Thủ tướng Rajaei birau brei angan 10 huyện mek hu tanut chuan palei pala birau, palei pala birau paglong. Dalam di nan, 8 huyện hu pok brei angan palei pala birau nan lac: huyện Lộc Hà, tỉnh Hà Tĩnh; huyện Bình Liêu tỉnh Quảng Ninh; huyện Châu Thành, tỉnh Tiền Giang; huyện Kiên Lương, huyện An Biên tỉnh Kiên Giang; huyện Tam Nông, huyện Thanh Ba tỉnh Phú Thọ; huyện Yên Bình tỉnh Yên Bái. Dua huyen hu taduan angan mek hu tanut chuan palei pala birau paglong lac huyen Đầm Hà và huyện Tiên Yên, tỉnh Quảng Ninh.

Meng hatai caong klah rabha anit ranam, rilo doanh nghiệp, urang ngak pahla hong dom agama hu caik tabiak 1.100 pok pandap, 4,5 tấn brah yaom labaih 800 triệu đồng brei ka dom sang kan kandah di huyện Thới Lai, TP. Cần Thơ. Langiu di nan, Hội Chữ Thập đỏ huyện Thới Lai daok hu 1.000 pok lisei brei saoh, iek ruak, brei jru ka labaih 500 mikva kan kathaot, njauk ruak kik di dalam huyện. 

Melam kabroi, Nyaom pataom bingu xuan TP.HCM thun nasak Girai  hu peih tabiak di Bein bingu Tao Đàn, Quận 1. Ngan haong kadha “ Xuân anit ranam - Tet Jum pataom”, Nyaom pataom bingu xuan phu peih tabiak dalam 10 harei, meng harei 6 tal 15/2 (nan lac 27 bilan Mat tal harei  6 bingun Tet). Pho  Akok UB bhap bini TPHCM Dương Anh Đức khan lac dom bruk peih ngak le hoi, dom thaok binguk hu sarak tagok ngak brei gheih mekre dalam Nyaom pataom bingu xuan thun ini ndung bak ilamu nghe thuat biak karei saong bak makna ngan haong kadha “ Xuân anit ranam - Tet Jum pataom”, oh lac pabak bruk ma-in bui sambai di bhap bini bo daok rik tame  khik ramik  dom ilamu siam gheih meng kan dalam harei Tet di bangsa.

UBND TP. Biên Hòa, tỉnh Đồng Nai bahrau peih jalan bingu Nguyễn Văn Trị - thun bharau sak inegirai 2024. Jalan bingu atah 600m, hu 3 binah hu ramik ngak mekre rah tui mblang bein Nguyễn Văn Trị. Di jalan bingu, taphia bruk mbeik drei pamaong tal cakrok hijao, khang kajap di "Biên Hòa harei ini" ye labik "Biên Hòa harei dahlau" hu brei mboh veik meng dom ilamu saman dahlau, gam haong dom thaot binguk dahlau daih saong dom bruk ngak meng kan di urang Biên Hòa - Đồng Nai. Dalam bui sambai uan raok Tết thun sak inegirai 2024 jalan bingu hu daong pabak bruk ngak bui, me-in sambai di bol bhap rahra. 

Bilan padai Đông xuân 2023-2024, urang nong tỉnh Hậu Giang trun pajaih  hu jaik 74.400ha. Dom harei tapa, bhian hu ia kakuan laih kapal di subuh page, langik la-ar, tathah ralo lac lagaih ka dom halak halin tamuh saong ruak palai pajua phun padai. Ong Ngô Minh Long, Yam ndoc Sở Ngak nong saong patagok palei tỉnh Hậu Giang brei thau, gah ngak nong meda pakhang bruk nao rivang iek hamu padai gam tacei pato pacang caga yaok janih halak halin  di phun padai sumu. Gam kakei mikva  uan raok Tet  min brei tari tareing nao iek hamu piah duah thau ruak halak halin palai kaik.

Lào hu sruh jit ruak cúm menuk ada H5N1 di sa darak dalam ban ine Viên-chăn. Anak bruk ini, Sở Nông Lâm ban ine Vientiane hu tacei pato gah raong glang pambuak bruk haong dom jabat pambuak tal bruk nan, duah thau makna ba tal jit ruak, pacang bhum jit, oh brei pajeng ba menuk ada, cim brim, ba nao am cuh klaak dom menuk ada njauk ruak atau mboh lac mbuan si njaom mbak, tacei pato po raong saong bhap bini pruh jru pametai anek ruak, proi cur tagok var ro saong labik vil val taom dar. 

Jit ruak pandiak tabiak darah daok rah tabiak trak di Thái Lan ngan  haong 8.000 mbang urang njom ruak saong 13 mbang urang metai  dalam bilan 1 meng blaoh. Akok Cục Pasang iek Jit ruak Thái Lan, ong Thongchai Keeratihuttayakorn khan lac, jaik abih dom urang ruak lac uranaih umo meng 5 tal 14 thun. Ong Thongchai iew taong abih dom sang eik ruak ka urang ruak pandiak tabiak darah brei jru luk atau jru pruht pacang jamoh ka taong abih urang ruak saong urang dalam sang mai iek glang urang ruak piah pacang caga, tui nan pachreih bhap bini njauk brei dut iek ruak tuk mboh pandiak.

Pasak umo thun taha pakat dunya di negar Anh bahrau ba tabiak bruk kuhria mboh dahlau lac umo padeih hưu di bhap bini taneh ia ini meda tagok 71 thun kuhria meng thun 2050 kayua menuac sia daok taha nao. Urak ini, urang ngak di negar Anh mbang jien lương hưu meng thun umo 66 min meda tagok 67 thun meng thun 2026 saong  68 thun meng thun 2044. Bruk patagok menuac sia taha dalam tuk menuac sia ranaih umo thun daok biak takik meda ba tal kan kandah khang. Di grauk labik angaok dunya, abih di nyu lac di dom taneh ia cakrok saong bahrau tagok, bruk menek, bruk ndih tapui anek daok trun mboh di anak meta./.