Alamu pala bingu tet 

Pathau mikva saong grauk yut !

Bingu cúc lac sa dalam dom janih bingu hu rilo urang takre kayua nyu mekre saong diuk hu livik. Dom urang pala bingu meda ruah pajaih Cúc tui caong takre atau tui bruk pala yau trang trí dalam sang, trang trí anak sang atau langiu mblang. Kadha “ urang ngak hamu caong thau “ harei ini, kol dahlak hu kadha tacei pato alamu pala bingu cúc. Daa mikva saong grauk yut tui pang. 

Njauk ruah taneh samu, tapak, tathuak ia siam, hu ia pruh siam oh njom nerak. Caoh taneh jaik sa adit di labik taneh caong pala, hadei di nan ngak ro ngak habal ka taneh tasaoh, caoh mbaok ro tapak blaoh buh khak halok ka taneh. Khak hu prai samu angaok mbaok ro saong pandar caglieng srau khak saong haluk. Meyah urang pala caong pala cúc dalam chậu ye meda srau tui jalan:  meteh taneh  phù sa +  ¼ khak anek athur  + ¼  xơ li –u. Langiu di nan, njauk pruh Ridomil (nồng độ 3g/lít) piah xử lý nấm ruak dahlau si pala.

 Bhian ngak hareik saong pasiam ro. Bruk caoh haluk, pasiam haluk vil val got tok ngak tuk phun cúc daok sit. Tuk phun praong ( hadei di tuk pala 40 harei) takik caoh haluk bo njauk buac hareik. Urang pala bingu njauk caik hatai  duah maong saong ngak ginup abih dua bruk pruh lac pruh rãnh saong pruh di mbaok . Pruh rãnh lac pruh dauk 2/3 rãnh dalam 1 tal 2 tuk piah ia njom tame luống hadei nan tathuak ia tabiak. Tui độ ẩm di luống bingu ye 7 tal 10 harei pruh sa mbang. Daok bruk pruh di angaok mbaok, urang pala njauk pandar ô doa pruh sit sit tagok mbaok ro mbiah tal tuk ginup độ ẩm bão hòa dalam taneh, jalan pruh ini njauk ngak gam gam saong tui độ ẩm di luống bingu. Langiu di nan, yaok pajaih bingu cúc jeng hu jalan kataik jhung, cakak dhar karei di gauk. Hadei di tuk pala meng 15 tal 20 harei kataik jhung caik veik 3 tal 4 dhar bingu ngan saong pajaih bingu cúc hu bingu praong. Urang pala bingu bhian kataik, cakak dhar saong dom nhánh oh njauk caik veik. Tal tukvak tabiak bingu njauk kataik dom caduk sit, tok caik veik dom caduk praong piah raong bingu .

Thúy Linh