Akaok QH Vương Đình Huệ brei panuac di  var ngak bruk

Harei 13-6, di Ha Noi, Akaok QH Vương Đình Huệ dang akaok var ngak bruk haong Thường trực Ủy ban dom bruk xã hội saong dom jabat di QH ka bruk peih ngak sarak daong ka urang ngak lahik bruk ngak saong dom urang gaok kan kandah kayua jit Covid-19. Akok QH Vương Đình Huệ mboh lac, anak bruk rilo taneh ia, bhum taneh peih ngak kinh te kayua hu klauk jru vaccine ginup, Viet Nam njauk brei iek praong bruk tani tanat kinh te praong, samar hu jalan patagok saong peih brei phun jien di karja buh tame ngak, jhul pasamar bruk vaccine suai lavik  ngan saong jalan ngak cambaic laic piah samar hu pacang ruak dalam bhap bini, peih tabiak jalan praong piah tui sumu kinh te dunya.

  Thủ tướng rajaei bahrau patabiak sarak ka 861 brei angan dom xã bhum III, bhum II, bhum I daok dalam bhum bangsa takik saong bhum ceik tukvak 2021-2025. Tui nan, hu 3.434 xã dalam bhum bangsa takik saong bhum ceik di 51 tỉnh, bal di Trung ương, hu 1.673 xã bhum I, 210 xã bhum II saong 1.551 xã bhum III (xã biak kan kandah). Dom xã bhum III, bhum II hu phê duyệt blaoh mayah mek hu tanut chuẩn palei pala bahrau meda brei padeih mbang tui dom sarak meng di tuk hu pok brei angan lac xã palei pala bahrau.

Page 14/6, Mentri Y tế brei thau, hu 92 urang njom Covid-19 di 8 tỉnh, ban. Dalam nan Ban raya HCM hu ralo abih lac 30 urang. 73 urang dalam dom urang angaok nan mboh ruak meng labik daok karei atau di labik hu pacang veik.

Tiểu ban taong ruak di mban pato tacei jalan pakat negar ka pacang caga jit Covid-19 brei thau urang metai ka 59 lac urang ruak ka 5355, lac urang likei, umo 76 thun, daok di Thuận Thành, Bắc Ninh. Urang nan hu ruak dahlau dalam rup lac viêm đa khớp bahrau duah mboh, daok dalam labik hu rilo urang ruak Covid-19. Urang metai ka 59 di Việt Nam metai kayua sốc nhiễm khuẩn, suy đa tạng, viêm phổi trak kayua SARS-CoV-2 dalam nan hu ruak viêm đa khớp, tabiak  darah tung pruac kayua laka pruac meda.

Melam 13/6, Bình Dương hu 3 urang njom SARS-CoV-2 di chung cư Ehome 4, phường Vĩnh Phú, ban sit Thuận An saong Labik iek ruak đa khoa Châu Thành , phường Hiệp Thành, ban sit Thủ Dầu Một. Sở Y tế  Bình Dương samar pacang veik dom labik hu pambuak tal dom urang ruak; samar duah urang F1, F2 piah palaih njom mbak dalam bhap bini.

Dah page ni (tui maong Việt Nam), urang par akaok đảng Y-a-mi-na (Yamina) tui jalan bangsa chủ nghĩa di Ixraen (Israel), ong Náp-phờ-ta-li Ben-nét (Naftali Bennett) hu tuyên thệ ngak Thủ tướng ka 13 di negar ni. Hadei di tuk Israel hu rajaei bahrau, Tổng thống Mỹ Joe Biden hu ieu phone tadhau ayuh Thủ tướng Israel bahrau, brei thau lac meda ngak siam jang talei pambuak bruk di dua 2 negar, jang yau lang talaih dom kan kandah bo Israel saong bhum taneh ni daok gaok.

Negar Nga hu jaik 15 ribau urang birau njom Covid-19 dalam harei 13/6 nan lac ralo di abih kuhria dalam 4 bilan tapa, dalam nan ta-eng ban ine Mát-xcơ-va hu 7.704 urang ruak dalam harei. Anak bruk nan, Thị trưởng Mát-xcơ-va  -  Xéc-gây Xô-bin-a-nin (Sergei Sobyanin) hu panuac iew bhap bini padeih ngak bruk dalam adit ini piah patrun bruk njom mbak jit ruak. Yau nan min, panuac iew nan oh pandar ka dom Cty padang ngak, D.N ngak mbang praong makna dalam saong gah bol lin.

Thủ tướng Malaysia Muhyiddin Yassin brei thau lac rajaei negar ni daok padang ngak jalan pasiam taneh ia piah caga ka bruk yam tapa  jit praong Covid-19 di tanut siam di abih. Tui kuhria, jalan ngak ini meda hu khan brei thau anak Hội đồng An ninh taneh ia di adit ni. Tui mintri jien padai Malaysia, rajaei meda jhul samar yaok bruk ngak piah daong ngak pasiam gah kinh tế. Gilang pariak kanja Malayisa kuhria mboh dahlau lac tanut patagok di negar dalam thun 2021 lac 6 - 7,5%./. 

Urang lang: THU THAO – A. NGHIEM  14/6/2021 10:59:42