Anai gu Khuyên (gah hanuk) daok ginum biai haong ayut sahabat 

Meng hatai anit uraniah, ranam bruk ngak, anai abih hatai tacei pato dom adei ngak krein, ngak randap haong sap Việt, thau ngak dom bài toán sit, thau jum pataom gauk, daong ba gauk. Dalam tuk pato, lac urang Raglai nan ye anai pandar sap Việt phổ thông pambuak haong sap Raglai daong ka anek saih mbuan thau cambaih dom bài học. Kayua raidiuk di mikva daok rilo kan kandah nan ye bruk bac di anek bhik pak ini jeng oh ka hu amaik ame sangka. Dom adei bhian harei bac harei padeih ngak ka bruk bac gaok kan kandah, dom tuk yau nan, anai lac menuac hu sang bac brei nao jak ba dom adei mai bac. Meng ranam bruk gam saong hatai anit uraniah di anai gru Chamaléa Thị Khuyên nan ye dom thun tapa bruk jak ba anek saih mai bac hu siam mekre, khik hu sỹ số di tal bac, di sang bac tuk halei jeng glaong.

Anai gru Chamaléa Thị Khuyên tuk halei jeng kham merat pasiam rup drei, paglaong ilamu pato bac. Lingiu di bruk bac megru ilamu pato pakai di dom gru nao dahlau hu daong ka anai paglaong bruk pato pakai. Anai gru Chamaléa Thị Khuyên jeng kham merat paglaong ilamu nan ye hadei di tuk bac tamat cao đẳng, anai daok tui bac Đại học Sư phạm hệ từ xa saong bac hu tamat bloh.

Cei gru Trần Doãn Thao, Hiệu trưởng Sang bac TH Phước Thành A brei thau: anai gru Chamaléa Thị Khuyên lac urang hu trách nhiệm glaong dalam bruk ngak, hu sahneng duah jalan ngak gheih dalam pato bac piah ka anek saih bac hu lagaih, mbuan thau mbuan kanal. Tapa nan, daong ka dom adei takre nao bac..

Tapa 12 thun pato bac, meng kham merat abih drei, anai gru Chamaléa Thị Khuyên mek hu angan gru pato joi pakat huyện, pakat tỉnh; gru pato Vak akhar mekre pakat tỉnh; gru chủ nhiệm joi pakat huyện. Lingiu di nan, meng bruk abih drei dalam bruk ngak, ani gru Chamaléa Thị Khuyên hu dom gru pato pok ngak Chủ tịch Công đoàn cơ sở di sang bac./.

Urang lang: Musa Phuong - 11/11