Dalam balik sit di sang ilamu palei, pan boh tapuk dalikan “Tấm Cám” angaok tangin, adei  Giàng Thị Măng, anek saih tal bac 8, sang bac trung học cơ sở Tả Phìn mboh biak takre kayua duah hu baoh tapuk dalikan drei hu pang meng tuk dok sit. Măng brei thau, lac anek dalam sa boh sang hu rai duik kan kandah, amaik ruak kik, KT  sang pagam pambak tame pren ngak bruk di ame. 3 adei saai  Giàng Thị Măng hu nao bac lac bruk biak patuah,  nan ye hu truyện piah puac nan lac sa bruk bo adei mboh yau ndih lipei. Meng tuk hu tu tapuk ni, adei hu bac, hu thau rilo jang ka gah langiu song bac hu dom kadha hu yaom glaong meng dom dalikan. Adei  Giàng Thi Măng lac:

“Amaik ame oh hu jien nan ye nao mesraiy ka adei nao bac, oh hu jien blei tapuk nan ye yaok harei adei nao nyim tapuk piah bac, môn khoa học tự nhiên song môn sap anh. Yaok harei nao bac mai adei nao tak nyuh, tahanek lisei.

Tu tapuk hu padang tagok meng hatung hatian saong pren yava di akaok palei Giàng A Của tuk mboh mikva dalam palei dok kurang rilo janih dalam rai duik kayua oh thau akhar haroh. Thun 2013, dalam sa mbang ginum biai di palei, saai hu panuac nyim tal bac di sang bac piah pato akhar haroh ka urang kamei dalam palei di tuk melam. Tal bac pachreih hu rilo adei sa-ai kamei dalam palei. Saai gam ngak gru pato gam buh jien kadung tabiak blei harak tapuk ka dom uramng mai bac. Oh padeih di labik nan, saai dok sahaneng tal bruk ngak tu tapuk piah anek saih song mik va yaok tuk họp palei meda mai puac. Sahaneng bloh ngak, urak ni 6 tu tapuk bo saai padang tabiak hu jiak 700 boh tapuk ginup janih meng giáo khoa tiểu học, truyện lịch sử, roh duah ilamu pala drak. Saai  Giàng A Của brei thau: tuk mai puac tapuk, labik halei oh thau ye saai meda langyah, tacei pato ka mik va

 “Hadei di tuk hu tu tapuk, tuk mik va mai họp palei, mik va nyim tapuk biak chreih chrai. Dahlak Hulin mboh bui sambai tuk bruk drei ngak hu ba mai kein laba ka bhap bini, rilo mbang bui sambai lô drei mboh yau tanyaok ia meta. Drei khin karja dong rilo jang, palagaih ka drei dongka mik va.

Piah ka bruk bac da-a di anek saih bangsa Mông trun hu kan kandah, abih di nyu nan lac dalam dom harei liar brak di bhum ceik glaong, saai Giàng A Của halan hatain alin brei jiak 800m2 taneh pala drak di sang drei piah ngak labik pato bac ka dom adei. Yaom lac raidiuk dok rilo kan kandah, bruk ngak di saai nyu ngak ka urang dalam palei iek prong iek glong. Saai Nguyễn Thị Liên, palei Giàng Tra, xã Tả Phìn brei thau:

Bruk ngak di saai Của biak siam. Dahlau deih saai pato ka dom urang taha umo, saai dok brei taneh ngak sang ilamu. Saai hu dong ka rilo mik va bangsa oh thau akhar haroh. Dahlak Hulin pachreih tui bruk ngak di saai Giàng A Của

Di labik bhum glaong di huyện Sapa, mik va bangsa jeng dok rilo kan kandah, abih di nyu nan lac oh thau akhar haroh ye bruk ngak hu makna di saai Giàng A Của di palei  Giàng Tra, xã Tả Phìn hu dong xóa mù chữ ka mik va bhum ceik glaong ni./.