Harei 28/2/2012, Đại Hội đồng Liên Hiệp quốc brei tapa Sarak mek harei 20/3 yaok thun lac Harei hanem phon ka dunya tui panuac caong di  Vương quốc Bhutan , hu angan ginup lac Vương quốc Phật giáo Bhutan  Himalaya. Yaom lac sa taneh ia daok patagok hu abih tih sản phẩm quốc nội biar min Bhutan lac sa dalam dom taneh ia hu chỉ số hanem phon dang akaok dunya. Khẩu hiệu di Bhutan lac: ‘hanem phon tự nhiên ka bangsa”.

Meng dom thun 1970, patao di taneh ia ini hu ba tabiak sa jalan ngak barau piah taong yaom bruk thịnh vượng di XH, nan lac brei tapa chỉ số hanem phon negar, taphia dom chỉ số gah kinh tế bhian hu pandar piah taong yaom bruk kaya meda gah drap ar. Chỉ số ini hu kuhria tui dom chỉ số gah pren yava, tinh thần, pato megru, môi trường, chất lượng khik iek saong tanut diuk rai di bhap bini.

Harei 20/3/2013 lac mbang akaok meti menuac sia dunya peih Harei dunya hanem phon – harei piah ka kol drei sangka tal asal praong di abih dalam rai diuk di drei: ngak yau habar piah duah hu biak ralo bui sambai dalam rai diuk? Meng nan, pachreih patagok dom bruk siam mekre hu pambak tabiak grauk labik di angaok baoh taneh. Yaok ribau menuac di grauk labik angaok baoh taneh dalam harei 20/3, hu caik tukvak piah ba bui sambai ka dom urang daok jaik taphia drei. Tapa nan, Tổng Thư ký Liên Hiệp quốc Ban Ki mun hu panuac ieu menuac sia di taong abih dom taneh ia “sanya daong dom urang daok jaik taphia drei”, jhul pakhang bruk patagok khang kajap saong taong abih gah di menuac sia dunya meng “hatai anit ranam” ngak brei pambak tabiak hanem phon saong daong ka kol drei dak padang sa rai diuk siam mekre jang. Piah tuk hu mbaok tame ngak bruk pahala, rup drei jeng hu taduan veik dom siam mekre”.

Harei 20/3 hu mek ngak  harei dunya hanem phon kayua ini lac harei praong dalam thun tuk ia harei daok tapak jalan xích đạo nan ye dalam harei ini, harei saong melam nyu atah samu gauk. Kayua yau nan ye harei ini daok lac harei hài hòa, cân bằng di lingik tasik. Tapa nan, bruk palih ruah harei 20/3 ngak harei dunya hanem phon jeng ba tabiak panuac lac cân bằng, hài hòa lac sa dalam dom chìa khóa piah ba mai hanem phon. Yau nan ngak yau habar piah cân bằng, piah mek hu bruk hài hòa piah taduan hu hanem phon?

 Di VN, Thủ tướng rajaei hu quyết định 2589/QĐ-TTg  harei 26/12/2013 brei adat peih ngak danak dak “ peih ngak dom bruk di harei dunya hanem phon 20/3 yaok thun”. Bruk nan hu makna praong piah patui jalan peih ngak bruk patagok an sinh XH, padang baoh sang VN trei sil, tien bo saong hanem phon, paglaong akaok saneng dalam XH ka harei dunya hanem phon, piah meng nan hu jalan ngak cambaih laih, dak padang baoh sang hanem phon, bhap bini hanem phon di urang VN; ieu pambuak bruk, daong ba di dom kapul nyaom, menuac urang dalam saong langiu taneh ia ngan saong dom bruk ngak di harei dunya hanem phon 20/3./.