Ngak rilo bruk praong pal akaok dalam gah CAND yau Thứ trưởng, blaoh Bộ trưởng Bộ Công an, abih di nyu lac urang dang akaok Karja, pal akaok dom tapon nyom bol pan phao kraong bhjap bini, akaok negar Trần Đại Quang tuk halei jeng caik hatai nit, bruk sangka di drei, hu dom tacei pato biak prong ngan haong gah Công an, piah dak padang lực lượng Công an dalam negar oh padeih prong khang, ngak siam taong abih bruk hu jao brei. Thiếu tướng, Anh hùng lực lượng vũ trang Phan Văn Lai, Akaok Ban Liên lạc urang jakar Công an daong ka chiến trường gah meraong khan lac: Ong Trần Đại Quang lac sa urang jakar naih gheih di Đảng saong Karja hu urang jakar, urang Đảng, pakat ủy meng Trung ương tal puk palei anit ranam pok ngak Akaok negar. Ini lac bruk hadah mbaok meta di gah Công an hu sa urang jakar brei ka Đảng, karja, Raja-ei, jeng lac bruk taong yaom ghi nhận xứng đáng pren rik daong di ong Trần Đại Quang.

 Dalam vaktu lac urang dang Akaok mentri Công an, ong hu ralo mbang pachreih pasamar điều tra ralo vụ án, khang hatai tacei pato piah ba tabiak ralo vụ án. Pagap yau Đại án tham nhũng, bruk ngak suan kinh tế rah tabiak di Vinalines di thun 2012 ngan haong urang chủ mưu lac Dương Chí Dũng (urang dahlau diah pal akaok Vinalines) daok ngak Cục trưởng Hàng hải (Mentri pajeng ba) nduac dauk chip tuk vụ án hu khởi tố, lệnh mek khik hu ba tabiak. Akaok mentri Trần Đại Quang pandar dom lực lượng duah cap mek ka pahu  ong Dương Chí Dũng, jhul samar bruk pasang iek, duah thau.

Labaih klau bilan hadei, ong Dũng njauk cap mek di Campuchia tuk daok kuhria nduac tapa Mỹ min oh jeng. Atau vụ án Nguyễn Đức Kiên saong đồng phạm pablei salih suan adat hukum, pachot meblah mek drap ar, dauk je, ngak suan adat hukum di karja ka bruk khik ramik kinh tế ba mai hậu quả biak trak. Taphia di nan, ralo đại án karei jeng hu ba tabiak hadei di nan yau bruk Huỳnh Thị Huyền Như ngak suan adat hukum ngan haong yaom jien jaik 4.000 tỷ đồng; bruk tham nhũng rah tabiak di Ban khik iek dom dự án jalan pasei Việt Nam, vụ án Hà Văn Thắm...

Lac urang dang akaok gah công an, đại tướng Trần Đại Quang bhian trun tapak labik dom vụ án pametai manuac biak nghiêm trọng piah tacei pato bruk pasang iek saong samar pachreih ba gauk gar urang njauk bala…Thiếu tướng Nguyễn Quang Phòng, Urang dahlau diah ngak phaok akaok  Tổng cục an ninh brei thau, yaok mbang hu taom gaok, akaok negar Trần Đại Quang tuk halei jeng brei mboh bruk jaik taphia, thân thiện oh phân biệt khoảng cách haong đồng đội saong adei sa-ai pakat ala dalam gah công an bhap bani: ‘Anak meta mboh lac hu dom urang tagok ngak praong ngan haong adei sa-ai đồng nghiệp klak mong lac bruk kayua drei, ngan haong urang pal akaok klak di drei jeng iek lap min  akaok negar Trần Đại Quang ngan haong adei sa-ai klak biak abih hatai anit oh hu bruk adei sa-ai phàn nàn hagiat, sa anek menuac dahlau yau hadei sa hatung hatai saong ayut sahabat đồng đội di drei.”

Akaok negar Trần Đại Quang urak ini nao atah, taong abih urang jakar, urang lin dalam gah Công an bhap bani tuk halei jeng kanar hadar dom panuac tacei pato di ong, oh padeih kham merat, khang hatai ngak siam taong abih bruk bo Đảng, Karja saong bhap bani jao brei./.