Adit pandap Việt Nam ngan haong rilo janih pandap hu  peih tabiak di siêu thị Carrefour di ban Collégien, gah langiu ban ine Paris, harei 4/11, dalam kham marat ba pandap panda Việt Nam tame khang jang  dom labik pablei lẻ praong abih di negar France. Ini lac bruk hu makna praong dalam dom bruk ngak di France di kapul ngak bruk di rajaei Việt Nam kayua Thủ tướng Rajaei Phạm Minh Chính ba akaok, meng harei 3/11 tal harei 5/11. 

  Việt Nam taduan passport vaccine di dom taneh ia, bhum taneh  hu tanut salamad glong, pandar vaccine hu WHO, urang jakar Mỹ, châu Âu song mintri  Y tế brei adat. Blah ba ar brei thau lac klauk jru blaoh, dok ieu lac passport vaccine, di 72 taneh ia song bhum taneh bo  Việt Nam dok taduan lac pabak bruk công nhận song pandar vaccine hu urang pal akaok rajaei pasang iek, brei adat. Urang hu harak ni hu pandar tapak di Việt Nam song patrun tuk vak brei dok karei trun dok 7 harei, tui tacei pato di mintri Y tế ka dui katut panak tukvak brei dok karei ka urang hu klauk ginup vaccine pacang Covid-19 atau hu siam veik hadei di tuk njauk Covid-19. Khaw tin nan, hu urang brei panuac di  mintri Ngoại giao Phạm Thu Hằng brei thau  dalam mbang  họp báo harei kabroi.

Dom harei jaik di ini, jit ruak COVID-19 di Bình Thuận daok rahtabiak sarau kadhau saong dom urang njom daok tagok rilo. Di dalam harei 4/11, dalam tỉnh hu 194 urang njom COVID-19 (tagok 54 urang dut saong harei 3/11). Piah caga pacang bruk njom ruak di dalam tỉnh dalam tukvak bahrau, tỉnh hu ramik, caga labik taduan raok urang ruak, taong ruak COVID-19 ngan haong 4.025 manieng ndik ka urang ruak.

Bến Tre dok samar peih ngak dom jalan pacang caga mbang ia ndik glong di abih dalam thun, mboh lac meda ngak kan kandah tal dom puk palei di Bến Tre. Ia angaok dom krong, ribong tỉnh Bến Tre  tagok glong dalam dom harei anak tal. Tui kuhria, ia tagok glong  di abih dalam dom hare harei 6 tal 8/11/2021 (njauk tame harei  2 tal harei 4 bilan  10 tui saka ia bilan), di tanut mangaok báo động 3 meng 1-14 cm.

Urak ini tỉnh Đồng Tháp hu labaih 160ha pa-aok hacih pabak ka darak pasa dalam taneh ia saong pablei tabiak negar langiu (dalam nan hu harak GlobalGAP labaih 13ha, harak VietGAP labaih 145ha, harak lac ginup prein salamat pandap mbang 2ha). Bruk pala pa-aok hacih tui tanut chuẩn GlobalGAP trun hu labaih 80% dom janih khak, jru hóa học, năng suất 20 tấn sa ha sa thun (glaong jang pa-aok bhian pala meng 4 tal 5 tấn sa ha sa thun) saong pablei hu yaom jang meng 2.000 tal 5.000 đồng sa kg.

Tui kuhria mboh bahrau  abih di Đại học Ooc-phót ( Oxford), Hungary hu urang njom Covid-19 tapak glong abih di dunya.Bruk njom mbak di Hungary dalam puac bilan 10/2021 di tanut glong abih ngan song 1,85. Tui nan yaok sa urang njaom ruak meda pambak ka jiak 2 urang. Dalam harei kabroi, Hungary hu labaih 6 ribau 250 urang njom bahrau, patagok urang njom meng tuk jit ruak rah tabiak tuk camereip tagok jeng  885 ribau 360 urang. Dalam nan hu 31 ribau 100 urang metai. Urang njom bahrau njauk  tame sang iek ruak tagok khang ngak ka dom sang iek ruak di  Hungary mbuan si tapa prein.

Sa kapul chuyên gia dunya kayua Đại học Arizona, Mỹ ba akaok bahrau duah mboh jaik 500 pasak ngak adat cambat jamar dahlau Tây Ban Nha di gah maraong Mexico. Hu padang ngak dalam tukvak meng thun 1100 tal thun 400 dahlau Công nguyên, dom labik nan hu rilo janih dreih yau Agunada Fenix, labik roh duah ilamo Maya praong abih saong lavik thun di abih hu duah mboh di thun 2020 di bang Tabasco. Mayah Aztec atau Maya hu maong lac dom ilamu hu angan je di Mexico ye Olmec  hu mbaok dahlau di nan tal labaih ribau thun.

Harei 4/11, Akaok mintri jien ndua Thụy Điển Magdalena Andersson hu pok ngak urang pal akaok đảng Dân chủ xã hội dalam liên minh cầm quyền. Ni lac jalan camereip piah ka muk jeng Thủ tướng di Thụy Điển, salih ka ong Stefan Löfven tabiak panuac padeih bruk meng 8 meng bloh.  Muk Andersson, umo 54 thun, lac urang  kinh tế pakat glong  song vận động viên caluai ia, lac ứng cử viên hu palih ruah meng jalan brei tapa di Nyaom roya Dân chủ xã hội. Akaok đảng Dân chủ xã hội bahrau jeng sa urang kamei thủ tướng camereip dalam sajarah Thụy Điển meyah yam tapa hu mbang palih ruah di Quốc hội, urak ni oh ka thau cambaih laih tuk vak peih ngak./.

Urang lang: Thu Thảo & H.Pha -5/11/2021