Mesup ini (12/8), Hội Liên hiệp dam dara Việt Nam pakat negar ba tabiak bruk 65 harei pakacah gauk tabung glaong salam uan pahadar 65 thun Harei ilamu meng kan di drei (15/10/1956–15/10/2021). Kayua pa-atah di gauk tui Sarak 16, bruk ba tabiak nan hu peih ngak tui jalan tabiak clip angaok mạng xã hội saong dom jalan truyền thông. Tui nan, Hội Liên hiệp dam dara Việt Nam pakat negar hu peih pakak Sang ilamu brei ka mikva bangsa Lự daok di Lai Châu (sa dalam 16 bangsa hu menuac oh ka tal 10.000 urang); alin labik puac tapuk ka sang bac Trung học phổ thông Bangsa gam bac gam daok N’ Trang Lơng (tỉnh Đắk Nông); peih bruk padang ngak 3 danak dak dam dara “baoh sang haniem phuk” brei ka anek saih bangsa takik sang kan kandah, peih bruk padang 8 danak dak “Sang bac mekre ka adei” brei ka anek saih bangsa takik daok di dom labik biak kan kandah. 

Mintri Pato Megru bahrau brei thau ka bruk lac hu panuac khan ja ka jalan peih pakacah tamat THPT saong pilih ruah anek saih thun 2022. Tui nan, angaok mạng xã hội daok hu dom khau tin lac: kadha pakacah lac tự luận, dom sang bac đại học pakacah karei, pakacah angaok komputer... Mintri Pato Megru khan lac, dom asal kadha nan oh biak, oh njauk. Dahlau di nan, Thủ tướng Rajaei njauk hatai brei khik tani tanat jalan peih pakacah tamat THPT thun 2020 ka vaktu 2021-2025 ngan saong dom rami ramik ka nyu lagaih haong yaok thun.

Tal harei 12/8, hu 14 tỉnh tabiak jalan ngak ka thun bac 2021-2022, dalam nan Sơn La brei anek saih tame bac aval abih, lac di harei 16/8. Dalam tuk rilo tỉnh brei anek saih tal 1 tame bac dahlau dom tal karei 1 adit ye Bà Rịa - Vũng Tàu haong Bình Dương brei ka taong abih anek saih dom tal bac tame thun bac bahrau di harei 1/9. Bà Rịa - Vũng Tàu khan lac tui bruk di tuk nan bo brei thau cambaih jalan peih thun bac bahrau. Daok di Bình Dương, Sở Pato Megru kuhria brei anek saih bac online dalam 2 bilan camereip.

Bruk klauk vaccine haong blei vaccine meng negar lingiu di Việt Nam oh ka hu yau hatai caong khin, Mintri Y tế daok kham merat abih drei. Tui Mintri Y tế, tal harei ini, Việt Nam klauk hu labaih 11 triệu 400 rabau mbang vaccine dalam abih tih 18 triệu mbang taduan hu. Kayua yaok pataom suai nan ye bruk khan brei thau suai duk haong bruk klauk vaccin dalam taneh ia. Mintri Y tế jeng hu harak ieu dom tỉnh ban ba tabiak dom jalan ngak piah patagok bruk klauk vaccine ka bol bhap rahra. 

Klau pluh laik phone di dom bác sĩ Sang iek ruak Chợ Rẫy ngak bruk meng mon 9 harei ini (12/8), iek ruak online 30 janih ruak chuyên khoa, lingiu di Covid-19. Dom bác sĩ 30 chuyên khoa yau ung thư, nội tiết, tim mạch, chấn thương chỉnh hình, thần kinh, hô hấp, tiêu hóa, ... salih gauk hu mbaok luac harei melam piah tacei pato, iek ruak tapa phone atau video call ka urang ruak. Urang ruak meda taom gaok tapa laik phone pandiak di chuyên khoa drei caong khin piah hu tacei pato, iek ruak.

Dom biến thể di vi-rút SARS CoV-2  daok ngak brei salih karei bruk mesruh pacang jit di dunya. Rajaei Prang tabiak panuac lac brei ngak dom jalan pasang iek jit Covid-19 catang jang, dalam nan hu bruk patagok pasang iek jalan tapen negar. Bỉ daok kuhria pandar passport vaccine ka dom bruk pataom rilo menuac di gah lingiu langik. Daok Italia daok duah jalan jhul samar bruk klauk vaccine ka uranaih. Israel jeng pandar harak hijao ka anek naih umo labaih 3 thun.

Bruk Japon khan lac hu mboh urang ruak camereip njauk biến chủng Lambda di virus SARS-CoV-2 daok ngak ka menuac sia mboh duh hatai. Tapa langyah gen, Lambda hu 5 đột biến gen bahrau, dalam nan 3 đột biến meda pacang hu kháng thể dalam vaccine Covid-19 saong 2 đột biến meda tabiak truh miễn dịch khang jang duk haong biến chủng Delta. Biến chủng Lambda urak ini njom mbak tabiak 41 taneh ia, bhum taneh  di angaok dunya.

Tổng thống Afghanistan Ashraf Ghani hu nao tal ban Mazar-i-Sharif piah pataom gauk veik dalam tuk kol Taliban meblah hu tal 1/4 pasak dom tỉnh di taneh ia ini. Bruk lahik quyền pasang iek dom ban lac sa bruk trak damak ngan haong Kabul saong brei mboh bruk jaleih lahik abih quyền pasang iek di karja Afghanistan di bhum gah Brak, sa paga pacang khang di dân quân mesruh pacang Taliban. Tui Liên hiệp quốc, dom bruk daok rah tabiak di Afghanistan lac mboh biak duh hatai saong dom gah njauk pataom tame bruk ginum biai chính trị./.

Urang lang: M.Phuong -12/08/2021 - 15:25:54