Di Ha Noi padang ngak labik brei dok karei ka dom urang njom F1, F2 

Harei 1/2, Thứ trưởng Mintri Y tế Trương Quốc Cường hu mbaok tangin tame sarak ka 983/QĐ-BYT brei adat blei vaccin piah pacang caga jit COVID -19. Angan vắcxin hu brei adat lac COVID-19 vắcxin AstraZenenca. Cục Y tế pacang caga hu brei bruk padang jalan klauk jru saong peih ngak, pato tacei klauk jru, pasang iek dalam bruk klauk jru, tui iek prein yava hadei di tuk klauk, pathau khan, pataom abih tih dom bruk pambuak tal klauk vắcxin COVID-19 AstraZeneca.

Anak bruk sraw kadauk di jit ruak Covid-19, meng harei ini, dom tỉnh yau Hậu Giang, Phú Yên, Cần Thơ brei ka anek saih, sinh viên, dom labik pato megru mầm non, phổ thông, pasak pato bruk ngak - pato bac thường xuyên padeih bac.UB bhap bini Ban raya HCM jeng hu harak tacei pato dom sang bac di ban brei ka anek saih padeih bac meng harei 2/2. Biar harei 1/2, Sở Y tế Hà Nội brei thau urang birau njom ruak Covid-19 lac maik di anek saih bac tal 5 Sang bac Tiểu học dân lập Ban Mai (Hà Đông, Hà Nội.) Dua gru pato di sang bac hu ba nao daok labik karei dalam melam kayua jeng F1. Amaik di anek saih lac urang ngak bruk di mblang kapal haok Vân Đồn, Quảng Ninh.

Piah khik ka bruk pacang caga jit Covid-19 hu siam lagaih, Liên đoàn lao động tỉnh Bình Dương brei thau tal dom pakat công đoàn ka bruk ba urang ngak nao palei rok Tết nguyên đán thun sak kubao 2021. Dom urang hu alin harak vé meda hu daong 500.000 đồng/ sa urang. Thun ni, danak dak “sruh radaih anit ranam" tui kuhria ba labaih 4.000 urang ngak di dom tỉnh gah barak, gah kreih negar mai palei mbang Tết. Min, kayua jit ruak rahtabiak sarau kadhau, Liên đoàn lao động padeih abih dom bruk ngak yau nan. Liên đoàn lao động tỉnh Bình Dương ieu công đoàn cơ sở pathau khan saong jak ba urang ngak daok veik di Bình Dương rok Tết. daok jien brei ka gauk gar nao gam mayah hu mek meda hu biyar ginup. Taphia di nan, CĐ hu pambuak haong urang pandar urang ngak hu jalan daong, sangka samar drak ka urang ngak piah plaik duh hatai, srau kadau dalam urang ngak.

Nyaom roya Đảng pakat negar mbang ka XIII hu tamat blaoh di harei kabroi 1/2. Dalam 200 angan urang UVTƯ Đảng ( dam nan hu urang tame saong 20 urang dự khuyết, hu palih ruah tame Nyaom roya, hu 13 urang lac bangsa takik; 19 urang kumei; 62 Bí thư tỉnh, ban saong 8 Phó Bí thư lac Ủy viên . Dalam dom UV nan, hu 15 urang lac Akok Mentri, akaok dom jabat sumu mentri saong 4 Akok UB bhap bini tỉnh, ban.

Piah khik siam ka pandap panda, salamat pandap mbang dalam tuk Tết sak kubao 2021, pasak dịch vụ bhum ceik tỉnh Bình Thuận hu ba rilo pandap tani tanat yaom kaom tagok nao tal dom huyện bhum ceik, bhum atah bayah pabak ka bhap bini bangsa takik rok Tết. Tui nan, pasak mek tabiak labaih 1,6 tỷ đồng meng kadung jien kanja piah blei pandap ba nao pablei di dom cửa hàng, đại lý pablei sit di 11 xã hu bhap bini bangsa takik daok. Langiu di nan, pasak daok peih dom mbang pablei salih nao mai, ba pandap nao tal labik pabak ka bhap bini di dom xã bhum ceik, bhum atah bayah.

Tui Gah Lao động Dunya (ILO), dunya dalam thun 2020 lahik 8,8% mong ngak bruk, sumu 255 triệu bruk ngak dalam harei njuak lahik nao, kayua jit ruak praong Covid-19. Bruk khat lahik nan tagok jaik 4 mbang dut saong bruk kuhria mboh di mbang srau kadau jien ndo thun 2009. Tổng giám đốc ILO Guy Ryder brei thau cambaic laic yau nan saong iew nan lac bruk having akaok praong abih ngan saong darak bruk ngak di dunya kuhria meng dom thhun 1930 – lac meng tuk Bruk khat lahik trak

Labaih 441 ribau urang di Mỹ metai kayua Covid-19 meng di tuk jit praong tamuh tabiak meng jaik sa thun. Tui panuac khan di Đại học Johns Hopkins, labaih 22% dalam dom urang metai nan, lac labaih 95 ribau urang metai, hu pathau khan dalam bilan sa meng blaoh. Bilan 12 thun dahlau lac bilan metai rilo abih dang ka dua ngan haong labaih 77 ribau urang. Dom urang njom bahrau tui kuhria dalam 7 harei mboh trun tapa yaok harei, meng di tuk dang di tabung glaong di abih di harei 8 bilan 1 meng blaoh, min dom urang metai hu pathau khan jeng daok di tanut glaong. Dalam bialan sa, tui kuhria hu labaih 3 ribau urang metai yaok harei.

Anak dom bruk rah tabiak dalam kan kandah di jit Covid-19 di Đặc khu hành chính Hong Kong, Trung Quốc, karja pak ini brei dui atah tukvak ngak tui dom jalan patah di gauk  tal harei 17/2 ( lac 6 bingun Tết Thun anke sak kubao). Kuhria meng akok jit mbiah tal ini, đặc khu hành chính Hong Kong hu 10.486  urang njom Covid-19 saong hu 182 urang metai./.

Urang lang: Thu Thảo -Ái Nghiêm -2/2