Akok Mentri,Akok Ủy ban bangsa Hầu A Lềnh brei panuac

Thủ tướng Rajaei Phạm Minh Chính hu mbaoh tangin tame sarak ka 605/QĐ-TTg brei pasalah bruk pok ngak Phaok akaok Mban Thường trực mban tacei jalan pakat negar Danak dak bruk ngak negar patagok kinh tế-xã hội bhum bangsa takik song bhum ceik tuk vak 2021-2030 ka ong Hầu A Lềnh, Akok Mentri, Akok Ủy ban bangsa, salih ka ong Đỗ Văn Chiến, dahlau deih ngak Mentri, Akok Ủy ban bangsa, hu salih tapa ngak bruk karei. Mban tacei jalan pakat negar hu brei bruk dong ka Thủ tướng rajaei roh duah, tacei ba, pambuak bruk langyah dom bruk pambuak tal khik ramik, tacei ba song peih ngak dom jalan piah mek hu bruk ba tabiak di danak dak patagok kinh tế-xã hội bhum bangsa takik  song bhum ceik tuk vak  2021-2030 song danak dak pakat negar patagok kinh tế-xã hội bhum  bangsa takik  song bhum ceik tuk vak 2021-2030.

Biar harei 27/4, Phó thủ tướng Vũ Đức Đam - Akok Mban tacei jalan pakat negar pacang caga jit Covid-19 pan akok bruk ginum bai anak bruk jit ruak di dunya rah tabiak dalm kan kandah, abih di nyu lac dom taneh ia hu jalan tapen negar haong Viet Nam hu urang njom ruak tagok glaong yau Lào, Campuchia. Phó thủ tướng Vũ Đức Đam ndom lac brei patui hu dom jalan ngak, pakhang bruk pacang caga, duah mboh, brei daok karei, pacang, padam jit saong taong ruak hu siam. Pasang iek catang bhum taphia negar, pakhang bruk jak ba, pathau khan bhap bini di labik taphia negar saong dalam negar mboh urang dreih yau atau mai meng negar langiu ye khan brei karja palei thau chip.  Mban tacei jalan pakat negar njuak gauk caong khin Rajaei oh mek jien dut iek ruak, jien brei daok karei, plaih bruk tame negar suan hukum kayua abih jien. Gam haong nan, Mban tacei jalan pakat negar iew Mentri Y tế samar ngak ka nyu salah jaln dut tiek ruak, pambuak saong dom janih cong nghe duh ka dom bruk jit ruak karei di gauk.

  Kiên Giang dok dang anak bruk biak mbuan si hu jit  COVID-19 njaom tame saong pambak tabiak meyah oh hu jalan pacang cakak siam lagaih. Meyah tal abih harei  28-4, Campuchia oh dui atah tuk vak pacang cakak, dalam tuk dom urang njom bahrau yaok harei ka oh padeih veik, tuk nan bhap bini Việt Nam dok ngak bruk, duik rai di Campuchia meda mai veik palei negar plaih jit song duah bruk ngak biak rilo. Anak meta, UBND tỉnh Kiên Giang hu panuac kakei gah y tế, karja ban Hà Tiên song dom jabat pagam tal  samar pambuak song dom chuyên gia sang iek ruak Chợ Rẫy padang sang iek ruak dã chiến, peih prong labik iek ruak ka urang ruak COVID-19, dalam nan hu labik  hồi sức cấp cứu hu ginup pandap panda piah iek ruak ka urang ruak trak song biak trak. Gam haong nan, peih labik dut iek SARS-CoV-2 hu tanut chuẩn. Tỉnh Kiên Giang daok brei pacang cakak  dom jalan tapen negar, jalan haluk sit praong luac harei melam. Angaok tasik, hu panuac kakei patagok pandap panda, urang lin piah pakhang bruk pasang iek duah thau, ngak brei patrun patakik di abih dom menuac tame negar suan hukum. Meyah mboh njauk ngak, meda brei peih bruk paatah di gauk  song oh brei kapan gaiy tabiak tasik.

