Pahadar 60 thun papar sap danak dak Ca nhạc Tuổi thơ jeng lac tuk piah ka dom rai biên tập viên, kỹ thuật viên, nhạc sĩ kak kajap song danak dak mboh hadah mbaok meta, mong iek veik bruk ngak di drei, dong ngak ka dom kadha doh tuổi hồng nao tal uranaih di yaok bhum palei dalam negar . Kadha vak hadei ni di Tuấn Anh – urang vak di rayo sap ndom VN dok di ban raya Hồ Chí Minh brei mboh veik hatung hatian di dom urang hu sa saman kak kajap song danak dak, rik pren ka  "khúc hát tuổi thơ” daok miat tal harei ni:

Labaih meteh abhap tapa, Danak dak Ca nhạc Thiếu nhi di rayo sap ndom VN jeng dok dui pachreih hatai takre di dom rai uranaih di grauk labik dalam negar. Rilo urang pang rayo tal urak ni jeng oh var hu dom kadha doh nao tui thun bilan yau: Em là mầm non của Đảng, Tuổi nhỏ đất nước anh hùng (di Mộng Lân), Ai yêu Bác Hồ Chí Minh hơn thiếu niên nhi đồng (di Phong Nhã), Em bay trong đêm pháo hoa (di Hàn Ngọc Bích), Cho con (di Phạm Trọng Cầu), Hổng dám đâu (di Nguyễn Văn Hiên), v.v…  

Urak ni, darak pasa âm nhạc patagok biak đa dạng, hatai takre pang di uranaih jeng hu salih karei rilo dut song dahlau deih. Meng bruk  âm nhạc chreih chrai yau  di ban raya Hồ Chí Minh, dom urang ngak danak dak doh tako thiếu nhi di rayo sap ndom Việt Nam hu rik dong oh sit dalam bruk pabak rilo jang dom kadha doh bahrau, kadha doh đặc trưng di dom bhum palei gah merong. Nhạc sĩ Hoàng Ngọc Oanh, iek gah danak dak doh tako uranaih di rayo sap ndom VN daok di ban  raya Hồ Chí Minh meng thun 1977 tal thun  2007, khan lac:

Dahlau di abih, hulin biak sambai kayua thun ni rayo sap ndom VN pahadar 60 thun harei danak dak doh tako ka tuổi thơ. Hulin jeng lac menuac di Ban Văn nghệ Thiếu nhi, thun 1977 salih tame ngak bruk di ban raya  Hồ Chí Minh iek gah bruk thu mới, dàn dựng dom danak dak ka uranaih gah merong payua tabiak ka riyak lingik di negar.  Tapa nan, hu yaih khan biak rilo kadha doh di dom nhạc sĩ gah meraong saong hu biak rilo kadha daoh hu phổ biến, tal Cao Bằng, Lạng Sơn… Sa bruk ngak ka hulin biak bui sambai, drut droi tuk pang dom nhạc sĩ ndom ka dom adei uranaih di bhum atah bayah vak harak payua tame tangi sua song ndua dhar phor dom nhạc sĩ di ban raya Hồ Chí Minh.   

Ngan song dom kadha gheih, hu nội dung lagaih song uranaih ye bruk pha âm, ngak nhạc di  gah kỹ thuật jeng hu rik dong biak prong dahlau di tuk papar sap dalam dom danak dak doh tako thiếu nhi. Lingiu di nan, gah kỹ thuật tuk halei jeng kak kajap song biên tập viên thu âm, khik piah dom danak dak, dom mbang pakacah ndung bak tuổi hồng dalam dom mbang nao grauk labik dalam taneh ia. Ong Nguyễn Văn Nhiên, dahlau deih ngak  Phó Trưởng phòng Kỹ thuật rayo sap ndom VN  dok di ban raya  Hồ Chí Minh brei thau:

Hulin mboh biak uan tabuan kayua drei hu rik dong ka danak dak uranaih tuk pahadar 60 thun harei cánh sóng tuổi thơ. Hulin ngak bruk di Rayo hu labaih 20 thun ye, meng dom harei daok ngak gah thu thanh lưu động. Dom adei saai yau khol hulin jeng kham ngak piah thu ka pahu dom âm thanh song chất lượng siam abih piah pabak ka bruk papar sa, khik piah, pabak rilo jang dom danak dak doh tako uranaih. 

Tapa dom danak dak papar sap di rayo sap ndom VN, rilo nhạc sĩ takre  dom kadha doh uranaih payua biak rilo kadha song pambuak bruk suai livik song danak dak. Mai meng dom kadha doh gheih, ndung bak asal pato pakai glong di dom nhạc sĩ hu rik dong oh sit dalam luac 60 thun yava miat danak dak doh tako uranaih di Rayo. Nhạc sĩ Nguyễn Văn Hiên, Hội Nhạc sĩ Việt Nam brei thau: 

Tuk dok sit lin pang biak rilo kadha doh uranaih, prong tagok hulin mboh drei hu trách nhiệm cih ka umo thun drei tapa bloh, ka dom rai hadei. Tuk pambuak bruk song Rayo, hulin mboh ni lac rayo hu angan je abih di negar. Tuk hu pang dom kadha doh gheih, hulin khin tapa rayo sap ndom VN yaih khan dom kadha daoh bo hulin biak njauk hatai tuk paneh ka dom kamuan. Nan lac bruk hulin biak bui sambai tuk hu pambuak bruk song Rayo tapa danak dak  yaih khan dom kadha doh uranaih.

Yau nan, dalam luac 60 thun tapa, pren khang di danak dak doh tako brei ka uranaih song urang takre ragu doh dalam negar brei mboh cambaih laih. Dalam tuk vak anak tal, ngan saong dom danak dak ndung bak asal bahrau, rayo sap ndom VN daok ba mai dom lagam lagu hồn nhiên, panuac daoh hadah hadai song bak makna tal uranaih di grauk labik dalam negar./.