Ba Trung thu tal dom adei oh hu jeng ji saong dom uranaih sang kan kathaot, bhum atah bayah lac bruk ngak halan hatian hu rilo kapul saong dom  nyaom ngak pahla ba tabiak, abih hatai pataom tame saong ginum biai chreih chrai angaok dom blah mạng xã hội meng jaik sa bilan dahlau. Urak ini, hu biak rilo kapul nyaom halan hatian daok caga peih ngak danak dak Trung thu jaik tal. Yaok urang sa bruk ngak, sa labik dang karei di gauk dalam xã hội, min jeng hu hatai anit dom uraniah kan kathaot, oh patuah jamo…

        410 pok pandap yaom meng 400 ribau tal 500 ribau đồng hu ba brei ka dom adei sit hu mbaok tame danak dak "Klah rabha anit ranam" kayua Kapul khik caga quyền uranaih ban raya peih ngak harei 16/9 di Nhà Văn hóa Thanh Niên ban raya HCM. Lingiu di nan, hu 20 sruh radaih juak saong 80 pok jien bac brei ka dom adei sang kan kandah hu rilo kham merat yam tagok dalam bac da-a saong pasram megru, yaok poak yaom meng 1 triệu tal 3 triệu 500 ribau đồng tui pakat bac, dalam nan hu 24 paok jien bac hu alin brei yaok thun. Dom adei daok hu pang, hu iek danak dak daoh tamia uraniah biak gheih gam saong rilo kadha me-in hu thưởng… Adei Đào Thị Thanh Nga, mai meng Mái ấm Ga Sài Gòn drut drui lac: Anek tame mái ấm meng umo 8 thun. Ame metai lavik ye, daok amaik oh thau daok pak halei. Dahlau daih anek daok haong amuk mik amuk matai ye. Harei ini anek bui sambai lo kayua livik ye anek meng hu yau ini, hu brei pandap saong brei jien bac. Anek kham bac jang piah hu siam mekre jang)

Di harei pataom, Luật sư Trần Thị Ngọc Nữ, akaok dhar kapul khik caga Quyền uraniah ban raya HCM brei thau lac, lingiu di bruk iek glang Tết Trung thu, Kapul daok hu rilo bruk ngak gam gam piah khik caga dom adei sit dalam raidiuk yaok harei: Kol dahlak hu nao tal yaok mái ấm piah pathau khan brei dom adei thau ka quyền uraniah, thau ka bổn phận di dom adei, thau ka jalan pacang caga xâm hại yau habar  saong brei thau ka jalan talei phone pandiak 111, 19009069 piah dom adei thau hu 4 quyền di uraniah. Nan lac  quyền diukrai, quyền khik caga, quyền patagok, quyền hu mbaok tame; saong 5 bổn phận bo dom adei njauk ngak haong baoh sang, haong sang bac, haong xã hội, haong taneh ia saong ka rup di drei.

        Tui amuk Mai Thị Ngọc Mai, akaok kapul Khik caga quyền uraniah ban raya HCM: Danak dak oh lac ba tal dom adei dom pok pandap, bo daok ngak ka dom adei mboh chreih chrai piah tapa nan dom adei mboh hu bruk anit ranam di menuac sia brei ka drei, saong khang hatai jia lac angaok jalan nao di drei jeng daok hu rilo menuac siam hatai tuk halei jeng sangka daong ka dom adei. Dom adei rilo meng daok di mái ấm, nhà mở, pasak raong pato uranaih saong dom adei kan kathaot njauk kurang lihik rilo dalam raidiuk daok di dom quận, huyện. Di harei pataom ini kol dahlak hu brei pok jien bac, alin hadiah pandap. Anak tal, bruk njauk ngak dahlau lac pathau khan ka quyền saong hukum uraniah dalam bhap bini saong dalam sang bac piah khik caga uraniah. 

Tukvak ini, Pasak khik caga uraniah jaoh jo - metui medar Thị Nghè jeng lac labik bo rilo kapul halan hatian sangka iek glang. Bahrau ini, dhar kapul urang kumei khu phố 10 (phường 4, quận 8) hu brei 270 lồng đèn saong 360 pok ahar trung thu ka dom adei jaoh jop, metui medar daok hu raong pato di pasak ini. Sa-ai Phạm Thị Ngọc Dung, akaok dhar kapul urang kumei khu phố 10 (phường 4, quận 8), brei thau: “Mai tal labik ini, mboh dom adei ruak kik meng tuk ndih tapui tabiak, anit lô”. 

Uraniah daok di dom bhum glaong, bhum kan kandah jeng hu rilo kapul halan hatian ngak pahla meng ban raya HCM mai ravang, brei pandap piah klah rabha, piah ba bui sambai Trung thu ka dom adei sit.Pandap alin brei dalam bilan Trung thu thun ini bhian lac lồng đèn, dom janih ahar, harak siphau, but kalam… Abih di nyu nan lac, bruk pilih ruah janih ahar trung thu alin hadiah ka dom adei sit hu sangka tal bruk khik kajap an toàn vệ sinh thực phẩm, ahar hu blei di dom labik ngak ahar hu angan je, atau ngak eng biak bingi. Rilo kapul nyaom daok hu peih dom bruk taom gaok, ndom menyai nao mai, raok gom, phá cỗ, múa lân… Dom bruk ngak ini hu ba bui sambai ka dom adei uranaih, saong daok hu pachreih ba dom adei kham merat yam tapa kan kandah piah bac da-a hu siam mekre, saong tapa nan ngak brei Tết Trung thu meng kan hu bui sambai, ndung bak hatai anit ranam.. 

  Tapa ilamu meng dom thun dahlau, thun ini, dom kapul ngak pahla jeng hu caga biak tani tanat meng harak adat ngak bruk tal dom pandap alin, dom hóa đơn, harak brei thau asal di nyu, hạn sử dụng thực phẩm. Sa-ai Trịnh Hồng Nghĩa, akaok kapul Menuac pajeng bac - phượt halan hatian, brei thau: “Thun ini, kapul peih ngak Trung thu ka dom adei uraniah daok di tỉnh Lâm Đồng. Bruk ngak di kapul tuk halei jeng pamoang tal dom yaom glaong meng kan. Kayua yau nan ye, kapul hu peih bruk brei ka dom adei roak gom melam ia bulan bak baoh saong phá cỗ trăng rằm njuak tui adat cambat tanarakun lac raok gom meng janih gom lồng truac din. Daok ahar Trung thu lac ahar meng kan hu ngak di dom labik ngak ahar hu angan je, tok brei ngak sa harei dahlau di harei peih danak dak”./.