Dom urang lin dok dong ngak jalan ka mik va
Harei 23/8/2019, Công an tỉnh An Giang hu peih bruk brei thau song jao harak ba công an xã chính quy nao dom bruk di công an xã. Hadei di nan labaih sa bilan, Công an tỉnh hu ba g abih tih jiak 600 urang jakar, urang lin mai 119 xã, mek hu 100% công an chính quy ngak công an xã, samar jang bruk batabiak lac ngak salah bloh dalam thun 2021.
Lac sa xã tapen negar, nan ye Công an xã Nhơn Hưng, huyện Tịnh Biên, hu pabak chip dalam mbang camereip 5 urang jakar, urang lin, dalam nan hu sa trưởng công an xã, sa phó song 3 urang jakar, urang lin. Trung tá, Nguyễn Thái Điền, Trưởng Công an xã Nhơn Hưng brei thau: urang jakar, urang lin dalam đơn vị tuk halei jeng paglong hatai sahneng ngak siam bruk kỷ luật, ngak siam bruk tacei pato di Công an pakat angaok song pakat ủy, karja palei. Tui jalan ngak lac “daok jiak bhap bini, iek prong bhap bini, pambak tame bhap bini piah ngak bruk”, tuk vak tapa urang jakar, urang lin nao dalam, tame jaik, caik hatai tui pang dom cong khin, langyah chip dom bruk tamuh tabiak:
“Công an xã hu ngak siam bruk duah thau, tui iek dom urang tạm trú dalam xã, dong pacang caga khol kanyah jhak. Saong hu pambuak buk hong Quân sự xã, Đồn biên phòng Nhơn Hưng langyah siam lagaih dom bruk rah tabiak di jalan tapen negar, dong tani tanat siam mekre jalan tapen negar di xã".
Tui ong Nguyễn Thành Bảo, Phó Chủ tịch UBND xã Nhơn Hưng, huyện Tri Tôn, dahlau deih bruk an ninh chính trị, trật tự an toàn xã hội di xã tapen negar ni biak srau kadau. Meng di tuk công an chính quy hu ba mai xã, di pak ni oh dok tệ nạn xã hội. Dalam dom mbang tabung glong pagui mek khol kanyah jhak , công an xã duah mboh, chap mek hu rilo bruk suan hukum, tong tayah rilo labik tệ nạn xã hội, jru phien, pablei salih lậu... Taphia di nan, bruk khik ramik karja ka an ninh trật tự tuk camereip pasiam hu dom tavak tavaiy:
“Dom urang công an chính quy mai xã hu tapa bac megru ilamu ngak bruk. Kayua yau nan ye, dom bruk hu langyah samar jang . Taphia di nan jeng hu nao gam song gah biên phòng, xã đội piah ngak siam bruk khik caga an ninh, trật tự dalam palei jang yau jalan tapen negar, dom khol kanyah jhak, tệ nạn xã hội hu jhul kandun likuh . Bhap bini biak jia tame gah công an chính quy mai xã”
Tui tong yaom di rilo bhap bini, oh lac khik caga siam an ninh trật tự dalam palei, bo meng di tuk hu công an chính quy mai xã, dom bruk ngak harak gar hu langyah biak samar. Sư thầy Thích Thiện Chiếu, dang akaok baha Hòa Thạnh, xã Nhơn Hưng, huyện Tịnh Biên khan lac:
“An ninh di labik ni dak harei dak tani tanat, ba mai siam mekre ka bhap bini, ka xã hội. Bruk ngak harak gar, adei saai ngak biak siam, biak abih hatai”
Tui Thượng tá Nguyễn Thanh Sang, Phó Trưởng Công an huyện Tịnh Biên, tỉnh An Giang, bruk ba công an chính quy mai xã dok gaok dom kan kandah yau: labik ngak bruk, labik mepiah pandap di bruk ngak suan hukum, sang khik mek menuac di jabat công an xã daok khut, daok mbaih mbaoh atau oh pabak hu bruk di nyu... Urak ni, yaok xã tok hu brei 5 urang tame biên chế công an chính quy nan ye oh ka ginup menuac ngak bruk:
Băng: “Khol hulin hu panuac likau, ka sa lac bruk trụ sở di công an xã, urak ni Công an tỉnh jeng hu danak dak , likau samar peih ngak piah urang jakar, urang lin hu labik mbang huak, labik ndik dok piah ngak bruk hu siam mekre jang. Ka dua lac Công an tỉnh mong iek veik, buh jien tabiak piah khol hulin parbha ka công an dom xã”
Đại tá Đinh Văn Nơi, Giám đốc Công an tỉnh An Giang brei thau, anak tal jeng kham merat, paglong chất lượng bruk ngak di dom urang công an chính quy mai xã; padang công an xã nao gam song cơ sở, pambuak kajap song bhap bini. Saong brei palagaih meng labik dok, pandap panda song akaok sahneng piah urang jakar, urang lin sahanang hatai ngak bruk :
“Khol hulin caik hatai sangka di abih lac bruk patagok công an chính quy trun dom xã, abih di nyu nan lac dom xã bhum tapen negar kayua hu pambuak tal khol tội phạm tapa negar. Khol hulin brei tong yaom, song patagok urang jakar naih gheih hu trách nhiệm, hu nghiệp vụ piah pabak bruk ngak dalam tuk vak anak tal”
Bruk rami ramik, ba Công an chính quy mai ngak bruk di Công an xã dok patagok hu siam lagaih, rik dong khik ramik siam mekre bruk an ninh trật tự dalam palei, hu pakat ủy, karja song bhap bini njauk hatai, tong yaom glong./.
Urang lang: Hanipha- 19/11
Viết bình luận