Pambuak tal bruk sre manyek di glai pajeng pandap Alica negar Mông Cổ tableik mbleing ngak ka 18 thùng container laik trun kraong Soài Rạp, kapul daong duah hu duah mboh makna saong sraong tagok hu 8 container salamat dalam dah page ni (28/4).  Glai Alica (negar Mông Cổ) trak 2.500 tấn kayua Công ty cổ phần pajeng pandap tasik Sài Gòn ngak đại lý pataok tame pabah lamnge Tân Cảng Hiệp Phước harei 26/4/202 piah pajeng 54 container pandap nao Inđônêxia. Makna camereip mboh lac kayua glai biak klaak, oh khik hu tani tanat. Tuk gilai mbleing, nyu oh daok khik hu tani tanat, ba tal bala. Po glai saong Đại lý hu taduan bruk ka bala ni.

Harei ni, Công an tỉnh Bình Dương hu thưởng chip 10 triệu đồng ka mBan chuyên án taong tayah jalan pablei salih jru phiel prong kayua Phan Thị Thuỷ Tiên (umo 35 thun, dok di phường Phú Cường, ban  Thủ Dầu Một, tỉnh Bình Dương) pal akaok. Dahlau di nan, dom urang lin di Jabat Cảnh sát pasang iek kol tội phạm ka jru phiel- Công an tỉnh Bình Dương hu mboh song chap khik chip Phan Thị Thủy Tiên, song 3 urag karei piah pasang iek  ka bruk khik mepiah, pablei salih suan hukum jru phiel. Tapa pasang iek pak labik dok di dom urang nan  Jabat chức năng duah hu song pataom mek labaih 1,3kg jru phiel tổng hợp song jru phiel patau, 748 asar jru lắc, 2 cân tiểu ly, labaih 330 triệu đồng, 5 sruh radeih patuh song dom harak gar pambuak pagam tal.

Vaccine caga ruak Covid-19 lac janih vaccine hu roh duah saong ngak tabiak samar abih kuhria meng dahlau mai hu brei thau lac sa dalam dom jalan ngak siam piah patrun bruk njom mbak jit ruak. Kayua oh hu rilo tukvak piah roh duah saong rami ramik nan ye vắc-xin ni jeng hu dom tác dụng phụ langiu hatai caong, dalam nan hu bruk ngak kan kandah tal bruk pasang iek ruak ung thư tasau. Hadei di tuk klauk vaccine, rup pabhap nyu patagok prein pacang caga hu dom janih ruak, saong hu dom phản ứng. Taeng haong vaccine Covid-19, dom bruk brei thau brei mboh janih vaccine ni meda ba tal bruk hu dom khối u siam saong ngak kan kandah tal bruk pasang iek thaot binguk di dom urang daok njom ruak ung thư tasau.

  Rajaei Thái Lan dok kham merat patagok vaccine pacang Covid-19 ka danak dak klauk jru pakat negar piah pamaong tal bruk blei gac meng 10 tal 15 triệu mbang vaccine  pacang Covid-19 yaok bilan di sa labik ngak jru. Gam haong nan, rajaei, jeng meda patagok bruk pambuak gauk di dom jabat karja song tư nhân piah peih prong bruk parabha vaccine, patrun naong trak ka gah y tế.

Rajaei Mỹ hu pakauk abih rahra negar langiu bhian nao tal Trung Quốc, Braxin, Nam Phi, Iran saong rilo labik di châu Âu tame Mỹ dalam dua adit tapa. Min meng sarak bahrau di mintri Ngoại giao Mỹ, sinh viên meng dom negar ni hu tame Mỹ piah tame thun bac bahrau meng bilan Thu anak tal. Bruk salih karei dalam sarak di Mỹ tui kuhria meda daong ka dom sang bac đại học di Mỹ yam tapa kan kandah gah jien padai dalam tuk dom sinh viên negar langiu tut angan tame tui bac di Mỹ trun biak rilo dalam tukvak tamuh jit ruak Covid-19./.

Urang lang: Thu Thao - H.Pha  28/4/2021 16:22:36