Urak ini, sang ong Ngô Văn Đậu hu labaih 20 hecta danao raong ikan pra saong ikan klaik (padoc), yaok thun mek jien tame hu labaih 2 tỷ đồng; ba bruk ngak tani tanat ka 18 urang dalam palei saong yaom jien labaih 5 trieu dong sa urang sa bilan, gam saong yaok rituk urang ngak tui bilan yaok thun. Bruk njauk biai nan lac, ong caik 9 hecta taneh ngak padai brei apah , mek jien piah sang ngak paha hala. 

          Ong Ngô Văn Đậu khan lac, piah hu yau harei ini, ong njuak yam tapa rilo kan kandah glaih glar;  lac anek di sa baoh sang kan kathaot, nao grauk labik ngak mbang apah duah jien. Hadei di tuk tok diuk khin kamei di Ca Mau, diuk pasang ong mai veik palei di drei lac Phú Thượng, xã Phú Thành, huyen Phú Tan ngak mbang. Gam ngak, gam patak pataom. Tuk birau ginup mbang ginup cuk ye ong sahaneg tal bruk ngak pahal daong ka urang kan. Tuk Camereip lac daong brah, daong jien ka mikva tuk ruak kik pandik harao…“ Palei drei lac bhum atah byah biak kan kandah, bruk ngak mbang pambak tame ngak nong. Caong khin di drei lac daong ka mikva tuk gaok kan kandah yau ye blei radaih pajeng urang ruak nao sang iek ruak”

  Thun 2009, tuk nan sang jeng hu labaih hasit hasrak, ong Đậu biai saong dua sa-ai di drei , rik jien tame blei radaih pajeng urang nao iek ruak oh mek jien camereip abih di xã Phú Thành yaom 540 trieu dong. Tal thun 2017, ong patom jien blei veik radaih birau yaom 700 trieu dong, piah pajeng urang ruak dalam xã. Muk Trần Thị Nguyệt diuk di ong Đậu brei thau, ngak diuk ong dom pluk thun ye jeng thau hatai di ong. Luac rai ong caong ngak 3 bruk nan lac: kham ngak mbang hu jien daong urang kathaot, blei radaih pajeng urang ruak oh mek jien saong ngak kubo ka urang kathaot tuk plang lahik hu labik dar:“ Pasang hulin ngak bruk hagait jeng ginum biai saong diuk nek nan ye dahalk biak pachreih tui. Ong ngak bruk siam nan ye pachreih tui…Kuhria ngak bruk daong ka urang, ong ba abih prein yawa piah ngak, oh sahaneng hagait tal rup drei”

          Thun 2001, bruk raong ikan pra jeng gaok rilo kan kandah, rilo tuk khat lahik yau nan ye jien piah ngak pahala oh hu tani tanat; ong Đậu biai saong diuk nek pataom jien blei 4 công taneh hamu piah brei pah, mek jien ngak pala. Tal thun 2017, ong blei veik 5 hecta tra. Yau nan, urak ini  jien piah ngak paha di sang ong hu abih tih 9 hecta taneh hamu, brei pah, yaok thun duah hu 300 triệu đồng. Ong piah jien nan ngak pala daong ka menuac sia. Ong Ngô Văn Đậu lac: “ Drei lac anek di boah sang kan kathaot, tuk drei daok kathaot rambah, drei caong khin: harei hadei drei ngak mbang hu, drei njauk ngak pahala piah daong puk palei daong mikva yam tapa kan kandah..”

           Muk Lý Thị Lệ Hằng, akok UBMT negar xã Phú Thành, huyện Phú Tân brei thau, ong Ngô Văn Đậu oh lac sa urang nong ngak mbang naih joi di palei,  bo ong daok lac sa urang ngak pahala daong menuac sia, daong urang kathaot, urang gaok kan kandah, rik jien piah padang ngak danak dak công cộng…Amuk Lý Thị Lệ Hằng daok brei thau lac:“ Yaok thun cei nan rik daong labaih 270 trieu dong, hu dom thun jak ba padang ngak dom bruk di pala birau ye ong rik rilo jang. 

        Ong Ngô Văn Đậu oh lac sa urang nong ngak mbang naih joi bo daok lac sa urang abih htai ngak bruk pahala, tuk halei jeng sahaneng daong ka urang kan kathaot, urang gaok kan kandah. Meng dom bruk ngak daong ka menuac sia, puk palei, ong Tám Đậu hu dua mbang tadaun hu Harak meyaom di Thủ tướng Rajaei, di Kapol urang nong Viet Nam saong rilo harak meyaom di tỉnh An Giang ka bruk ngak mbnang –pablei salih naih joi, bac megru saong ngak tui jalan hadah krah siam mekre di Wa Ho./.