Pathau mik va song tong abih gauk!

 Mbang njam patam yaok harei, dong ngak brei hadah meta, pasang iek hu teik trak, pacang caga  ung thư  song dom ruak tim mạch. Langiu di bruk patrun kilo, njam patam dok patrun hu bruk ba tal ruak meeik saradang, tagok drah  song ung thư. Taphia di nan, dom janih chất xơ dalam njam patam nyu "puh" cholesterol labaih,  dong ka rup pabhap pacang  caga xơ vữa động mạch. Kadha:“Urang iek ruak” harei ni, hu kadha vak brei thau dom kein lagaih di bruk mbang rilo njam patam boh karaoh.

Tui  tiến sĩ Nguyễn Thị Lâm, Viện Dinh dưỡng, dak harei dak hu rilo roh duah brei mboh  tác động di chất xơ dalam var mbang huak  song nguy cơ di ruak tim mạch. Bruk mbang rilo  chất xơ hu pagam tal chỉ số BMI song hàm lượng insulin dalam darah. Langiu di nan, nyu jeng daong patagok bruk nhạy cảm di  insulin ka urang ruak meeik saradang  tuýp 2, trun tryglycerid song dong pasang iek teik trak.

Kayua yau nan ye, njauk mbang dom janih pandap mbang hu rilo  chất xơ. Njam patam boh karaoh lac janih pandap pabak biak ralo chất xơ. Dalam njam, cellulose meda pacangtáo bón, pacang ung thư pruac taha, tathuak cholesterol tabiak  truh rup pabhap  pacang cholesterol drah glong .

Dom chuyên gia hu panuac kakei lac yaok urang njauk mbang takik di abih  300g njam patam song 100g boh kayau tasak yaok harei. Dom menuac njauk mbang rilo njam nan lac:

Urang taha prong thun:

Urang taha praong thun brei sangka mbang rilo njam patam boh karaoh piah hu  chất xơ pachreih tung pruac megei, pacang  táo bón. Bruk njauk biai nan lac, njam patam boh karaoh pabak ka rup pabhap  dom chất dinh dưỡng biak siam ka urang taha praong thun lac dom vitamin saong dom vi lượng.

Urang lamek labaih kilo, urang meeik saradang

Mbang rilo njam patam  boh karaoh ngak brei tian mboh trei, min năng lượng di var mbang oh tagok, dom vitamin song khoáng chất jeng hu pabak ginup. Bruk ni nyu daong patrun kilo di urang limek song khik tanut saradang drah bình thường di urang ruak meeik saradang .

Urang tagok drah song cholesterol drah glong

Njauk mbang rilo njam patam boh karaoh (500 g yaok harei) piah pabak rilo kali, daong patrun drah. Lingiu di nan, urang njauk tagok drah bhain hu gam ruak tagok  cholesterol drah, nan ye bruk mbang rilo njam patam boh karaoh, meda dong tathuak cholesterol dalam pruac tabiak gah langiu, dong ngak patrun  cholesterol dalam drah/.