Ilamu biak gheih karei di dom palei Cam

Tỉnh An Giang urak ini hu 9 palei Cam di 9 xã, phường  ngan saong labaih 5 ribau baoh sang, labaih 17 ribau urang; daok pataom gauk ralo di ban sit Tân Châu saong huyện An Phú; daok takik di huyện Châu Phú, huyện Châu Thành saong di phường Mỹ Long, TP Long Xuyên. Dom palei Cam daok di dua gah  kraong Hậu, urang Cam daok dalam sang tuan ngak meng kayau biak mekre. Dom baoh sang megik praong, sit hu padang ngak dreih yau dom sang megik di dom taneh ia Islam Trung Đông. Dalam nan njauk ndom tal sang megik Mubarắk. Sang megik ini hu pok brei angan lac inem mek pakat negar ka kiến trúc meng thun 2011. Bruk njauk biai nan lac urang Cam hu diuk rai saong adat hukum biak karei, taong abih jeng pamaong tal sang megik piah likau Alluah. Harei ini, Sang megik daok lac labik piah ginum menyai bac megru di urang muslim, pathau khan  sarak di Đảng, hukum di Karja ka urang Islam di harei sambah yang jumaat yaok adit. Ong Soroles, Akok Ban bangsa ban sit Tân Châu, tỉnh An Giang brei thau: “Harei suk, dom urang islam pataom gauk di sang megik pang hakim, khotib bac khotabah ka hukum agama Islam, kakei gauk ngak siam bruk di agama, bruk di puk paga, ngak tui hukum karja, padang raidiuk ilamu… Harei Suk hu ndem biak rilo kadha, oh njauk lac ta-eng hukum agama saoh.”

  Dom ilamu siam gheih di urang Cam An Giang daok brei mboh tapa panuac ndem meyai, akhar huroh di drei. Piah khik ramik ilamu, panuac meyai saong akhar huroh  urak ini jaik abih sang megik hui peih tal pato bac. Harei dom adei nao bac tiểu học, THCS, THPT, daok melam sup mai sang megik piah bac akhar huroh di bangsa drei. Sang megik Azhar palei Châu Giang, xã Châu Phong daok hu peih tal bac vak horoh javi ka uranaih Cam. Ong HAJI ABDOLHAMID, Naeb sang megik Azhar, palei Châu Giang, xã Châu Phong brei thau: “Anak meta lac daong ka dom adei bac Koran, thau ngak hukum; piah thau khik ramik ilamu di bangsa drei; lac urang Cam njauk brei thau vak huroh, thau meyai panuac Cam…”

Sa ilamu siam gheih karei nan lac khan ao ngui cuk di urang likei atau kumei jeng lac ngui khan, tuk bac da-a, ngak bruk, ngak adat hukum; urang likei tuak kapiah, daok urang kumei me-om khan Matơra. Thaok binguk urang kumei Cam ngui cuk khan ao bangsa daok menyim khan bai oh lac brei mboh ilamu di bangsa bo daok lac bruk gheih mekre di urang kumei Cam An Giang. Muk Romah, urang menyim khan bai di palei Cam Châu Phong, thị xã Tân Châu, tỉnh An Giang lac, meng tuk daok sit, dom anai dara Cam hu muk, amaik tacei pato ngak dom pandap mbang, ahar bingi di bangsa, abih di nyu nan lac pato jik pet, menyim khan bai, sa bruk ngak meng kan di bangsa. Yaom lac bruk ini biak kan daman, min dahlak mboh sambai kayua ini lac bruk ngak meng mukkei caik mai,, hulin khin khik ramik oh luai lahik nao, glaih glar yau halei dahlak jeng kham ngak, menyim meng tangin sambo mau nyu oh mekre ralo min nyu kajap. Khol hulin menyim klau janih, daok veik hu dom pandap blei meng labik karei mai pablei ka tuai damuai jeng yau urang dalam palei…

Harei ini, dom baoh sang megik Islam gheih mekre gam saong bruk menyim khan bai meng kan di urang Cam An Giang dak harei dak pachreih hu rilo tuai damuai dalam saong langiu negar mai rivang iek, roh duah. Mboh hu bruk nan, dom urang Cam samar tame ngak dulich piah yaih khan ka dom ilamu hadah krah di bangsa drei.

Tuk ia harei tame ceik, jeng lac tuk sap ban ieu sambahyang yava tagok meng dom baoh sang megik tapen kraong Hậu. Dom palei Cam sron mbon plieng drei pasang angaok kraong ia Cuu Long. Dom kumei dara Cam melau melit pacang mbaok caik dua gah meta tapa khan meon kaok yau khik takai tuai daok veik./.

Urang lang: Aí Nghiêm -16/11