, bruk pandar dom cọ trang điểm nerak meda ba tal nhiễm tụ cầu khuẩn, ruak meta song dom ruak karei karei.

Pandar tăm bông piah pa-sơ tanye

Jhui pandar tăm bông atau dom janih hagait dreih yau nan  piah pa-sơ tanye.  Dom pandap ni meda ngak brei laka tanye song gaok mai nyu gar veik bông gòn dalam tanye. Sa makna karei tra lac aih tanye di tanut  bình thường jeng  siam ka tanye. Nyu dong ka tanye khik pasah song pacang cakak thur mun njom tame tanye dalam. Kayua rup pabhap di khol drei bhian gaok patal phui song khan menei ia yau nan ye dom janih ni brei papah song bhian salih karei

Lavik harei oh papah khan lang tul, khan menei ia

Khan menei hadei di tuk pandar 3 mbang njauk papah hacih sa mbang meng ia atau sabon. Daok khan lang tul nyu phức tạp jang hasit. Kayua bruk papah nyu daok iek tui bruk lac hadom menuac ndih, athur rong brei ndik tagok halei oh saong daok tui urang pandar. Bruk papah khan lang tul siam di abih lac yaok adit sa mbang./.