Pathau mik va song tong abih gauk! Taha palei Y Wăn Mlô (angan bhian ieu lac Ama Lâm) bangsa Êđê, lac sa urang hu angan je di  xã Ea Drông, ban sit Buôn Hồ, tỉnh Dak Lak.  Dom thun tapa, ong hu jak ba rilo menuac nao suan jalan tui Fulro mai veik puk palei, pachreih mik va ba gauk tame padang ngak palei pala bahrau, patagok bruk ngak mbang pala drak, patruh eik patrun kathaot. Urang vak K’Hạnh dok di bhum Tây Nguyên hu khan ka ong.

Jalan bê tông rah tui palei Kmiên, nao tapa mbon ceik glaong song dom bein  cà phê hajao. Tapen 2 gah jalan, rilo baoh sang bahrau pablak song rilo boh sang tual meng kan di urang Ê đê. Ndom ka rai duik di mik va, taha palei Ama Lâm bui sambai lac: puk palei harei ini hu siam mekre, salih bahrau mbaok meta, menuac sia hu trei sil haniem phol: Urak ni an ninh di palei biak siam, oh dok bruk dam dara mbang me-in srau kadau. Rai duik di mik va hu ginup meda, kham ngak mbang kuhria ka sang, ka anek bhik hu nao bac. Hu rilo menuac padang hu sang yaom 300-400 triệu, blei radeih mac... Hulin hu panuac kakei dom boh sang kham merat brei anek nao bac, oh lac  hu jien  ye nao menyum klak. Pachreih ba anek bac daa, hu bruk ngak.

Mboh rai duik siam mekre yau harei ni, takik menuac thau lac dom thun 2001, 2004, xã Ea Drông lac sa dalam dom labik pandiak ka an ninh trật tự di tỉnh Dak Lak. Kayua pang tui panuac pacuh pajarak di khol kanyah jak, rilo urang bangsa takik vượt biên trái phép.  Dom urang vượt biên oh hu, dok dauk dalam glai glo, huac mai sang veik. Taha palei Ama Lâm hu nao tal yaok boh sang langyah brei mik va thau bruk ngak suan di khol kanyah jak. Meng angan je song bruk halan hatain di drei, ong nao duah dom urang nao suan jalan, pachreih dom urang nan  mai veik palei pala. Taha palei Ama Lâm khan veik: Tuk nan, hu rilo urang huac mai sang bo dok dalam glai, amaik ame nyim lin nao biai ieu dom urang nan mai sang veik . Lin nao taom gaok  tapak jak ba dom urang nan mai veik palei, tacei brei jurang mboh lac jalan nao nan suan ye. Tong abih dom urang hu lin jak ba  mai veik palei ye hadei di nan oh hu urang halei nao suan jalan tra. Urang kham merat ngak mbang, duah jien raong diuk anek. Hulin jeng hu nao jak ba di rilo  xã, rilo palei. 

Ong Y Bhiết Kdăm, daok di palei Klát B, xã Ea Drông, lac sa dalam dom urang nao tui khol kanyah jak, klak sang nduac dauk dalam glai, pataom gauk khin ngak srau kadau karja. Hu taha palei  Ama Lâm jak ba, ong  mai veik palei, padang veik mbang ngui  Ong Y Bhiết khan lac: Dahlau daih kayua oh thau  nan ye lin nao suan jalan , njauk phạt tui hukum di karja. Min urak ni hulin lac sa urang tuk halei jeng ngak tui adat hukum di karja. Hulin hu mbaok tame abih bruk di puk palei. Hulin jeng hu daa tame Nyaom roya di tỉnh Dak Lak brei ka urang naih gheih.  Ama Lâm tacei pato hulin nao tui Đảng song karja. Ong pato khol hulin duik rai siam hatung hatai, ba drei tame bruk puk palei. Dom panuac ong pato biak siam ka khol hulin.

Thun ni umo  73 thun, yaom lac pren yava oh dok khang, min labik halei hu bruk hagait lac hu mbaok taha palei Ama Lâm. Dom punuac di ong jeng hu mikva pachreih tui, kayua ong ndom puac pang biak njauk, biak lagaih.  Taha palei Ama Lâm oh lac thau cambaih adat cambat tanarakun di urang Êđê, bo dok thau cambaih  sarak hukum di  Đảng, karja, kayua ong dahlau deih ngak Chủ tịch Ubbhap bini  xã padeih hưu. 

Meng dom rik dong oh padeih ka bhap bini, dom thun tapa taha palei Ama Lâm hu mban tacei jalan Tây nguyên, Ủy ban bangsa, Ubbhap bini tỉnh Dak Lak song rilo pakat, rilo gah bhian pok meyaom.  Min bruk pok meyaom prong di abih ngan saong ong lac mboh puk palei dak harei dak trei sil, haniem phol./.