Pathau mikva saong taong abih gauk!

  Tui Tạp chí The Sun, dom urang ilamu hu peih bruk roh duah karei di gauk di gauk piah thau cambaih dom ruak nguy hiểm ka menuac ngak bruk văn phòng. Dom roh duah brei mboh lac, daok la livik di bàn ngak bru jeng oh siam yau njuk pakao. Hadei di ini, lac 6 janih ruah nguy hiểm njauk thau di menuac ngak bruk di văn phòng rilo thun. Dalam danka dak harei ini, kol dahlak likau khan tapa kadha “urang iek ruak”.

1- Ung thư tung (pruac):

Urang ngak bruk văn phòng pandar komputer rilo dalam 10 thun mbuan njauk ruak ung thư  tung pruac rilo jang 2 mbang menuac oh pandar. Tiến sĩ Claire Knight di Viện roh duah Ung thư Anh quốc, brei thau: “Kol drei nao mai daok dang rilo, bruk mbuan njauk ruak ung thư tung pruac dak trun takik”.

2-Ruak pandik baoh hatai:

Dom urang daok la rilo tuk anak komputer mbuan ba tal pandik baoh hatai. Tui dom bác sĩ gah baoh hatai di sang bac Đại học London, 67% menuac ngak bruk 11 tuk dalam sa harei mbuan njauk ruak baoh hatai.

3- Pataom darah:

Dom urang ngak bruk anak komputer dalam tukvak atah meda mbuan hu talok darah pataom veik. Bruk nan mbuan ba tal nghẽn mạch phổi rilo jang 2 mbang.

4- Ruak limek labaih kilo:

Dom chuyên gia gah pren yava di Australia duah mboh lac, dom menuac daok la biak livik, vòng eo nyu praong tagok saong hu cholesterol LDL (lac cholesterol jhak) glaong jang. Bác sĩ Genevieve Healy di sang bac Đại học Queensland, Australia mboh lac, dalam tuk ngak bruk, njauk dang tagok dalam 1 minit jeng daong patrun bruk mbuan ba tal limek labaih kilo.

5- Pandik ka-ing:

Tui panuac khan di Hiệp hội Chỉnh hình khớp xương di Anh, meyah drei daok la livik jang 10 tuk sa harei di anak komputer saong oh dang tagok nao mai, mbuan njauk ruak pandik ka-ing.

6. Ruak tâm thần phân liệt

Meyah drei ngak bruk meng dah mesupmbiah tal kreh melam, meda ba tal ruak tâm thần phân liệt atau suy nhược thần kinh. Dom urang ilamu jeng mboh lac, dom urang umo trung niên ngak bruk labaih 55 tuk sa adit ye kỹ năng saong thần kinh yếu jang dom urang ngak bruk 41 tuk.

Drei meda ngak dom bruk sit piah trun takik bruk mbuan njauk ruak:

-dahlau di abih brei daok la ka nyu njauk, meta tapak haong màn hình komputer.

-daok dang nao mai gam gam, yar tangin, takai tabiak saong megei takuai nao mai, meda ngak yau nan dalam tuk daok la di komputer.

-Gaok tuk, njauk nao kanyan salih ka thang máy. Meyah hu tukvak padeih livik, drei meda tabiak gah lingik hasit.

-Suak yava dalam meda daong patrun stress. Jhui var menyum rilo ia. Drei ngak bruk hu siam jang meyah drei menyum ginup ia./.