Akaok negar Nguyen Xuan Phuc song urang jakar pakat glong VN nao rivang Campuchia 

  Akok negar Nguyễn Xuân Phúc ba kaok kapol urang jakar pakat glong Viet Nam rivang pakat karja Campuchia tui panuac da-a di Patao Campuchia Norodom Sihamoni. Mbang rivang ini di Akok negar Nguyễn Xuân Phúc hu daong ngak brei kajap jang hatai jia gauk, ngak brei dalam jang bruk pambuak gauk rilo gah, ba talei rohim dua taneh ia tame dalam jang, siam lagaih saong kein laba jang. Abih di nyu nan lac, mbang rivang jeng brei mboh bruk pachreih tui di Viet Nam ngan saong dom bruk dalam negar atau dom bruk haong negar langiu hu makna praong meda peih tabiak di Campuchia dalam tukvak anak tal yau bruk palih ruah urang ka Quoc hoi thun 2023 saong thun Campuchia lac Chủ tịch ASEAN 2022.

UBND tỉnh Trà Vinh brei peih ngak danka dak duah thau, tong yaom bruk song patagok  jalan krong ribong  pabak ka bruk ngak nong  meng ni tal thun  2025, haong yaom jien buh tabiak labaih  4.350 tỷ đồng. Danak dak ni hu peih ngak  55 danak dak krong ribong  khik ramik dom bruk, tanut pabak ka bruk patagok  bruk ngak nong lagaih song taneh rija, labik laboa, trun hanjul bala meng langik tasik piah patagok khang kajap; ba mbuan lagaih jang piah peih ngak danak dak pakat negar  padang ngak palei pala bahrau dalam tỉnh. Ni dok lac sa dalam dom jalan ngak prong piah pacang caga anak bruk  biến đổi khí hậu, pasiam veik bruk pandiak bhang, ia mbak.

Kapul Dam dara Cộng sản Hồ Chí Minh pakat negar pambuak saong Tổng Công ty Bia - Alak – Ia menyum Sài Gòn peih ngak Danak dak “Tet dalam sa baoh sang haong gauk” piah daong urang ngak saong sinh vien nao palei mbang Tet. Dalam nan meda daong 270 harak kapal haok, 1.530 harak radaih pajeng tuai saong 200 harak vé radaih pui  ka 2.000 urang ngak saong sinh vien đại học di Hà Nội, Bắc Ninh, Bắc Giang, Ban raya Hồ Chí Minh, Bình Dương saong Đồng Nai nao palei  mbang Tet. Danak alin hadiah pandap Tet ka 800 sinh viên, urang ngak kan kandah, urang đoàn dam dara  saong urang halan hatian ngak bruk pacang caga jit daok veik mbang Tet  di ban Hà Nội, dom tỉnh Hòa Bình, Quảng Ninh saong ban raya Hồ Chí Minh. Langiu di dom urang halan hatian, kapul urang ba akok ngak bruk pacang caga jit Covid-19 jeng hu mbang tui bruk daong nan.

Piah dong ka bhap bini  njauk kan kandah kayua COVID-19, UBND TP.HCM bahrau brei pabak kadung jien karja ka dom  quận huyện song ban Thủ Đức ngan song yaom jien  labaih 4.167 tỉ đồng piah dong ka urang Covid-19, dalam nan,  hu pok ka 3. Dahlau di nan, tui Sở lao động thương binh xã hội  ban raya  kuhria tal harei  10.12, dok labaih  4.900 urang ngak bruk  tự do oh ka taduan hu jien dong mbang ka  1, song di mbang ka  2 dok 18.000 urang. Langiu di nan, ban raya  HCM dok 30.000 sang urang ngak hu rai duik kan kandah  song labaih  1,5 triệu urang hu rai duik biak kan kandah oh ka taduan hu pok jien dong ni  .

Tal urak ini, tỉnh Cà Mau hu 101 mbang urang njom Covid-19 metai  ye hu tal 67 urang oh ka klauk vaccine. Urak ini, gah chức năng Cà Mau daok samar brei klauk jru pabak saong klauk  gilac veik ka dom urang njauk brei klauk dahlau. Min tỉnh daok kurang vaccine nan ye hu panuac caong Mentri Y te  samar drah daong brei 1 trieu 320 ribau mbang vaccine  Pfizer piah klauk pabak pakhang prein pacang ruak ka bhap bini. Bruk jit ruak Covid -19 dom harei jaik di ini  dalam tỉnh Cà Mau daok rah tabiak srau kadau, yaok harei hu mangaok mala 1.000 mbang urang njom ruak. 

Jabat khik ramik y tế di Niu Di-lân brei adat ka jru Rô-na-pri-vê pandar piah pacang caga song taong ruak ka urang ruak  COVID-19. Ni lac sa  takai yam praong dalam mbang mesruh pacang jit prong COVID-19, kayua jru Rô-na-pri-vê hu mboh lac dong pacang bruk urang ruak trak tagok di dom urang ruak COVID-19, trun bruk tame sang iek ruak, dui katut tuk vak  hu triệu chứng saong tuk vak njom mbak, meng nan ngak trun biak rilo bruk urang ruak pambak  virus tapa urang karei.  Jru Rô-na-pri-vê hu mboh lac siam lagaih glong dalam bruk pacang veik  biến thể Đen-ta song urak ni dom roh duah dok pataom tame siam lagaih di jru ni ngan song biến thể Omicrom

Kadung jien dunya (IMF) birau brei kadun tukvak bayar sre ka 25 taneh ia jien mek tame biar ginup bruk ba tabiak. Ini lac mbang mbaoh harak ka 5 saong jeng lac mbang puac abih  ngan saong phun jien mesre kuhria abih tih tagok tal labaih 115 trieu dola Mỹ. Adit dahlau, IMF  brei thau sre di dunya tagok glong di abih, lac 226.000 tỉ dola Mỹ dalam thun bloh, meneing lac kayua dom jalan pacang caga jit ruak Covid-19, ngak kan kandah tal bruk pasiam veik  di dom taneh ia. Harak pathau khan  di IMF lac jit ruak praong Covid-19 jhul sre sumu 256% GDP di dunya. IMF daok pachreih dom rajaei samar hu dom jalan jien padai cambaic laic piah langyah dom bruk kinh te.

Sa roh duah hu ba tagok Harak Y tế Công cộng bahrau khan lac, dom triệu chứng di labik tian  dong duah tabiak  23% urang ruak hu chẩn đoán njauk  27 janih  ung thư bhian mboh song takik gaok.  Bruk roh duah ni hu peih ngak meng jalan  pasang iek  8 triệu chứng di tian mboh karei di gauk  yau pandik tian, salih bruk randap nao me eik, sadah ngin, sre drah tung taha, kan luan, trào ngược song taglaoh taaok , ngan song jiak 16 ribau urang ruak  hu  triệu chứng hadei di nan mboh lac ruak ung thư. Roh duah jeng brei thau, dom  triệu chứng di tian bhian mboh  di urang ruak ung thư , min tuk vak brei mboh nyu karei di gauk tui  triệu chứng./.

Urang lang: Hanipha- Ái Nghiêm -21/12