Ba bui sambai trung thu mai ka uranaih Cam ban raya HCM

     Hu jeng bhian randap, yaok mbang Trung thu, dom gah chính trị, xã hội ba gauk rik pren pasang iek Tết ka uranaih. Thun ini, piah ba dom siam mekre ka dom adei sit, abih di nyu nan lac uranaih kathaot, uranaih bangsa Cam sang kan kanadah dalam ban raya hu bui sambai tết Trung thu, dom pakat dom gah ban raya Hồ Chí Minh hu rilo bruk ngak siam. Sa Phi Giah – urang vak di rayo sap ndom VN daok di ban raya HCM hu kadha vak brei thau ka bruk ini :

Di ban raya Hồ Chí Minh, Phú Nhuận lac quận hu rilo bhapbini bangsa Cam daok meng livik saman. Pak ini urak ini hu jaik 130 sang ngan saong labaih 625 urang, daok rilo di khu phố 1 - phường 17, quận Phú Nhuận.  Raidiuk di mikva pak ini daok rilo kan kandah. Piah ka uranaih bangsa Cam hu bui sambai Tết Trung thu, thun ini, karja palei  hu sangka ba mbuan lagaih ka dom adei uranaih bangsa Cam dalam palei hu sa harei trung thu biak bui sambai. Ủy ban bhapbini phường 17, quận Phú Nhuận hu alin 60 paok pandap ( yaok paok yaom 150.000 đồng, dalam hu ahar trung thu saong lồng đèn) ka  60 uranaih bangsa Cam.

Tui jalan klah rabha anit ranam, bruk praong dalam “ melam roya ia bilan bak baok” bui sambai Trung thu thun ini di phường 13, quận 3, ban raya Hồ Chí Minh lac dom bruk pamaong tal uranaih kathaot, uranaih bhapbini bangsa Cam. Yau ye bruk phường jak ba doanh nghiep dalam palei peih ngak trung thu sớm ka yaok pluh uranaih bangsa Cam di phường 13, quận 3, ngan saong yaok pluh paok pandap hu ahar trung thu saong lồng đèn, yaom abih tih labaih 10 triệu đồng. Drut droi di abih lac melam ia bilan baok baok ngan saong kadha “ia bilan anit ranam” hu peih ngak di sang ilimo bhapbini phường 13 – quận 3 ngan saong rilo tiết mục yau : pataom pakacah tamia lân, daoh tamia, pakacah lồng đèn, pachreih hu yaok pluh thanh thiếu nhi pataom mbaok tame.

     Meng bruk ba gauk rik pren tame daong di abih xã hội, melam Trung thu chreih chrai saong mblat mblat sambo màu hu mai tal dom adei uranaih Cam biak siam mekre. Ini lac bruk ngak hu ndung bak tính xã hội hóa dalam bruk peih ngak Tết Trung thu ka uranaih, ba mai ka dom adei sit sa Tết Trung thu hu rilo makna ./.

Thúy Linh