Mentri Y tế brei harak adat samar ka dom janih jru pacang virus tui jalan menyum piah taong ruak ka F0

Anak bruk urang njom Covid-19 saong metai tagok rilo tukvak jaik ini, Thứ trưởng Mentri Y tế Nguyễn Trường Sơn brei thau, tuk peih pabah dom bruk ngak, meyah bhap bini oh ngak njauk 5K, tantu urang njom ruak meda tagok glong. Tuk urang njom ruak tagok rilo, bruk njauk iek praong nan lac pakhang bruk brei ka bhap bini taom gaok dich vụ y te hu samar abih, pandar dom janih jru njauk tui tacei pato samar abih piah trun urang ruak trak saong metai. Mentri Y tế hu sarak payua tagok Ủy ban Thường vụ Quốc hội likau ramik pasiam kadha 56 di Hukum Jru tavao piah patrun harak gal hành chính, ba mbuan lagaih ka Mentri Y tế brei harak adat samar ka dom janih jru pacang virus tui jalan menyum piah taong ruak ka F0. Anak tal brei salih tanut taong yaom jit ruak di dom tinh, ban. Taong yaom urang njom ruak oh tui bruk dut iek pambak praong, oh dut iek ruak dalam bhap bini veik bo pambak tame dom urang jaik ruak atau tuk duah urang F1 hu taom gaok F0.

Piah lang talaih kan kandah ka dom urang gaok kan kandah kayua jit COVID-19, Mintri jien padai hu panuac cong patrun 35 janih jien phí, lệ phí, peih ngak meng harei 1/1/2022 tal 30/6/2022. Hu 35 khoản phí, lệ phí hu panuac brei trun meng 10 - 50%. Tui nan, dom tanut mek tame cong trun meteh yau: dom khoản phí, lệ phí dalam bruk chứng khoán; lệ phí brei harak adat padang ngak song bruk ngak di gilang pariak, Kapul brei mesraiy langiu gilang pariak. Dom gah gaok khat lahik trak yau: pajeng ba jalan pasei, du lịch jeng hu panuac cong trun 50%.

Thành Đoàn TP.HCM saong Gah ngak bruk oh kein laba VinaCapital Foundation (VCF) birau brei thau bruk preh ngak Danak "Care to Rise – Anit ranam tui takai". Danak dak piah daong abih gah saong khang kajap ka baih 2.000 uranaih metui kayua Covid-19 di Ban raya HCM. Danak dak hu parabha jeng 2 tukvak. Tukvak ka 1, dom urang halan hatian saong dom urang jakar Đoàn - Đội di ban meda nao rivang yaok baoh sang uranaih metui piah duah thau bruk kurang di uranaih. Tapa duah thau, danak dak duah thau dom bruk daong tui klau bruk njauk brei hu: dinh dưỡng saong dom bruk pandar yaok harei; prein yawa, meta saong dom bruk haduh hatai kayua amaik ame plang lahik atau salaih labik daok; pabak hu mac jamriah saong mạng Internet piah bac da-a online.

Mban bangsa tỉnh Kiên Giang pambuak bruk song Tỉnh Đoàn Kiên Giang padang labik peih ngak danak dak “patrun patakik bruk tok duik tok pasang tuk umo thun oh ka ginup tui hukum song tok gauk dalam but pajaih di bhum bangsa takik" dalam tỉnh. 2 Jabat ni njauk hatai palih xã bhum tapen negar Phú Lợi, huyện Giang Thành piah padang bruk ngak iek. Langiu di pathau khan dom bruk tok duik tok pasang tuk umo thun oh ka ginup tui hukum song tok gauk dalam but pajaih, bruk ngak mbang ni dok pamong tal bruk patagok kinh tế, ba jalan bruk ngak ka rahra. Hadei di tuk padang salah bloh bruk ngak iek ni hu peih prong tabiak dom bhum palei hu rilo bhap bini bangsa takik daok dalam tỉnh.

Công an tỉnh Lâm Đồng brei thau, taong phạt muk H.L. (daok di ban sit Lạc Dương, huyện Lạc Dương) 7,5 triệu đồng kayua ba khaw tin suan pambak tal bruk pacang, caga Covid-19 angaok blah web. Dahlau di nan, Phòng An ninh mạng saong pacang, caga tội phạm pandar công nghệ glong, Công an tỉnh Lâm Đồng mboh bà T.Th.H.L. ba tagok Facebook di drei rilo kadha vak yaih khan ka sa jalan taong ruak COVID-19 meng “ia 7 sambo mau”. Muk H.L. peih tabiak, quản trị nyaom Facebook hu angan “Asar haluk 7 sambo mau” bhian ba dom asar kadha lac “bruk pacang caga jit Covid-19 di Lâm Đồng lac kayua prein di “baoh sang ngak yang mebang” di muk H.L. ngak. Di jabat công an, muk ini brei thau, “ia 7 sambo mau” lac ia mek tagok meng bingun ia di sang, oh hu dom jabat chức năng brei harak adat taong ruak halei.

Tui yaok pataom bahrau abih di mintri Lao động Mỹ brei mboh, dom harak lakau dong jien oh hu bruk ngak adit dahlau trun dok 199.000 harak, lac bier di abih meng di thun 1969. Ni hu mong lac bruk siam angaok drak pasa urang ngak taneh ia ni. Bruk blei pandap di bhap bini jeng dok tagok gilac veik di tuk padeih lễ Tạ ơn. Tapa nan brei mboh siam lagaih meng bruk kham merat di karja Tổng thống Joe Biden dalam bruk pasiam veik kinh tế dok dang anak bruk lạm phát tagok galong kayua jit prong COVID-19.

Thụy Sĩ njauk hatai brei salih tuvak taduan vaccine pacang COVID-19 ngan saong bruk parabah sumu gauk vaccine di dunya (COVAX), jeng taneh ia akaok meti di dunya ein ka COVAX taduan dahlau vaccine. Tui nan, COVAX taduan sa trieu mbang vaccine di Moderna dahlau puac bilan 12 anak tal. Dalam tuk nan, Thụy Sĩ brei salih tukvak di COVAX saong taduan 1 trieu vaccine di Moderna dalam thun 2022. Tổng Yam ndoc Liên minh vaccine di dunya (GAVI) Seth Berkley iew rajaei dom taneh ia karei bac megru ngak tui Thụy Sĩ, pambuak saong COVAX saong dom jabat ngak tabiak jru piah pasiam veik tukvak jao brei vaccine.

Rajaei Prang meda peih bruk klauk vắc-xin patagok ka tong abih dom rahra Prang umo labaih 18 thun meng di puac adit ni. Tuk vak di mbang klauk ka 2 song ka 3 hu dui panak trun dok 5 bilan, oh lac 6 bilan yau dahlau deih. Dom urang njom COVID-19 jeng klauk vắc-xin patagok meyah hu ginup tuk vak 5 bilan. piah jhul pakhang bruik klauk jru pacang, meng akaok adit tal , dom urang oh ka klauk vắc-xin, harak dut iek COVID-19 hu pandar dalam 24 tuk, oh daok lac 72 tuk yau dahlau deih. Urak ni, jeng hu 6 dalam 25 triệu rahra Prang umo labaih 18 thun jeng hu klauk blaoh vắc-xin patagok./.

Urang lang: Hani Pha – Bhumi – 27/11 06:30:00