6 kadha brei thau ka roi loan chuc nang than

Piah trun takik kanyak jhak ka pren yava, dom bac sĩ hu duah tabiak 6 kadha praong abih piah kol drei meda tui iek saong eng drei thau lac ruak. Meyah gaok, drei njauk nao iek thận dak drak samal dak siam.

1. Brah:

-Page mesup hadei di tuk ndih tagok, drei mboh jih meta trak, mbaok, anek tangin atau takai brah tagok. Tuk kateik tangin tame labik brah mboh yau baoh ia. Meyah oh njauk hagait meng gah lingiu, tuk rup pabhap nyu brah, njauk nao dut iek thận.

2. Me-ik melam rilo:

-Bhian ia me-ik hu sambo màu katam kanyik, tuk drei mboh sambo màu ia me-ik nyu karei, nao me-ik tuk melam rilo jang, bọt ia me-ik rilo jang lac tuk drei sahanneg tal chức năng thận di drei.

3. Pandik chip, alah mbang:

-Tuk oh ruak hagait bo drei mboh pandik ka eng atau taglon, tuk pandik ka eng gam tui pandiak, tagok bạch cầu dalam ia me-ik, atau mboh mbang oh bingi, alah mbang lac kadha caik ka drei njauk pasang iek veik.

4. Kurang darah:

-Meyah kurang darah atau pandik talang, pandik cơ, axit uric tagok, hu tuk mboh yau pandik talang oh thau cambaih makna di nyu jeng hu maong lac bruk pambuak tal ruak thận.

5. Me-ik darah:

-Nao me-ik tabiak darah lac mai meng chấn thương cầu thận atau me-ik saradang. Tuk darah mboh rilo, meda maong mboh meng meta, drei njauk paglaong hatai sangka saong nao iek ruak drah samal.

6. Lượng ia meik oh bình thường:

-Tuk mboh me-ik catang, me-ik gấp, me-ik pandik, me-ik melam ralo, jeng hu maong lac thận ruak.

-Bhian di nyu, urang khang kadang nao me-ik yaok harei jaik 1 lít meteh ia me-ik, bhian nao meng 4 tal 8 mbang sa harei.

-Dom kadha karei di ruak thận lac alah mbang, glaih glan. Bruk dut iek định kỳ chức năng thận lac biak praong, kayua dấu hiệu sit sot mbuan si klak tapa, nan ye rilo urang tuk hu iek ruak ye ruak tagok jeng suy thận./.