Lac gru pato, ong Lưu Văn Thính hu rilo rai rah anek saih anit ranam, iek prong. Meng hatai anit ranam brei ka dom rai rah anek saih ngak ka ong kak kajap song bruk pachreih bac hadei di tuk padeih ngak di gah pato megru kayua pren yava. Lac akaok  but pajaih,  Ong Thính caik rilo tuk vak, hatung hatain piah jak ba dom urang dalam but pajaih ngak bruk pachreih bac ka anek kamuan. Thun 1995, ong padang mban pachreih bac, pachreih megru di but pajaih ngan song quy chế ngak bruk cambaih laih, tantu. Thun camereip hu 7 urang, jien rik tame kadung jien bahrau hu 4 triệu 500 ribau đồng. Oh nản lòng, ong kham merat nao tal yaok boh sang pathau khan jak ba anek taco pataom mbaok tame. Dalam dom mbang ginum biai dalam but pajaih, ong langyah brei abih gauk thau dom kein laba  bloh abih hatai pachreih tui. Nan ye, kadung jien tagok hu labaih 10 triệu đồng yaok thun. Ong Lưu Văn Thính khan lac:   

Băng tiếng Chăm:

Meng kadung jien nan, ong peih bruk pok meyaom anek saih hu tame đại học, cao đẳng, anek saih kan kathaot kham merat yam tapa kan kandah dalam but pajaih yaok thun bac bahrau. Yaok anek kamuan dalam but pajaih meyah tame đại học hu brei 500 ribau đồng, cao đẳng 400 ribau đồng, trung cấp 350 ribau đồng, buh jien tabiak pok meyaom pakat 3- 200 ribau đồng, pakat 2 lac 150 ribau đồng,  pakat sa 100 ribau đồng yaok adei sa thun, tuk hu harak meyaom danh hiệu tiên tiến, atau bac joi ye but pajaih jeng hu pok meyaom,  Saai  Đổng Thị Cúc di palei Hoài Ni brei thau, sang kan kandah, saai hu but pajaih dong, pachreih ba iek glang anek kamuan bac da-a. Sa-ai hu 4 urang anek, tong abih 4 urang anek di saai jeng kham merat yam tapa kan kandah bac da-a naih joi.

Oh lac ngak siam bruk pachreih bac, ong Lưu Văn Thính dok jak ba dom urang dalam but pajaih hu mbaok tame dom bruk di puk palei, kham merat dong ka urang kan kathaot. Ong Thọ Đẳng,  Phó chủ tịch Kapul pachreih bac huyện Ninh Phước, tỉnh Ninh Thuận lac:

Băng tiếng Chăm:

Langiu di bruk rik dong ka puk palei, sang ong Thính jeng lac kreiH camin ka bruk bac megru luac rai. 8 urang anek di ong jeng hu bac da-a tal labik tal dhua, hu bruk ngak tani tanat. ong jeng oh padeih bac megru, pabak ilamu piah ngak bruk. Ong Thính brei thau: “Bruk bac hu pabak ka drei ilamu, thau kadha bahrau saong daok ngak ka yaok urang drei hu siam mekre jang, ngak kreik camin hadah dalam boh sang piah ka anek taco bac megru./.