Tỉnh Hậu Giang dut iek mek mẫu di dom labik hu urang tame tabiak 

  Anak bruk jit ruak Covid-19 daok rah tabiak sraw kadauk, dom urang njom ruak, urang ruak trak tagok, urang metai daok tagok rilo, abih di nyu lac, dom harei jaik ini, di Ban raya HCM saong dom tỉnh gah Barak gaok kan kandah dalam bruk khik ginup oxy duh ka bruk taong ruak, Thủ tướng Rajaei iew Mentri Y tế, dom mentri, dom gah saong karja tỉnh pataom tame tacei pato brei peih ngak catang dom jalan tacei ba di Mentri Chính trị, Ban Bí thư, Rajaei, Thủ tướng Rajaei saong Mban tacei pato pakat negar pacang caga jit  Covid-19, oh luai bruk tapa prein ngak bruk gah y tê rilo labik. Mentri Công thương pambuak khang kajap saong Mentri Y tế saong dom tỉnh, hu jalan langyah cambaic laic piah khik brei ginup oxy duh ka bruk taong ruak. Anak meta, langyah  chip bruk kurang oxy di Ban raya HCM saong dom tỉnh Bhum taneran kraong Cuu Long.

Akaok  UBND tỉnh Hậu Giang bahrau ieu dom jabat pagam tal song dom puk palei dalam tỉnh padang ngak dom kadha, jalan ngak caga yaok bruk kayua jit  COVID-19 ba tal. Dalam nan, jhul samar bruk klauk ginup vaccine pacang COVID-19 ka dom urang umo meng  12 thun tagok, puac di abih tal harei  31/12/2021 ngak salah  tong abih bruk urang meng 12 thun tagok  hu klauk vaccine; peih bruk klauk mbang pabak, mbang hadar veik ka dom urang ginup tuk vak tui tacei pato di mintri  Y tế.

Tết Dương lịch 2022, Ban raya Hồ Chí Minh oh cuh phao bingu yau dom thun dahlau. Dom bruk kuhria peih ngak yau: Danak dak yaok cagar veik di mrelam 31/12 di Ban nao takai Nguyễn Huệ; daoh tamia di 8 quận, huyện; Thành đoàn saong mBan Khik iek dom Khu chế xuất - Khu công nghiệp jeng hu peih ngak danak da daoh tamia pamere dam dara, urang ngak…Gam haong nan, ban raya peih ngak dom bruk the thao, daoh tamia uan raok thun birau… Yau nan min, ong Phạm Đức Hải, Phó akaok Ban tacei pato jalan pacang caga jit ruak Covid-19 saong pasiam veik kinh te Ban raya HCM brei thau, yaok quan, huyen brei peih ngak sit atau brei padeih dom bruk oh lagaih dalam tuk jit ruak Covid-19.

Harei ni, mban khik ramik danak dak 7 (Mintri jalan mbak pajeng ba) song dom jabat  peih bruk  tabiak ngak danak dak padang jalan plaih  QL1A labik nao tapa ban Cà Mau, tỉnh Cà Mau. Danak dak hu padang ngak meng kadung jien karja haong yaom jien buh tame ngak abih tih lac 1.725 tỷ đồng. Jalan atah abih tih 14,3km. Jalan ni tuk ngak salah  hu pambuak song jalan  Vành đai 3 ban  Cà Mau, jalan tapen tasik gah merong pabak ka bruk patagok  kinh tế - xã hội di tỉnh Cà Mau song dom  tỉnh bhum taneran krong Cửu Long.

Kapol dat blong Viet Nam caoh alah kapul Thái Lan 2 baoh di mbang caoh mbanh giải AFF Cup 2020, rah tabiak di mblang dat blong negar Singapore melam kabroi (23/12). Kapol dat blong Viet Nam hu klau harei piah pasiam dom bruk kurang di drei dahlau di tuk tame caoh bán kết haong Thái Lan di harei 26/12 anak tal. Dahlau di nan sa harei lac mbang caoh bán kết ka 1, Kapol Indonesia saong Singapore, dua kapol caoh sumu gauk sa baoh.

Jabat khik ramik jru tavoa  song pandap mbang Mỹ (FDA) hu pasang iek song brei adat ka jru asar pacang virus dalam bruk iek ruak  COVID-19, hu angan  Molnupiravir. Dalam ngak iek angaok menuac mbuan si ruak trak, jru  Molnupiravir hu trun urang tame sang iek ruak  song metai labaih 30%. Jru ni hu brei adat iek ruak COVID-19 meng hajual tal mbiah  di dom urang ruak prong atau dom urang oh nao tal hu labik  y tế piah iek ruak. Jru Molnupiravir oh brei pandar ka urang ruak umo ala  18 thun,  kayua meda kan kandah tal bruk patagok talang song sụn. Dahlau di nan, FDA hu brei adat ka asar jru pandar dalam bruk iek ruak COVID-19 di hãng jru  Pfizer ka dom urang mbuan si ruak trak meng  12 thun tagok.

Urang jakar Thái Lan chap mek 193 kilo matuy patau, padauk dalam 15 kadung pasram taong quyền Anh payua nao Australia. Dom matuy nan hu yaom pablei gah langiu jaik  30 trieu dola Mỹ. Tui Jabat matuy saong kol toi pham di LHQ, ngak tabiak matuy patau di bhum Tam giác vàng di Đông Nam Á, lac labik taphia negar di Thái Lan, Lào saong Myanma tagok khang dalam dom thun jaik di ni.

Sa phôi thai siam hu khik dalam boh khủng long hóa thạch hu  meng  66 triệu tal  72 triệu thun bahrau hu ba tabiak khan brei thau di Miuyim dak rai tự nhiên Phúc Kiến, Trung Quốc bahrau di ni. Bruk khik ramik di  phôi khủng long biak siam brei mboh cambaih  rup di phôi thai. Anek khủng long atah abih tih meng akaok tal ku tui kuhria labaih 27 cm, win gul dalam hóa thạch atah 17 cm.  Ni lac sa dalam phôi hóa thạch khủng long siam di abih meng dahlau mbiah tal ni brei mboh talei kak kajap di  phôi khủng long song dom janih cim bahrau./.

Urang lang: Hanipha -Ái Nghiêm -24/12