Pathau mik va song tong abih gauk!

Saint Petersburg lac  cố đô song lac ban prong ka 2 di  Nga, hadei di ban ine Mátxcơva.   Meng  rilo janih dreih yau gauk song jeng hu sajarah dak rai labaih 300 thun, ban raya Hồ Chí Minh song  Saint Petersburg hu talei pambuak bruk  jiak 12 thun tapa  , meng di harei 9/12/2005. Min jeng oh ka samu song tiềm năng, song dom bruk siam mek hu dalam talei pambuak bruk  di 2 ban dalam tuk vak tapa hu dong jhul patagok talei rohim meng kan siam mekre di  Việt Nam song Liên Xô dahlau deih song Liên bang Nga urak ni. Nan lac asal kadha vak hadei ni di urang vak Ngọc Xuân, dok di ban raya Hồ Chí Minh:

Ong Nguyễn Hữu Thành, dok di quận Gò Vấp, ban raya Hồ Chí Minh lac sa urang kak kajap lavik thun song Hội Hữu nghị Việt – Nga ban raya. Dalam luac tuk vak hu rilo thun bac megru song ngak bruk di  Nga, yaok bilan sa mbang, ong song ayuh sahabah mai Saint Petersburg piah rivang iek du lịch, nan ye thau abih jalan mbak di labik ni. Mbiah tal urak ni, ong jeng dok hadar kanal dalam akaok sahaneng labik mekre di Saint Petersburg song dom toà lâu đài gam trang nghiêm cổ kính, gam nguy nga lộng lẫy, dom glai hajao, dom mblang bein prong yaok rituh  hécta song biak rilo đài pruh ia... Urak ni, yaom lac umo prong, min tuk hội hữu nghị Việt – Nga ban raya peih bruk taom gaok ndom nyai nao mai song Hội hữu nghị Nga-Việt di negar ayuh, meyah hu pren yava kajap, ong jeng tut angan hu mbaok piah taom gaok dom urang ayuh Nga, hadar veik dom ký ức siam dalam sa tuk vak umo ranaih.Ngan song ong Thành, bruk caik dalam hatai di abih lac dom urang Nga slut mbut, hatai ranam.

  Tuk lin ngak bruk di Nga, ye yaok bilan hu nao tal Saint Petersburg 1 mbang, melam car nao, melam adit mai veik. Urang Nga ngan song urang Việt Nam dahlau deih song urak ni jeng yau nan, anit ranam gauk, abih hatung hatai song gauk, oh  ngoại giao khách khí bo biak tapak hatai. Urang Nga song urang Việt hu rilo janih yau gauk, nan lac slut mbut, sa hatung hatai,  dahlau hadei oh salih karei. Kayua yau nan ye talei jum pataom bangsa di urang VN song urang Nga biak khang kajap)

Jang yau ong Thành, labaih 600 urang karei di hội hữu nghị Việt – Nga ban raya Hồ Chí Minh, dalam Liên hiệp dom hội hữu nghị ban raya, jaik abih lac dom urang hu bac megru di  Nga. Meng hatai anit brei ka taneh ia song anek menuac Nga, urang kham merat ba abih drei piah ngak siam talei pambuak bruk, tapa dom bruk ngoại giao bhap bini . Meng nan dong khik caga, kak kajap song patagok talei jum patom adei saai di bhap bini VN dalam nan hu ban raya song bhap bini Nga. Urak ni ban raya Hồ Chí Minh hu padang talei pambuak bruk hữu nghị song 5 palei di Liên bang Nga, dalam nan hu ban ine Matxcơva, song dom ban: Sverdlovsk, Vladivostok, Saint Petersburg song tỉnh Matxcơva. Daok ngan saong Saint Petersburg, di bilan 12/2015, pahadar 10 thun pambuak talei rohim, urang pang akaok 2 ban njauk hatai gauk brei jhul pakhang jang talei rohim di 2 gah. Tui nan, ban raya Hồ Chí Minh song ban Saint Petersburg njauk gauk song asar kadha dự thảo lộ trình  pambuak bruk di 2 gah  tuk vak 2018-2020 ngan song 5 lĩnh vực yau: Kinh tế, Môi trường song khik ramik ia, pato pakai song khoa học, ilamu  song Du lịch. Tui bruk ba tabiak, ban Saint Petersburg meda daa kapul ban raya Hồ Chí Minh nao rivang, ngak bruk song mbaoh tangin tame harak  Lộ trình pambuak bruk di 2 gah dalam  quý 2 thun 2018. Ong  Hoàng Minh Nhân, Akaok kapul hữu nghị Việt – Nga ban raya Hồ Chí Minh brei thau:

