Brei panuac dalam mbang nyaom di Nyaom biai dom Akaok Quốc hội dunya mbang ka 5  di Vienna, ban ine negar Cộng hòa Áo biar harei kabroi, akaok Quốc hội Vương Đình Huệ payua tal Nyaom biai asal kadha “Pacang caga jit praong Covid-19 saong cuang kandah jalan pambuak bruk rilo gah dalam bruk pabak hatai caong di bhap bini”. Akaok Quốc hội Vương Đình Huệ brei thau, ngan saong Việt Nam, pasiam veik hadei di jit praong, salih karei nền kinh tế piah lagaih haong biến đổi khí hậu saong jhul patagok khang kajap lac cuang kandah biak praong. Lac 1 dalam 10 taneh ia gaok kan kandah trak abih di biến đổi khí hậu, ia tasik tagok, Việt Nam hu ba tabiak rilo jalan ngak piah pacang caga abih gah yau ye: patrun năng lượng hóa thạch, patagok năng lượng tái tạo tagok 25% di thun 2030; meng bilan 4-2021 ba tabiak ngak danak dak pala 1 tỉ phun hijao tal thun 2025, piah njom tame rilo jang meng 2-3% dom khí phát thải di thun 2030.

Mintri Thông tin-Truyền thông brei thau, bruk ba tabiak tin ja, tin suan ka jit ruak saong bruk pacang caga jit Covid-19 daok tagok rilo. Dalam nan rilo meng pataom tame neh rabha bhum, palei, neh rabha bruk jum pataom bangsa, ndom suan ka siam lagaih di dom janih vaccine Covid-19, ndom oh njauk ka bruk parabha haong pabak vaccine di Rajaei, bruk padang Kadung jien Vaccine caga Covid-19; bruk jit ruak di dom labik pandiak yau TPHCM saong dom tỉnh gah meraong, ndom puac oh njauk ka dom jalan pacang caga jit ruak di Rajaei haong dom tỉnh, ban... Thủ tướng Rajaei hu tacei Mintri Thông tin-Truyền thông dang tabiak, pambuak bruk haong Mintri Công an, langyah catang bruk ndom suan ka pacang caga jit, pagam pambak tame bruk ngak piah mbang jien padai, duah laba.

Mesup ini 8-9, Mintri Công an tabiak mbaok ứng dụng piah ka rahra dui katut panak tukvak khai báo y tế dalam tuk nao mai angaok jalan, ứng dụng hu angan ieu lac VN-EID. Hu tabiak angaok hệ điều hành Android (tải meng CH play) haong iOS (tải meng App store). Ứng dụng mbuan pandar, salamat, khik kandauk thông tin di rahra. Tui panuac kakei di Mintri Công an, rahra njauk khai báo y tế dahlau di tuk nao tapa dom bilai pasang iek piah plaih gar jalan. 

Harei kabroi, Mban thường trực UBMT negar Việt Nam ban raya HCM hu taduan labaih 10.000 bộ khan ao y tế pakat 4  khik rup pabhap yaom 1 tỉ meteh kayua Hiệp hội menyim jhik Việt Nam di TP.HCM alin hadiah. Meng harei 1-7 tal ini, mBan jak ba, taduan mek saong parabha kadung jien pacang caga jit COVID-19 TP.HCM taduan hu bruk daong prein di labaih 160 jabat, kapul nyaom, menuac urang rik daong jru tavao, pandap panda, jamriak, pandap y tế yaom labaih 1.877 tỉ đồng.

Mboh hu dom F0 oh ka thau njom mbak meng halei, dom F1 jeng F0 glaong di 2 huyện Chơn Thành haong Bù Đăng, mesup ini, akaok UBND tỉnh Bình Phước Trần Tuệ Hiền bahrau mboh tangin tame harak brei samar paatah di gauk tui sarak 16 di Thủ tướng Rajaei di 2 huyện nan. Kuhria tal mesup 8-9, dalam tỉnh Bình Phước hu 769 urang njom COVID-19, dalam nan Chơn Thành hu 126 urang, Bù Đăng 91 urang.

Dah page ini (8/9), pui khuah sang guk di Tanggerang, tỉnh Banten, Indonesia ngak brei 41 urang metai saong 80 urang karei njauk rambus. Dom urang daok veik njauk rambus hanjul jeng daok hu daong iek prein yava.  Gah padam pui kham merat padam khuah dalam 2 tuk.  Sang guk Tanggerang urak ini hu 2.072 urang guk. Block C di sang guk, labik pui khuah nan hu 122 urang guk. Makna ba tal khuah lac kayua  điện.

Nyaom biai akaok mintri Y tế kapul dom nền kinh tế patagok saong bahrau tagok dang akaok dunya (ieu katut lac G20) bahrau brei tapa Hiệp ước Rome, dalam nan sanya pakhang bruk y tế, tapa nan khik kajap bruk samu gauk di taong abih rahra angaok dunya hu klauk vaccine saong hu taong ruak Covid-19, oh lac bangsa halei.

Hadei di tuk brei thau rajaei lâm thời, Taliban dang anak dom cuang kandah praong ka an ninh tuk pan akaok Afghanistan, saong dang anak dom bruk trun jalan dak harei dak rilo dalam taneh ia. Lingiu di nan, Taliban jeng dang anak dom cuang kandah gah an ninh meng bruk brok tagok di kol (IS), kol kháng chiến taneh ia Afghanistan (NRF) di tỉnh Panjshir./.

Urang lang: M.Phuong -8/9/2021