Ong Hai Mao (Phan Văn Mao), thun ni umo 84 thun, 57 thun umo Đảng, tuk halei jeng kak kajap song bhum taneh cách mạng 18 palei bein hala, huyện Hóc Môn, ban raya Hồ Chí Minh. Dalikan di ong Hai Mao ba khol hulin mai veik tukvak hào hùng, sục sôi cách mạng di bhap bini dalam bruk khởi nghĩa Nam Kỳ di angaok bhum taneh Hóc Môn - 18 palei bein hala…

Atah di ni 75 thun, yau ong Hai Mao lac, bhum taneh ni takik menuac, dua gah jalan roya 1 (jalan roya 22) lac dom glai klo. Meng labik lagaih yau ini bo meng thun 1930, Đảng drei hu palih ruah dom palei Bà Điểm, Tân Xuân, Xuân Thới Đông ngak căn cứ cách mạng song lac labik patom gauk ginum biai di Trung ương Đảng, Xứ ủy Nam Kỳ. Ong Hai Mao hadar veik “ Meng sit hulin thau lac palei ni sang halei jeng tui Đảng, tui cách mạng tong Prang. Rilo bruk đấu tranh yau dom mbang trun jalan pacang khủng bố, pacang đàn áp song tong paoh  bhap bini  vô tội rah tabiak di thun 1930, 1936, 1937, bloh hadei di ni lac khởi nghĩa Nam kỳ, Cách mạng bilan Tám thun 1945… jeng hu tamuh tabiak meng labik. Thau Bà Điểm, Xuân Thới Đông bhian ngak labik ginum biai di dom  đồng chí Nguyễn Văn Cừ, Nguyễn Thị Minh Khai, Tạ Uyên, Võ Văn Tần… nan ye bhap bini sa hatung hatai khik caga, yaom lac njauk kol khamang chap mek, tong paoh, caik guk jeng oh peih cambuai brei thau.

Lac labik peih tabiak dom bruk đấu tranh cách mạng di Sài Gòn - Gia Định - Chợ Lớn dahlau di thun 1945, nan ye dalam bruk Khởi nghĩa Nam Kỳ song hadei ni lac Cách mạng bilan Tám, bhap bini palei   Xuân Thới Đông hu thau meng biak aval. Tuk thau lac dom bruk khởi nghĩa patuh tabiak, bhap bini Bà Điểm, Xuân Thới Đông biak chreih hatai, yaok urang, yaok boh sang kuhria caga tầm vông, gậy gộc, dáo mác… tuk hu  lệnh ye patom gauk nao hu mbaok.

 “Không khí harei nan chreih chrai lo, meng rilo harei dahlau, nao tal halei dalam palei hulin jeng mboh urang pataom gauk ginum biai. Rilo urang umo nde hulin hu brei bruk ngak giao liên, khik tatua, khik baha”, ong Hai Mao khan lac yau nan

            “Hu padang tagok meng bruk neh tabiak xã Tân Xuân,  rilo thun ni mai Xuân Thới Đông hu salih bahrau biak rilo, abih di nyu nan lac meng di tuk  xã peih ngak danak dak pakat negar padang ngak palei pala bahrau. Ong Phạm Văn Hai, Phó Bí thư Thường trực Đảng ủy xã Xuân Thới Đông brei thau, meng akaok thun 2015 , xã ngak hu bloh 19 tanut palei pala bahrau. Meng sa xã  palei pala lingiu ban raya hu jalan mbak nao mai kan kandah, urak ni taong abih jalan pambuak dom xã tal palei hu tuh menyek, tuh bê tông, palagaih ka bhap bini ngak mbang duikrai, patagok KT. Abih di nyu, nan lac, dom thun tapa meng jhul khang dom bruk ngak mbang tui jalan khang kajap, hu dong dui patrun boh sang kan kathaot, boh sang jiak si kan kathaot tui tanut bahrau meng labaih 5%  tal 7% atah di ni dom thun dok labaih 1%. Labaih 5000 boh sang dalam xã urak ni hu jien mek tame labaih 46 triệu đồng/sa urang dalam sa thun (glong jang jiak 2 mbang  tui kuhria rah tapa dalam huyện). Boh sang kan ala 16 triệu đồng/sa urang dalam sa thun dok veik urak ni lac 23 boh sang song tui panuac khan di ong Phạm Văn Hai: “ Oh kuhria hagait, meng ni tal thun hadei lac hu ba tabiak truh boh sang kan kathaot. Bruk kham merat prong abih di urang dang akaok  xã tuk vak anak tal dok kham merat ngak yau habar khik kajap song patagok chất lượng dom tanut mek hu, jang yau yaok thun brei hu biak rilo boh sang ginup meda, piah dalam tuk vak oh suai lavik tra, bhum taneh CM dahlau deih jeng xã palei pala bahrau,  kaya meda song patagok./.