Urang lin di bhum tasik palao kaoh hu ngak quyền di drei 

Bruk palih ruah urang ka QH saong ka HĐ bhap bini dom pakat  mbang ni, Đồn Biên phòng Vĩnh Nguơn daok dalam labik buh phiếu ka 11, phường Núi Sam, ban Châu Đốc, tỉnh An Giang. Ni lac 1 jabat pakat  đồn di Bộ đội Biên phòng tỉnh An Giang hu peih labik buh phiếu ka eng drei brei ka abih tih labaih  170 cử tri. Urang lin Nguyễn Tấn Thanh Em, Đồn Biên phòng Vĩnh Nguơn brei thau:

"Ngan song dahlak, ni lac mbang palih ruah camereip dalam bol bala, nan ye dahlak mboh biak chreih chrai .Dahlak hu mong iek biak cambaih laih yaok  urang hu ba tabiak, piah palih ruah tabiak dom urang naih gheih, piah palih ruah ka Quốc hội”

Thiếu tá Nguyễn Trương Phong, Đồn trưởng Đồn Biên phòng Vĩnh Nguơn, Bộ đội Biên phòng tỉnh An Giang brei thau, Đồn hu kuhri kuhria biak tani tanat, piah ka tong abih  urang jakar, urang lin hu peih ngak siam  quyền song bruk ngak di rahra

  "Jabat hu 4 thung phiếu, dalam nan hu sa  thung caik di labik song  3 thung ba nao mai. Khol dahlak hu ba tal dom kapul, nyaom khik iek di jalan tapen negar, piah ka urang jakar, urang lin palih ruah njauk, palih ruah ginup tui hukum".

Tui Bộ chỉ huy Bộ đội Biên phòng An Giang, anak bruk jit Covid-19 dok rah tabiak srau kadau, urang jakar, urang lin di dom  Đồn biên phòng pambuak bruk khang kajap song dom Tổ, chốt hong dom gah pagam tal pasang iek, khik iek catang jalan tapen negar luac harei melam, hu mbaok taong abih urang lin, pacang cakak abih dom bruk tame negar suan hukum. Piah ka urang jakar, urang lin thau cambaih tiểu sử di dom urang hu ba tabiak piah pilih ruah, langiu di bruk brei ka urang jakar, urang lin salih gauk mai puac, iek angan dom urang hu ba tabiak piah pilih ruah hu niêm yết di jabat, dom  đồn dok hu pathau khan tapa Zalo. Thượng tá Đào Văn Hiển, Chính trị viên Đồn biên phòng Phú Hội, Bộ đội Biên phòng tỉnh An Giang brei thau bruk ngak brei ka urang jakar, urang lin peih ngak quyền rahra dalam harei palih ruah jaik tal:

“Tong abih dom kapul di dom labik pacang caga jit jeng hu mbaok haong đơn vị buh phiếu di sa labik palih ruah. Khol dahlak hu jalan ngak lac dalam mesup harei nan parabha dom tổ khik iek di jalan tapen negar tabiak jeng  2 ca, hu radaih pajeng mai, piah ka taong abih urang jakar, urang lin jeng hu peih ngak quyền song bruk ngak di drei, nao palih ruah hu taong abih gauk min jeng dok ngak siam bruk pacang caga jit angaok jalan tapen negar".

Bruk palih ruah urang ka Quốc hội song ka HĐ bhap bini dom pakat mbang ni, Bộ đội Biên phòng An Giang hu  2 Tổ palih ruah  độc lập lac Jabat Bộ Chỉ huy song Đồn Biên phòng Vĩnh Nguơn, dom jabat dok veik hu mbaok tame palih ruah  di dom tổ palih ruah di palei. Thượng tá Lê Hoàng Việt, Phó Chính ủy Bộ Chỉ huy Bộ đội Biên phòng An Giang lac:

"Bộ chỉ huy hu tabiak jalan ngak, pataom tame khik ramik siam mekre puk palei, khik ramik sron mbon piah ka bruk palih ruah hu jak jeng siam mekre; saong hu tacei pato dom pakat ủy, urang dang akaok dom pakat, parabha tukvak khik iek piah ka dom urang jakar, urang lin, peih ngak  quyền cử tri hu ginup abih gauk. Gam khik kajap  quyền cử tri hu mbaok tame palih ruah, gam hu menuac pasang iek, khik caga catang jalan tapen negar song pacang caga jit  Covid-19, khik ginup abih quân số”

Bruk palih ruah urang ka Quốc hội mbang  XV song urang ka Hội đồng bhap bini dom pakat  vaktu  2021 – 2026 dok mai jiak tal. Ngan song  200 tổ, chốt pasang iek, pacang caga jit  Covid-19, peih bruk khik iek luac harei melam, saong khik ramik catang pabah mbang negar, jalan sit, jalan prong, krong, ribong tapa negar. Gam haong bruk pacang caga Covid-19, bruk kuhria caga ka harei palih ruah jiak tal dok hu peih ngak catang, tani tanat, khik kajap bruk peih ngak siam quyền rahra ka urang jakar, urang lin labik akaok pacang jit./.

Urang lang: Hanipha -20/5