Pruh ia lac jalan ngak siam piah patagok nang suat saong chat luong pablei salih phun mbang baoh. Hadei di ini lac dom alamu pruh ia ka phun mbang baoh :

Pruh phun : ini lac bruk pruh ka phun meng gah ala mbaok ia tagok dhar phun tapa  mac bom, nding ba ia saong dom vòi pruh cố định, eng nyu payeng hu vil val 360 độ, hu caik glaong truh mbaok taneh meng meteh met tal 1 met (pruh sit sit yau Yuan lac phun sương atau phun mù) bhian hu ngak piah pruh ka phun anek dalam dom harei pandiak ( pruh meng 16 tal 18 tuk biar harei) piah paglaong ẩm độ không khí, patrun pandiak ka baok, ka phun, pacang jruh baok kayua lingik pandiak. Jalan ngak ini hu siam nan lac daong cakak hu bruk langik oh lagaih ( pandiak, độ ẩm không khí biar) khik kajap năng suất, chất lượng baoh saong khik hu alamu glaong dalam bruk pabam pajaih phun anek (pabam phun pala).

Pruh tanjaoh : Ini lac jalan pruh barau, bhian hu pandar ka dom bein phun mbang baoh đặc sản hu kein laba glaong di dom bhum kurang ia pruh. Jalan pruh ini patak pataom hu biak rilo ia. Taneh oh kateik khang, khik tamo kết cấu taneh, taneh oh bào mòn, khak drak oh theik tabiak. Min ini lac jalan ngak abih rilo phun jien buh tame, kan ngak hu ka bruk pala drak praong.

Pruh ngầm : Lac bruk pruh ia ka phun tapa mac mbom pagam tui dom nding ba ia ndih dalam haluk atau hu bruk ia glaong biar jang gauk di labik pabak ia. Pruh ngầm patak pataom ia. Haluk oh kateik khang, khik tamo kết cấu taneh, taneh oh bào mòn, khak drak oh theik tabiak. Jien buh tame tuk camereip ka bruk ini biak praong, tok pandar ka dom janih taneh pasaoh brei ka ia mbuan njom tame.

Pruh rãnh Lac bruk pruh ia piah ka ia nduac tui dom jalan hu kuac raok kreh dom talei phun. Ia hu njom tame dalam haluk saong pabak ka phun pala. Bruk pruh ia ini patak pataom saong khik hu ia pruh ka bein phun, mbaok taneh jeng daok khik hu tasaoh, oh kateik khang, ket cau taneh jeng khik kajap, taneh oh bào mòn, chất dinh duong oh theik lahik. Ini lac bruk pruh bhian mboh, hu mikva pruh ka bein phun mbang baoh dalam taneh ia. Min tok pandar ka labik taneh samu tapak (độ dốc  sit jang 50).

Pruh dauk : pruh dauk nan lac brei ia tame beir phun sa tal ia, dalam sa tukvak halei nan piah pabak ia ka phun. Jalan ngak ini pambuak hu  bruk ia saong pametai dom janih halak halin daok dalam haluk ( yau carit kaik gha phun, nhộng, ruoi, halak mbang athar baoh pa-ok saong dom janih baoh karei). Jalan pruh ini abih rilo ia, tok hu ngak di labik hu taneh tapak samu, tathuak ia siam./.

Thúy Linh