Asar măng tây hijao hu drak dalam bầu, hadei di jaik 3 bilan ba tabiak lingiu hamu pala, phun ini atah phun daih 30cm. Janih phun ini lagaih saong taneh tasoh, tathuak ia labik jaik kraong, craoh. Dahlau di tuk pala, mikva brei buh halok khak var ro, khak hữu cơ vi sinh, khak lân tui tacei pato. 

Mikva brei palih ruah taneh pala hu độ phì nhiêu glaong, độ pH meng 6 tal 7, taneh pala kapal meng 40 tal 50cm. Hadei di nan, mikva ngak taneh, ngak ro, pambu pandiak 30 harei dahlau di tuk pala. Labang pala dalam 50 cm. Palih phun meda glaong meng 25 tal 30 cm, mật độ pala meng 18.000 tal 27.000 phun sa ha.

Dalam bilan pandiak bhang, mikva njauk pruh ia tui jalan nhỏ giọt, bhian khik độ pasah meng 60 tal 70%. 15 harei hadei di tuk pala, mikva brei buh khak NPK 150kg sa ha, buh veik hadei 15 harei. Tui iek jit ruak angaok măng tây pambuak saong bruk pruh jru, ngak hareik, buh khak ka lagaih. Hadei meng 4 tal 5 bilan, măng tây meda pablei hu.

-        Nhạc ngắn

-         

Saai Trần Cảnh daok di palei Tuấn Tú (An Hải, Ninh Phước, Ninh Thuận) hub uh pren yava jien padai tame ngak bingun njuk ia pruh ka phun măng tây hijao. Urak ini, măng tây pablei hu meng 200 tal 300 ribau đồng sa harei, ginup jien cai pandar ka baoh sang.

. Di Bình Thuận, hadei di 8 bilan ba phun măng tây hijao mai pala iek di xã La Gi, iek glang njauk jalan, phun daok tabiak ribung, kaoh hu dalam 4 bilan. Bruk ngak ini hu Jabat kinh tế ban sit La Gi, tỉnh Bình Thuận taong yaom lac phun pala ba mai kein laba kinh tế glaong ka baoh sang urang nông. Saai Anh Nguyễn Văn Thanh daok di phường Bình Tân brei thau, sang saai hu Jabat kinh tế ban sit daong taong abih pajaih hu pandih pacah meta, saong 30% khak drak, tacei ilamu pala 1000 m2 măng tây hijao dalam bein. Abih tih phun jien saong pren iek glang jaik 22 triệu meteh. Tuk phun tabiak ribung yaok harei kaoh hu 6kg, kaoh gam gam dalam 4 bilan hu 720 kg. Tui yaom pablei 50 ribau đồng sa kg, jien mek tame hu 36 triệu đồng, kaoh bloh phun jien buh tame ngak, hu laba jaik 14 triệu đồng dalam 4 bilan, yaok bilan mek tame hu jaik 3 triệu meteh. Urak ini, sang saai Thanh daok peih praong taneh pala măng tây hijao./.