Pathau mik va song tong abih gauk:

Dom boh sang urang nong rong pabo menek njauk sangka  iek glang tuk pabo menek, meng pabo amaik   pabo  anek, piah pabo khik hu pren yava, samar prong. Kadha “ Urang ngak hamu cong thau” harei ni dong ka mik va jalan iek glang pabo tuk nyu ndik tapui.

Hadei di tuk pabo amaik menek bloh, nyu mehu ia lô, mik va brei pabo amaik menyum ia rilo (ia hu lai saradang  1% atau sara  0,5%). Dalam 4 - 5 minite camereip kayua pabo  amaik glaih, saong kayua takre anek, nan ye oh khin mbang. Dom harei camereip hadei di tuk menek, dom drei pabo menek mbang camereip bhian oh brei anek mum kayua oh ka randap. Mik va sangka brei pabo amaik mbang pandap mbuan ralai yau hareik meda, pandap tabung ( bu tangei, bei) piah pren yava samar khang kadang veik. Hadei di nan, brei mbang pandap hajao meda, asar   ngũ cốc, boh karaoh. Langiu di nan, njauk pacang ruak  bại liệt ka pabo amaik meng bruk klauk  canxigluconat. 

Ngan song pabo anek ye iek glang yau habar? Tuk pabo anek hu ndih tapui tabiak, mek khan uak saat ia  labar di dhung song cambuai ka pabo anek, mek talei hacih kak atah di pasak meng  5 - 6 cm, hadar caik veik  3 - 4 cm kuhria meng labik kak, uak brei drah meng labik kak tabiak abih, cakak pasak bloh luk ia jru meriah atau cồn Iốt. Paok tal lipih di ala takai pabo bahrau menek.

Pabo nek bahrau menek, oh ka thu bilau nyu dang tagok hu song mum amaik. Dom drei pabo anek lamin lanuac oh mum eng hu brei iak ia tasau ka nyu mum suai di abih lac sa tuk hadei di tuk menek tabiak. ia tasau camereip lac janih oh hu hagait salih hu ngan saong pabo anek bahrau menek. Kayua yau nan ye, pabo anek dak mum hu rilo ia tasau camereip dak samar prong, khang kadang song pacang hu rilo ruak. Rilo pabo anek bahrau menek oh ka bhian randap duah tasau amaik, drei meda pasram ka pabo anek mum dalam dom harei akaok mereip, caik cambuai pabo anek tame tong tasau pabo amaik, meda capat tame tong tasau pabo amaik brei ia tasau sre tabiak piah pabo anek pasram mu, dalam tuk pabo nek mum, drei khik  ka pabo amaik  habar ka pabo nek hu mum trei

Dalam 10 harei mereip pabo nek dok hong pabo amaik song nyu hu mum tui hatai, pasram ka nyu mum samu abih 2 gah tong tasau. Meng di harei 11 njauk ba tapon nek tabiak truh amaik song rong dalam var ro karei, yaok harei ba nek mai mum, pasram ka pabo anek mbang hareik, meng 80 - 90 harei brei pabo nek padeih mum 

PTV 1 : Pabo menek tui kuhria 1mbang meteh yaok thun. Yaok mbang hu  1-2 drei, jeng hu pabo menek 3 drei /sa mbang, menek dalam tuk vak katut, tui kuhria yaok thun menek 2 mbang, yaok mbang hu 1 drei. Tuk menek lac menek sa tukvak haong gauk, nan ye oh bih rilo pren iek glang anek sit. Pabo lac anek athur hu tuk vak prong biak samar, hadei di 8 - 9 bilan lac nyu menek. Dok rong  piah pablei ralo ye meng  5 - 7 bilan  nyu trak labaih  20 kg lac pablei hu. Pabo tano kreik karei , 8-9 bilan meng brei nyu juak binai. Meyah juak eng, sa pabo tano meda pabak hu ka 20-30 pabo binai. Dok meyah drei tui iek, ye nyu meda  juak hu 40-50 pabo binai. Dom janih jit ruak di angaok pabo jeng biak takik. Ruak bhian gaok lac  tụ huyết trùng, viêm phổi… bhian rah tabiak tuk langik salih bilan saong dalam bilan hajan, meyah samar mboh ye ruak iek abih hu. 

PTV 2 : Kadha  “Urang ngak hamu cong thau” adit ni tal ni likau padeih Kadha ni kayua Rayo sap ndom VN pambuak song pasak pachreih nong pakat negar ngak tabiak./.