Dom bruk ngak hu batabiak ka thun 2020 dalam tuk  anak tal 

Bruk cakrok kinh tế, daok hu pakhang, patagok nền tảng kinh tế praong di abih, pasang iek lạm phát, paglaong prein khang hu bloh dalam nyu saong bruk tự chủ di nền kinh tế. Pataom tame ngak pasiam bruk đầu tư kinh doanh, jhul patagok samar saong khang kajap jang; ngak brei salih bahrau khang jang, rami ramik veik nền kinh tế pambuak haong salih bahrau bruk patagok, paglaong năng suất, chất lượng, kein laba saong prein meriak gauk di nền kinh tế. Patagok khik iek drap ar hu pô langik alin brei, khik caga alam môi trường, pacang, caga bala meng langik tasik, caga pacang biến đổi khí hậu.

Bruk cak rok ilamu, xã hội, caik hatai sangka jang saong hu dom sarak, dom jalan ngak cambaih laih, lagaih jang haong bruk cakrok ilamu, xã hội, dak padang anek menuac lagaih haong patagok kinh tế, paglaong raidiuk, mbang ngui daok dang di bhap bini. Kuhria ka raidiuk urang buh prein ka cách mạng; padang ngak palei pala bahrau, ba brei bruk ngak, patrun kathaot khang kajap; brei ngak dahlau dom đề án, sarak ngan saong bhap bini bangsa takik saong bhum ceik; kham merat peih ngak dom sarak di Trung ương ka salih bahrau bruk jien bilan, bảo hiểm xã hội, pato - megru, khoa học - công nghệ, y tế, dân số... Peih ngak siam bruk jak ba taong abih rahra jum pataom padang ngak palei pala bahrau saong đô thị văn minh; sarak bangsa, agama. Sangka daong ka urang taha, urang jaoh jo, uraniah, dam dara, urang kumei. Patagok thể dục, thể thao ka abih menuac sia saong thể thao thành tích cao, chuyên nghiệp.

Bruk quốc phòng, an ninh, đối ngoại, daok brei pakhang, patagok prein khang quốc phòng, an ninh; khik kajap, tani tanat chính trị, trật tự, an toàn xã hội; paglaong kein laba bruk đối ngoại saong mbeik drei yam tame dunya.. Peih ngak siam dom bruk đối ngoại pakat glaong, kham merat ngak brei siam jang, dalam jang talei pambuak bruk haong dom gah; jhul khang bruk đối ngoại rilo gah. Kham merat kuhria caga peih ngak dom hiệp định thương mại tự do rai bahrau hu mbaoh tangin bloh, yam tapa abih dom kan kandah, tavak tavaiy piah mek hu kein laba bo dom hiệp định ini meda ba mai; saong ngak siam bruk lac Chủ tịch ASEAN saong Ủy viên không thường trực Hội đồng Bảo an Liên hợp quốc, rik daong paglaong jang angan je saong labik dang angaok dunya di taneh ia.

Bruk padang Đảng saong hệ thống chính trị, jhul khang, salih bahrau asal kadha, jalan pan akaok, tacei pato saong jalan ngak bruk di dom jabat, đơn vị, abih di nyu lac urang dang akaok tui njauk quy định di Hukum negar saong adat hukum. Quốc hội saong dom jabat di Quốc hội njauk patui jalan padang iek, duah thau cambaih saong ngak njauk, ngak hu siam jang bruk lập pháp, pasang iek pakat glaong di abih saong tabiak dom bruk praong di taneh ia kayua Hukum negar tacei tabiak, oh cagar veik, oh kateik tagok bruk ngak rajaei, oh tame biak dalam dom bruk kinh tế - kỹ thuật...

Bruk peih nyaom roya đảng bộ dom pakat yam tal nyom roya mbang XIII di Đảng, Dalam thun 2020, dom pakat ủy, karja saong taong abih hệ thống chính trị njauk samar brei thau cambaih Sarak di Trung ương saong Chỉ thị di Mintri Chính trị, pataom tame oan akaok, tacei pato peih ngak jak jeng nyom roya đảng bộ dom pakat. Bruk kuhria caga saong peih ngak nyom roya đảng bộ dom pakat yam tal nyom roya mbang XIII di Đảng njauk ngak tui jalan kế thừa, tani tanat, salih bahrau saong patagok dân chủ nao gam haong khik kajap nguyên tắc, ngak catang kỷ luật, kỷ cương; iek praong chất lượng, kein laba, paglaong trách nhiệm di dom pakat ủy, tổ chức đảng, dahlau di abih lac urang dang akaok, khik kajap siam mekre, salamat, oh ngak meng ngak piah brei mboh di gah lingiu, khang hatai pacang palai pajoa, tiêu cực.

Tổng Bí thư, akaok negar caong lac, Rajaei saong karja dom tỉnh ban gam haong abih urang Đảng, abih rahra, abih urang lin patui jalan jum pataom, kham merat rilo jang, sami samar, sahneng duah jang piah ngak brei jayah bruk ba tabiak ka thun 2020 saong abih vaktu di khóa XII, rik daong padang ngak taneh ia anit ranam di kol drei dak harei dak siam mekre jang yau Wa Hồ caong khin. Thun 2020 njauk ngak ka pahu saong siam mekre jang thun 2019./.

Urang lang: Mousaphuong -1/1