Nyaom roya pakacah gauk anit ranam taneh ia mbang ka 5 di rayo sap ndom VN

Patui bruk tangi sua saong javap calei di mbang nyaom ka 10 Quốc hội mbang XIV, page ini 10/11, Thủ tướng Rajaei Nguyễn Xuân Phúc ngak brei cambaic laic jang dom asar kadha ka bruk cak rok patagok kinh tế - xã hội bo dom urang QH caik hatai sangka. Taong yaom glaong dom kham merat di Rajaei langyah dom bruk bo cử tri saong bhap bini caik hatai dalam vaktu 2016 -2020, dom urang Quốc hội caong khin Rajaei sangka rilo jang tal bruk tani tanat raidiuk, pato megru saong y tế…

Di mbang tangi sua song javap jalei pak Quốc hội harei kabroi 9/11, muk Hồ Thị Minh (Quảng Trị) tangi sua bruk di Ủy ban bangsa song akaok mintri, Chủ nhiệm Ủy ban bangsa ka sarak dong mik va bangsa takik bhum ia sua gah kreih negar tani tanat rai duik. Akaok mitri Chủ nhiệm Ủy ban bangsa Đỗ Văn Chiến javap jalei lac: “Dom urang gaok kan kandah di mbang hajan ia sua meng bloh hu dong brei, yaok urang hu 15 kg brah sa bilan song tuk vak dong dalam 3 bilan. Ramik veik bruk dong dom boh sang lihik sang dok, khut khat prong meng 20.triệu đồng/sa boh sang tal 40.triệu đồng/sa boh sang , daong njauk sang, njauk menuac”.

Piah khik salamat ka manuac jeng yau drap ar di bhap bini, abih di nyu nan lac urang nao ngak mbang di tasik, anak ribuk ka 12 daoh rah tabiak, harei 9/11, Akok UB bhap bini tỉnh Ninh Thuận Lưu Xuân Vĩnh hu mbaoh tangin tame sarak brei pakauk gaiy gilai tabiak tasik taong chap ikan, meng 12 tuk harei harei kabroi tal abih ribuk. Jeng dalam harei 9/11, di dom pabah lamnge di tỉnh ini hu 2.083 sruh gaiy gilai ngan saong 11.110 urang ngak hu tame ar; 434 giay gilai ngan saong 3.900 urang ngak daok veik daok taong chap ikan di tasik dom tỉnh gah meraong negar. Jabat chức năng tỉnh hu iew dom gilai nan pataok tame dom pabah lamnge jaik abih piah hu salamat. Mban khik iek dom pabah lamnge tỉnh Ninh Thuận hu samar khan ka dom po raong kaya ikan dalam lồng, bè samar kak kajap, ba urang ngak tagok ar.

5 thun tapa, bruk pakacah, pok meyaom di rayo sap ndom VN hu rilo salih bahrau meng asal kadha, jalan ngak song bruk peih ngak , jeng jabat pathau khan hu bhap bini dalam song langui negar biak takre. Dalam tuk vak meng 2015-2020, Rayo sap ndom Việt Nam hadah mbaok meta hu 02 đơn vị hu akaok negar pok brei angan Anh hùng tapon nyaom bol pang phao krong; 25 kapul nyaom hu hu rajaei alin brei hala doh pakacah; 4 kapul nyaom, 32 menuac urang hu akaok negar alin brei Huân chương dom janih; 16 kapul nyaom, 38 menuac urang hu Thủ tướng rajaei brei harak meyaom ; 5 urang pakacah pakat negar. Bruk ini hu khan brei thau di Nyaom roya pakacah gauk anit ranam taneh ia mbang ka 5 di rayo sap ndom VN peih tabiak di Hà Nội harei kabroi.

Jabat Cảnh sát pasang iek, Công an ban Đà Nẵng hu tabiak sarak duah samar Bùi Mạnh Trí umo 35 thun, palei daok di huyện Đức Thọ, tỉnh Hà Tĩnh, sang daok di tổ 9, phường An Khê, quận Thanh Khê, ban Đà Nẵng. Bùi Mạnh Trí lac urang dang kaok bruk cá độ caoh mbanh dat blong tapa mạng mbang jien labaih 10.000 tỷ đồng birau njauk Công an ban Đà Nẵng chap di harei 13/10

Labaih 5 triệu urang Australia meda hu klauk vắc-xin Covid-19 di hãng jru Mỹ di akaok thun tal hadei di tuk Pfizer brei thau vắc-xin ngak iek di hãng ni mek hu siam lagaih labaih 90% song dok cang jabat y tế di Mỹ brei adat. Khaw tin siam ni hu pathau khan di mesup ni; gah y tế dunya hu pok meyaom bruk patagok dalam tku vak roh duah ngak tabiak  vaccine pacang Covid-19 di hãng jru Pfizer song Cty công nghệ sinh học di Đức BioNTech hadei di tuk 2 đơn vị ni tabiak panuac khan lac vaccine ngak iek di drei hu siam lagaih khik caga hu labaih 90%.

Thủ tướng Hung-ga-ry Viktor Orban brei thau rajaei meda tabiak hukum pacang caga metah piah kham ngak brei suai veik bruk pambak jit ruak Covid-19 hadei di tuk urang tame sang iek ruak saong metai tagok khang di taneh ini. Bruk giới nghiêm dalam negar hu ba tame pandar meng harei paguh 11/11, meng mong 8 melam tal 5 tuk page, min dom urang nao ngak ye brei tabiak nao. Dom doanh nghiệp njauk brei kareih pabah mbang dahlau mong 7 melam, dom bruk the thao padhih hu peih ngak di mblang min oh hu brei thei tame iek saong dom bruk taom mbaok gauk gar daom sang oh brei tapa 10 urang. Dalam harei kabroi, labaih 5.000 mbang urang njom birau di Hungary, ngan saong labaih 6.000 urang daok taong ruak di sang iek ruak, dalam nan hu 415 urang ruak trak. Hungary hu labaih 110.000 urang njom Covid-19 dalam nan hu 2.430 urang metai.

Meng harei 10/11, Liên minh châu Âu meda ba tabiak dom jalan jak je bahrau yaom 4 tỷ đô-la mong tame pandap panda Mỹ piah cagar veik bruk Mỹ kak je glong yaom 7,5 tỷ đô-la tagok pandap pablei tabiak negar langui di dom negar EU. Tui Phó Chủ tịch Ủy ban châu Âu, iek gah pablei salih – Valdis Dombrovkis, EU njauk tabiak sarak biak khang ni hadei di tuk gah Mỹ oh pacadu song padeih bruk tong je tame pandap pablei tabiak negar langui di Liên minh châu Âu./.

Urang lang: Hani Pha – Ái Nghiêm – 10/11 10:31:45