 (Khol hulin dok hu sa đề án pathau khan  song Thành uỷ, Ubbhap bini ban raya ka bruk peih ngak tui hatai khin di Hội hữu nghị Nga - Việt, Ban  Saint Petersburg hu pok panuac lac atah di ni labaih sa thun, nan lac ban raya Hồ Chí Minh palih 1 quận piah pambuak talei rohim song 1 quận di Saint Petersburg. Ni jeng lac hatai khin di dom sinh viên dahlau deih di ban raya  Hồ Chí Minh, piah taom gaok , pambuak talei rohimsong sa ban  sajarah dak rai yau Saint Petersburg di Liên bang Nga.    

Tui  ong Nhân, thun 2018, dalam tuk pahadar harei padang Hội hữu nghị Nga - Việt, Kapul hu tapa rivang Việt Nam song ban raya Hồ Chí Minh. 2 gah dok kuhria peih bruk taom gaok piah patagok jang bruk  ngak hữu nghị song jhul pakhang bruk đối ngoại bhap bini dalam tuk vak anak tal.  Thau lac thun 2017 ;lac sa thun chreih chrai, siam lagaih dalam bruk patagok talei rohim Nga - Việt, ong Alexey Popov, Tổng lãnh sự Liên bang Nga di ban raya  Hồ Chí Minh ndom lac: dom mbang ndom biai nao mai di urang pang akaok 2 negar dalam dom nyaom biai dunya atau dom mbang nao rivang pakat glong dalam thun ni hu jeng pren khang jhul pakhang talei pambuak bruk tong abih di 2 negar. Dom gah, palei pala di 2 negar meda jhul pakhang, peih prong dom danak dak pambuak bruk dalam dom gah nhiên liệu - năng lượng, ilamu, du lịch, đầu tư, pablei salih, dong pakhang song patagok talei pambuak bruk dak harei dak khang kajap. Tổng lãnh sự Alexey Popov lac:

Talei pambuak bruk pakat palei pala di Liên bang Nga song Việt Nam, abih di nyu song ban raya  Hồ Chí Minh oh padeih hu peih prong. Hulin jia lac meng dom kham merat, khol drei ngak hu tong abih bruk ba tabiak kayua kein lagaih di bangsa, kayua hòa bình song an ninh. Hulin mboh labik dang prong di  ngoại giao bhap bini bo Liên hiệp dom kapul hữu nghị, Kapul hữu nghị Việt - Nga ban raya hu rik dong biak siam. Dom pluh thun jiak di ni, yaom lac hu rilo salih bahrau, min talei rohim adei saai, bruk dong gauk song iek prong gauk di 2 negar oh salih karei.

 Ong Alexey Popov jeng tong yaom, dalam talei rohim di pakat palei dok patagok khang kajap di 2 negar, ban raya  Hồ Chí Minh  lac sa dalam dom labik nao dahlau meng bruk pambuak talei rohim saong 5 tỉnh, ban di Liên bang Nga. Dalam nan hu jalan pambuak bruk di  Saint-Petersburg song ban raya  Hồ Chí Minh tuk vak 2018-2020  daok hu kuhria caga. Dalam tuk vak anak tal, langiu di bruk kinh tế, 2 gah hu pataom tame dom danak dak pambuak bruk yau taom gaok ndom nyai nao mai, ilamu, nghệ thuật song pato megru./.

(Ngọc Xuân - Phóng viên VOV-HCM)