Hu padang tagok meng thun 2017 saong angan ieu lac Harei Adit anit ranam, ralo thun ini mai, kapol dam dara takre bruk ngak pahla nan hu ngak rilo bruk daong ka urang kan kathaot, urang taha daok sa drei saong uranaih metui medhua di Ban raya HCM. Oh labaih jien ndo hagait min tal harei puac adit, urang ba gauk rik jien tame blei  tapuk siphau, pandap mbang mai ngak blaoh ba brei ka urang kathaot oh hu labik daok, uranaih metui atau urang taha umo daok sa drei.

 Tui Nguyễn Tú Anh - urang  padang tabiak saong pan kaok Harei Adit anit ranam, akok thun 2014, danak dak “1.001 gilang tapuk labik atah bayah” hu peih tabiak meng bruk padang gilang tapuk ka anek saih kan kathaot tỉnh Binh Phước. Tal urak ini, labaih 200 gilang tapuk hu kapol caik di dom bhum palei atah bayah, labik taphia negar atau dom bhum palei biak kan kandah dalam negar saong hatai  caong daong ka dom adei sit hu tapuk piah bac. Yaok sa gilang tapuk hu meng 300 tal 1.000 baoh tapuk. Ngak gilang tapuk blaoh, Tú Anh saong dom ayut sahabat bhian nao tal palei atah bayah piah peih harei pataom tapuk, gam saong dom bruk main sambai, ngak pahala. Sa-ai Nguyễn Tú Anh brei thau, meng harei padang gilang tapuk camereip mbaih tal ini, taong abih bruk jeng hu kapol sangka iek glang:“ Oh lac payua tapuk sa mbang piah padang gilang tapuk bo khol dahlak bhian pabak tapuk tame. Yaok thun, khol dahlak  hu 1 tal 2 mbang payua tapuk tame  ka dom gilang tapuk piah pabak ka tapuk lahik jeng yau piah hu rilo tapuk birau.”

 # Bruk bo Nguyễn Tú Anh saong dom urang di Harei Adit anit ranam mboh bui sambai lac bruk ngak pahala halei di kapul jeng hu menuac sia pachreih tui. Meng bhian randap tak oh bhian randap, dom ayut rik jien tame, blei tapuk, nao likau tapuk, papaok veik blaoh ba nao ka dom adei sit bhum ceik glaong. Bruk bui sambai di dom adei sit di bhum ceik glaong, bhum atah bayah tuk mbang akaok mereip mboh baoh tapuk birau mekre meta atau tuk hu dom sa-ai alin brei kik kapal piah bac  oh ndem abih hu meng panuac. Nguyễn Thị Hoa Tranh, dahlau diah lac sinh vien Sang bac Cao đẳng Kinh tế - Đối ngoại ban raya HCM sa dalam dom urang di Kapol nan brei thau: “ Bruk gheih abih di danak dak ini, dahlak mboh di labik lac suai lavik kapol hu mai ka dom adei. Bruk bo kapol pamaong tal oh lac bruk rik brah, klak rabha pandap mbang, khan ao brei ka dom adei di anak meta. Khol dahlak ba  dom adei sahneng tal suai lavik lac meda hu jeng urang naih joi jang piah daong ka sang saong bhum palei di drei.”

Ba ilamu puac tapuk saong hatai anit ranam tapa dom blah tapuk, kadha bo dom ayut di kapol taduan hu lac sap klao sambai di dom adei. Thau hu dom kurang lahik di dom adei sit bhum glaong, meng ini tal thun 2020, kapol kham merat ngak salah 1.001 gilang tapuk  piah uranaih daok pak halei jeng hu ginup tapuk piah puac yaok harei. Tui bruk ba tabiak yau nan, tapuk brei duah hu lac biak ralo, dom mbang nao alin tapuk ralo jang, bruk ngak di yaok urang dalam kapol rilo jang min thei jeng khin ngak kayua mboh brei daok ngak hu bruk siam ka menuac sia. Phạm Thị Như Thùy jeng lac sa dalm dom urang di kapol lac: “Dahlak jeng praong tagok di bhum palei yau na ye hu thau rup drei jeng yau dom ayut sahabat dahlau diah biak kurang tapuk bac. Tuk hu taom dom adei sit dom bhum atah bayah, dahlak mboh danak dak ini biak siam. Bruk nan ba mai pui hadah ka ralo adei bangsa takik.”

 Tapuk di kapol Harei Adit anit ranam hu mboh oh lac di sang bac, sang ilamu palei, xã, dom labik ilamu, gilang tapuk baoh sang bo daok hu mboh di baha, nhà thờ saong nak tal lac sang guk. Dom urang dalam kapol khan lac daok kham pambuak bhap bini piah peih praong dom gilanag tapuk ka urang kathaot gruka labiki dalam negar Viet Nam oh lac padeih di 1.001 gilang. Tuk meng bhum atah bayah  tal bhum ceik  hu rilo gilang tapuk ye bruk bac akhar huroh, ngan saong ilamu puac tapuk di uraniah saong urang praong pak ini, oh daok lac bruk atah bayah yau herei ini./.