Pathau mik va song tong abih gauk!

Paglong chất lượng y tế cơ sở lac sa dalam dom bruk hu gah  Y tế tỉnh Sóc Trăng sangka dalam dom thun jiak di ni . Bruk ngak nan piah salih bahrau hatai sahaneng di bhap bini dalam bruk tame iek ruak di  tuyến y tế cơ sở, dong patrun patakik menuac iek ruak di tuyến angaok. Kadha vak di  Thạch Hồng – urang vak di rayo sap ndom VN dok di bhum taneran krong CL:

Thuận Hưng lac sa  xã kathaot, bhum atah bayah di huyện Mỹ Tú song lac labik hu rilo mik va bangsa takik duik rai, kinh tế lac ngak nong. Dahlau deih bruk iek glang pren yava di mik va njauk tagok huyện, gaok rilo kan kandah. Meng di tuk di labik ni hu gah y tế tỉnh padang ngak  bilai y tế bahrau, mik va di labik ni biak bui sambai kayua bruk iek ruak hu mbuan lagaih jang . Amuk  Dương Thị Ninh, palei Bố Liên 3 mai iek ruak di  bilai  y tế khan lac

Hulin mai ni piah iek ruak. Hulin ruak thoái hóa cột sống. Urak ni dom y bác sĩ iek ruak ka lin bloh, urang châm cứu biak siam song brei jru ka lin menyum tra. 

Bác sĩ Lâm Thị Thúy Hằng, Phó akaok Bilai y tế xã Thuận Hưng, huyện Mỹ Tú brei thau, Bilai Y tế bahrau di  xã hu padang ngak song taduan urang tame iek ruak meng thun 2015, mek hu tanut chuẩn pakat negar, jien padang ngak abih labaih  3,6 tỷ đồng. Hu  trang thiết bị y tế bahrau, yau jamriak siêu âm, jamriak dut iek sinh hóa, huyết học, ia meiek, jamriak dut điện tim, jamriak tạo oxy… dak harei dak pabak bruk iek ruak ka bhap bini di labik ni. Jeng tui  bác sĩ Hằng, meng tuk hu  bilac Y tế bahrau, mik va  jia tame jang bruk iek ruak di tuyến cơ sở, yau nan ye menuac mai iek ruak di bilai dak harei dak rilo jang. Yaok harei, hu meng 100-120 mbang urang mai iek ruak.

Meng di tuk bilai hu ba tame iek ruak, hu padang ngak siam mekre ye pachreih hu urang mai iek ruak yaok harei rilo jang. Drei padang hu hatai jia dalam bhap bini, patrun patakik hu bruk bhpa bini nao tagok  tuyến angaok.

Mạng lưới y tế cơ sở hu mong lac “talang ka-ing” di gah y tế, lac labik iek tapak pren yava tuk camereip ka bhap bini ngan song yaom jien takik, patrun hu bruk iek ruak di tuyến angaok, ba tal quá tải di dom sang iek ruak tuyến angaok . 

       Thau hu bruk prong ni, dalam dom thun jiak di ni, gah y tế tỉnh Sóc Trăng hu padang ngak cơ sở hạ tầng, trang thiết bị y tế ka dom  labik iek  ruak  di dom  xã, abih di nyu nan lac di dom xã bhum atah bayah, kinh tế dok rilo kan kandah. Urak ni, dalam tỉnh hu  94 xã mek hu tanut pakat negar  gah  y tế, samu  86%, 94 bilai y tế hu bác sĩ, song  taong abih bilai y tế hu  y sĩ sản nhi … Abih di nyu nan lac, tỉnh hu labaih  30 biali y tế hu padang ngak bahrau siam mekre. Dak harei dak pabak bruk iek glang pren yava di bhap bini .

Ong Trương Hoài Phong, Akaok  sở Y tế Sóc Trăng brei thau, urak ni, sở hu pok panuac tagok Ủy ban bhpa bini  tỉnh likau padang ngak gac  16 biali  y tế bahrau. Langiu di nan,  tỉnh jeng daok pok panuac likau  Trung ương buh jien tabiak ngak  labaih  10 biali y tế ka dom xã meng phun jien mesraiy , song daok pasiam veik jalan mbak nao mai,  pandap panda trang thiết bị dom bilai  y tế dok veik.

Meyah buh jien tabiak ngak meng dom kadung jien ni ka Sóc Trăng, dom bilai  y tế, meda pabak hu bruk iek glang pren yava di bhap bini. Abih di nyu nan lac bhum atah bayah, bhum mik va bangsa takik. Meda iek glang hu pren yava ka bhap bini  .

    Meng bruk sangka padang ngak jalan mbak nao mai  , trang thiết bị y tế, menuac ngak ka tuyến cơ sở hu dong ka  Sóc Trăng patrun hu bruk rilo menuac nao iek ruak di sang iek praong,  dak harei dak siam jang bruk iek glang song khik caga pren yava ka bhpa bini di dom bhum palei pala, bhum atah bayah./.