Dalam Di chúc, kadha camereip di abih ndom ka Đảng, Wa kakei lac: “Jum pataom lac sa ilamu biak hu yaom glaong di Đảng saong di bhap bini drei. Dom urang meng Trung ương tal dom chi bộ njauk khik ramik bruk jum pataom di Đảng yau khik ramik asar meta di drei”. Lingiu di bruk Wa kakei abih urang Đảng khik ramik bruk jum pataom, Wa jeng hu tacei cambaih jalan ngak piah jum pataom dalam Đảng, Wa ndom ka asal di bruk jum pataom: oh hu dân chủ ye oh jum pataom hu, abih di nyu nan lac dân chủ dalam Đảng. Bruk lahik jum pataom tuk halei jeng hu Chủ tịch Hồ Chí Minh langyah biak bao dung, nhẹ nhàng min thấm thía. Ini jeng daok lac sa kadha biak hu yaom glaong dalam langyah bruk lahik jum pataom dalam Đảng daok rah tabiak di dom labik urak ini.

Puac veik yaok talei, yaok panuac, drei dak mboh, dahlau di tuk nao atah, Wa kakei biak cambaih laih oh klaak tapa sa bruk halei. Nan lac ngan saong bruk cộng sản dunya, Wa ndom: “Lac sa urang luac rai duh ka cách mạng, akau daok mboh hadah mbaok meta ka bruk praong, khang di phong trào cộng sản saong công nhân quốc tế du halei, ye akau dak mboh pandik hatai du nan kayua bruk oh njauk gauk urak ini di dom đảng adei sa-ai. Akau caong lac Đảng drei ba abih prein tabiak ngak, rik daong biak rilo ka bruk pasiam veik talei jum pataom di dom đảng adei sa-ai tui chủ nghĩa Mác - Lênin saong chủ nghĩa quốc tế vô sản, hu lý, hu tình. Akau jia lac dom đảng adei sa-ai saong dom taneh ia adei sa-ai hu jum pataom veik”.

Ngan haong urang đoàn dam dara, Wa ndom cambaih: “Urang đoàn dam dara drei lac siam, abih bruk jeng chreih chrai ba akok nao dahlau, oh huac kan kandah, hu hatai yam tagok. Đảng njauk sangka pato pakai đạo đức cách mạng ka dom urang nan, pato pakai dom urang nan jeng dom menuac pataui jalan dak padang chủ nghĩa xã hội gam “hồng” gam “chuyên””.

Ngan saong bhap bini urang ngak, Wa tacei lac: “Đảng brei hu jalan ngak biak siam piah patagok kinh tế saong ilamu, piah oh padeih paglaong raidiuk di bhap bini”.

Wa kakei dom bruk njauk ngak hadei di kháng chiến taong Mỹ, daong taneh ia jayah saong puac di abih lac bruk di Wa. Ini lac dom talei vak drut drui di abih dalam Di chúc, brei mboh jalan diukrai siam mekre di sa urang luac rai “abih hatai jai duh ka taneh ia, duh ka cách mạng, duh ka bhap bini. Urak ini yaom lac palao la dunya ini... oh hu bruk hagait piah aih oh, tok damen lac oh hu duh lavik jang, rilo jang”. Yaok baoh panuac di labik ini jeng brei mboh phẩm chất, nhân cách di sa urang vĩ đại min biak khiêm nhường.

Pak dalam kháng chiến, Wa brei mboh cambaih hatai khang: Yaom lac kan kandah rambah rambup tal halei, bhap bini drei tantu mek hu jayah. Đế quốc Mỹ tantu nduac tabiak truh taneh ia drei. Negar drei tantu hu yasa. Bhap bini Meraong Brak tantu hu pataom gauk daok dalam sa baoh sang. Taneh ia drei hu vinh dự praong lac sa taneh ia sit min anh dũng taong janeh 2 đế quốc praong – lac Prang saong Mỹ; saong hu rik daong praong ka bruk peih paha bangsa.

Di chúc Wa yau panuac taneh ia ieu yaok urang njauk pambuak pakajap haong gauk ala bruk pan akaok di Đảng, khang hatai taong janeh Mỹ. Pren khang di abih bangsa hu ieu pataom tame bruk mesruh metak taong Mỹ, daong taneh ia. Kol drei taong janeh kol khamang meblah taneh ia saong kol tangin takai di nyu meng quân sự, chính trị tal ngoại giao. Meng jayah hadah hadai bilan Xuân thun 1975, tabung glaong lac Chiến dịch Hồ Chí Minh sajarah, bruk cách mạng bangsa dân chủ bhap bini di taneh ia drei hu jak jeng, padeih vĩnh viễn ách thống trị di chủ nghĩa đế quốc angaok taneh ia drei, ngak ka negar độc lập, yasa saong peih tabiak jalan yam tagok chủ nghĩa xã hội. Jayah praong peih paha gah meraong negar, yasa taneh ia lac jayah di jalan ngak cách mạng njauk, jayah di hatai khang kham merat ngak ka pahu panuac sanya haong Wa “taong janeh giặc Mỹ, peih paha gah meraong negar, yasa taneh ia”.

Dalam bản Di chúc di drei, Wa bhian bau tal nhi đồng, peih akaok Wa vak: “Akau hu hatai khin tal harei nan, akau nao grauk labik 2 gah Meraong Barak, piah tadhau ayuh bhap bini, urang jakar saong urang lin anh hùng; nao ravang dom ong muk taha, dom dam dara saong uraniah anit ranam di kol drei”. Panuac likau la puac abih lac “muôn vàn tình thân yêu” di Wa brei ka taong abih bhap bini, ka taong abih urang Đảng,ka taong abih bộ đội, ka dom uraniah.

          Wa tamat Di chúc di drei: “Kadha caong khin puac abih di akau lac: Taong abih urang Đảng, taong abih bhap bini drei jum pataom kham merat, dak padang sa taneh ia Việt Nam hòa bình, thống nhất, độc lập, dân chủ saong kaya meda, khang kajap, saong rik daong praong tame bruk cách mạng dunya” – nan jeng lac chỉ thị puac abih, caong khin praong glaong di Wa dahlau di tuk nao atah.

50 thun ngak tui Di chúc thiêng liêng di Wa Hồ, kol drei tự hào ka Đảng Cộng sản Việt Nam kayua Chủ tịch Hồ Chí Minh padang tabiak, pan akaok saong pato pasram. Dalam bruk ngak saong raidiuk yaok harei, dom pakat ủy đảng, urang jakar, urang đảng brei bhian tự phê bình saong phê bình tui jalan Nghị quyết Trung ương 4 (khóa XII) ka patagok dak padang, pasiam Đảng; pacang cakak, jhul kadun likuk bruk suy thoái gah tư tưởng chính trị, đạo đức, jalan diukra, dom biểu hiện “tự diễn biến”, “tự chuyển hóa” dalamg nội bộ; patui bruk jhul khang bac megru saong ngak tui tư tưởng, đạo đức, phong cách Hồ Chí Minh saong jeng asal kadha praong dalam yaok bruk ngak di cơ quan, đơn vị, puk palei saong baoh sang. Bruk hagait kein ka bhap bini njauk ngak abih drei, bruk hagait khat ka bhap bin njauk plaih atah... piah daong dak padang kapul urang jakar, urang đảng, công chức hu ginup phẩm chất, ginup đức, ginup tài piah duh ka Đảng, duh ka bhap bini tui Di chúc di Chủ tịch Hồ Chí Minh./.