Pathau mikva urang nong !  

    Bingu craih (sen) bhian hu pala dalam danao, min mikva meda pala iek dalam chum vại piah ngak cảnh, maong biak gheih meta. Bhian di nyu craih hu vụ praong lac đông xuân di bilan 12 tal bilan 1 dương lịch saong bilan  hè meng bilan 5 tal bilan 10 (tukvak pala siam abih di bilan xuân  – hè, tuk nan nhiệt độ tani tanat labaih 25 độ C). Langiu di nan mikva meda pala dom janih bingu craih sit, praong nde 1/3 sen thường, biak mbuan caik dalam sang. Dalam kadha urang ngakhamu caong thau harei ini, kỹ sư Lê Viết Hùng hu kadha vak  khan tal mikva  bruk pala craih . 

          Athar craih pajaih siam lac athar taha, praong, sambo màu sậm, jhui ruah asar sit, liman. Kayua kanduh asar craih thu kapan saong biak khang, yau nan ye piah ka asar pacah meta samar njauk cakak akaok tal abih kanduh langiu. Bruk ini nyu daong asar craih samar pacah meta saong plaih asar bruk gah dalam.

 Caik dom asar pajaih  labik akaok tame cavar ia di nhiệt độ 20 tal 30 độ C (siam di abih lac 21 độ C). Ia tram njauk salih yaok harei ( harei dua mbang, pagaiy saong melam) mbiah tal tuk asar pacah meta. Njauk caik hatai, dom asar karam trun ala meng pacah meta, daok dom asar ndon tagok angaok njauk klak nao. Hadei di 3 tal 5 harei, dom asar pajaih khang di abih nyu tabiak mầm hijao, salih ia yaok harei, di tukvak ini njauk ngak njul jang dahlau piah plaih gaok tal dom mầm meda.

Di tukvak ini, mikva njauk  caga labik pala craih, meda pandar taneh bhong ( phù sa), taneh thịt lai tame ia hacih caik dalam jaik sa adit dahlau di tuk ba craih tabiak pala. Cang tal tuk mềm meda atah jaik 15 cm ( hadei jeik 2 dit tram), ba tabiak pala di labik taneh hu caga dahlau nan.